O documentario sobre Alexandre Bóveda "A fazaña da liberdade" proxéctarase no Ateneo Ferrolán o Xoves 26 de Setembro ás 19:30hs

Tras o fracaso do federalismo durante a I República, a Xerazón Nós con Castelao, Otero Pedrayo e Alexandre Bóveda tomarán a substitución. Ensaiarán un movemento político nacionalista, o Partido Galeguista, que conseguirá, grazas ao apoio das forzas galegas republicanas e de esquerdas a redacción do Estatuto de Autonomía durante a Segunda República. A guerra civil e a posterior represión franquista acabou cos partidos, os sindicatos e todo tipo de pluralismo e liberdade de expresión e asociación, ademais dos movementos galeguistas. Galiza, que non foi nunca fronte de guerra, sufriu a represión dos sublevados, ascendendo a cifra de asasinados e executados tras xuízos sumarísimos por delitos de “traizón” e “auxilio á represión” a 4.200, segundo as cifras do historiador Carlos Fernández Santander. Un deses 4.200 é Alexandre Bóveda.

A FAZAÑA da LIBERDADE é un documental que amosa o periplo vital dun dos personaxes mais influintes e tamén más descoñecidos para a inmesa coleitividade de Galiza.

Un documental que reconstrúe a vida e actividade de Alexandre Bóveda (1903-1936). Facendista, economista, deseñador das Caixas de Aforros de Ourense e Pontevedra, impulsor do Estatuto de Galicia, integrante do Seminario de Estudos Galegos, cofundador e Segredario Xeral do Partido Galeguista e ante todo, bon e xeneroso, “entregado á causa galega”, como el gostaba dicir.

Escomezando no seu Ourense natal donde Bóveda nace, é mozo e fai-se home, ate a chegada á súa “amada Pontevedra” e posterior exilio, e finalmente o dramático final do protagonista, A FAZAÑA da LIBERDADE é concebida coma unha visión áxil pero sen deixar de afondar no conflicto.

Esta obra biográfica será sempre acompañada dunha explicación do contexto histórico, lugares, axentes e causas que diseñaron o espazo e o tempo de Alexandre Bóveda. Representando así a unha das etapas mais floridas e emocionantes da historia contemporánea Galega.

O documental sobre Alexandre Bóveda "A fazaña da liberdade" proxéctarase no Ateneo Ferrolán o Xoves 26 de Setembro ás 19:30hs. e será presentado polo historiador Bernardo Maiz.

Alexandre Bóveda na wikipedia

O evento no Facebook:
https://www.facebook.com/events/534190406654144

Podedes disfrutar o trailer do documental “A Fazaña da Liberdade” dende o canal de Vimeo de Fílmika Galaika.

Trailer "A Fazaña da Liberdade" from Filmika Galaika on Vimeo.

http://afazanhadaliberdade.wordpress.com

______

Bóveda, un alegato pacifista contra a inxustiza - Presentación do libro: Xoves 3 de Xaneiro en Fene

Presentación do libro en Fene, o Xoves 3 de Xaneiro de 2013, ás 7 da Tarde nos locais da Asociación Veciñal de Perlio, na Praza da Escola. 

Unha iniciativa que nace en Bezoucos, á outra banda da Ría de Ferrol. Trata-se dunha banda deseñada coa peripecia vital e co pensamento de Alexandre Bóveda, fusilado en 1936 despois dun irregular Consello de Guerra. Bóveda defendía unha fiscalidade progresiva, onde pague máis o que máis ten. Tamén cría nunhas caixas de aforro que fixeran revertir a riqueza no seu entorno social.

Impulsan este proxecto o autor do debuxos Carlos Sardiña e a autora dos textos Pitusa Arias e Sonradiofusión, a asociación de amizade coa radio local en Galicia.

Esta iniciativa esta-se difundindo a través de Facebook, Twitter e dos medios de comunicación de Vitaminas para o galego.

Podes colaborar coa iniciativa en:


____________