Mesa Redonda en Ferrol: Amianto, Orixe e efectos (non silenciosos), un achegamento desde a perspectiva de xénero - No Ateneo Ferrolán este xoves 5 de maio, ás 7 da tarde - Contará coa presencia de Suso Porta Dovalo, Carmen Diego Roza, Rober Amado e Sara González Veiga

Mesa Redonda en Ferrol: "Amianto, Orixe e efectos (non silenciosos), un achegamento desde a perspectiva de xénero"

Terálugar este xoves 5 de maio, ás 7 da tarde, no salón de actos do Ateneo Ferrolán.

Contará coa presencia de Suso Porta Dovalo, Carmen Diego Roza, Rober Amado e Sara González Veiga.

Organiza: Memoria e Dignidade, Comisión do 50 Aniversario de Marzo do 72, con Agavida, Fuco Buxán, Memoria Histórica Democrática e Ateneo Ferrolán.

10 de Marzo do 72
Presente e Futuro

Asociación Cultural Memoria Histórica Democrática
https://memoriahistoricademocratica.org/
http://memoriahistoricademocratica.wordpress.com
en facebook:Memoria Historica Democratica
en twitter: Memoria Ferrol @memoriaferrol

Enviado por:
Memoria Histórica Democrática
-memoriahistoricademocratica@gmail.com-
2 de maio de 2022 23:58
_______

Rafael Pillado

Rafael Pillado

Aquela BAZÁN fabricaba buques de ferro pero fabricaba tamén “Homes de Ferro”….

Neste ano de conmemoracións do 50 Aniversario do Día da Clase Obreira Galega, entre as moitas biografías, sucesos, debates, efemérides… que pasarán por este face e polos Actos que se organicen, pensamos que teñen que ter un lugar destacado as moi numerosas vítimas do Amianto. Ese asasino silencioso e cruel de tantos traballadores do Naval e doutras industrias e de tanta cidadanía inocente do seu prexuízo…

Hoxe - con moita dor - comentámosvos, pola seu expreso desexo, que ao noso querido compañeiro RAFAEL PILLADO LISTA, acábanlle de diagnosticar un mesotelioma pulmonar ocasionado polo asbestos.

Coa mesma decisión e enerxía que loitou contra a ditadura, polas liberdades e polos dereitos humanos e cidadáns, está disposto a dar a batalla, até onde poida e co noso apoio, polos dereitos das vítimas do amianto e os seus familiares.

Desde as Asociacións AGAVIDA, FUCO BUXÁN e MEMORIA HISTÓRICA DEMOCRÁTICA, nesa loita, acompañarémolo con todas as nosas forzas. Unha batalla que desde hai máis de 20 anos vimos mantendo contra unha Empresa e un Sistema que ocultou deliberadamente este perigo e as súas consecuencias.

Foto de “Aceiro sobre a auga” de Ramón Loureiro. Edic. Liceo Rubia Barcia.
_______

Agavida, Asociación Galega de Vítimas do Amianto en Ferrol, apoia a convocatoria da Plataforma de Ferrolterra en Defensa das Pensións Públicas, deste sábado 5 de decembro

✔ POLO PRESENTE E O FUTURO DAS PENSIÓNS !!
✔ NON AO PACTO DE TOLEDO !!
✔ POR UNHA BANCA PÚBLICA !!
✔ POR UNS SERVIZOS SOCIAIS PLENAMENTE PÚBLICOS !!

Agavida únese á convocatoria de MODEPEN-Ferrolterra para a defensa das pensións públicas desde vindeiro sábado 5 as 12.00h no Cantón.

Dende Agavida queremos mostrar a nosa unidade coa plataforma de Ferrolterra para a defensa das pensións públicas. Por iso facemos público a nosa participación no encontro deste vindeiro sábado 5 no Cantón de Ferrol.

O vencello de Agavida con esta plataforma non é novo. Xa dende o seu comezo mantemos unha liña paralela nos nosos camiños. A súa loita pola defensa das pensións públicas e pola defensa dun sistema de servizos sociais plenamente público tamén é a nosa loita. Queremos mostrar, polo tanto, non só o noso apoio nese senso de traballo senón, tamén, unir os nosos esforzos na participación do espazo público.

O motivo da concentración da Plataforma ten varios eidos:
Movémonos contra o Pacto de Toledo, que non recoñece aos pensionistas como interlocutores nen os admite como integrantes do mesmo, pese a ser a súa función debater e propor medidas relativas ao sistema de pensións públicas ditando resolucións e propostas que poden transformar radicalmente as vidas deses pensionistas, deféndese a necesidade de creación dunha banca pública e uns servizos socias plenamente públicos, oponse a un sistema no que se pretende potenciar, dende o ámbito público, os plans de pensións privados, cabalo de Troia, para laminar no medio prazo o sistema público de pensións, defendemos, ademais, o establecemento dunha pensión mínima que recolla os criterios internacionalmente aprobados para combater a pobreza.

O seu lema "goberne quen goberne, as pensións deféndense" facémolo noso, de todos e de todas.

Agavida - Asociación Galega de Vítimas do Amianto en Ferrol
Rúa Papa Pío V, 8 Baixo D. - 15406 - Ferrol.
981 371 401 e 671 644 680

AVISO:
Co motivo da pandemia polo Covid-19 ten a súa sé, situada en Caranza, pechada nestes momentos, pero informa de que todas aquelas persoas que necesiten poñerse en contacto coa directiva por unha urxencia ou consulta que realizar, poden facelo a través do correo electrónico agavida@hotmail.com. Tamén poden chamar ao número de teléfono 671 644 680.
_______