Desde finais do mes de setembro deste ano, a Asociación Grupo diversidade Funcional Ferrol e Comarcas puxo en marcha obradoiros de formación, dirixidos a persoas con diversidade funcional e público en xeral, estes deseñaron-se para que as persoas usuarias potencien as súas capacidades individuais e acaden o maior grao de autonomía persoal e vida independente

Desde finais do mes de setembro deste ano, a Asociación Grupo diversidade Funcional Ferrol e Comarcas puxo en marcha obradoiros de formación.
       
Os obradoiros son entrada libre e se están desenvolvendo de 6 a 8 da tarde no seu local social, situado en Esteiro, Rúa Colón, esq. Mendizábal, B/4, P/5, baixos 38-39, de Ferrol.

Até agora desenvolveron-se os seguintes obradoiros ou módulos transversais:

• Obradoiro de Hixiene Postural -xoves 28 de setembro. Impartido por Saimara Herrera, médico.
• Obradoiro de Nutrición -5 de octubro. Impartido por José Luis Ramos Fernández, fisioterapeuta
• Obradoiro de Reciclaxe Creativo -10 de octubro. Impartido por María López Morado, activista do medio ambiente.
• Obradoiro de Motivación, Autoestima e Solución de Problemas -19 de octubro. Impartido por Mercedes Alonso, psicológa Teima Down Ferrol
• Obradoiro de Reflexoloxía Podal -26 de octubro. Impartido Ana Freire, terapeuta.
• Obradoiro de Diversidade – Asistencia Sexual -2 de novembro. Impartido por Anxela Leiceaga, avogada e presidenta Vigalicia -Vida Independiente.
• Obradoiro de Comunicación e Cómo Falar en Público -9 de novembro. Impartido por Mercedes Alonso, psicológa Teima Down Ferrol.
• Obradoiro de Igualdade -16 de novembro. Impartido por Beatriz Dorrio, psicóloga e xurista, Fundación Concepción Arenal.

O vindeiro xoves 23 deste mes de novembro, remata as importantes xornadas de formación co Obradoiro de Mindfulness, impartido por Guadalupe González, profesora de ioga e terapeuta.

Os módulos transversais (obradoiros) ían dirixidos a persoas con diversidade funcional e público en xeral, estes deseñaron-se para que as persoas usuarias potencien as súas capacidades individuais e acaden o maior grao de autonomía persoal e vida independente que lles permita un óptimo desenvolvemento na sociedade en igualdade de oportunidades.

Esta campaña formativa contou coa colaboración do Concello de Ferrol e se enmarca dentro do convenio que esta administración ten asinado coa Asociación Grupo diversidade Funcional Ferrol e Comarcas para o “Proxecto de habilidades sociais e formación para a inserción laboral”.

ASOCIACIÓN GRUPO DIVERSIDADE FUNCIONAL FERROL E COMARCAS
Rúa Colón, esq. Mendizábal, B/4, P/5, baixos 38-39, 15403 Ferrol - Teléfono/Fax: 981930544
diversidadefuncionalferrol@hotmail.com


Enviado por:
Asoc. Grupo Diversidade Funcional Ferrol e Comarcas
-diversidadefuncionalferrol@hotmail.com-
20 de novembro de 2017 13:35
___________________

Xuntanza Diversa Aberta, este sábado 9 de Xullo en Esteiro - Ferrol

Xuntanza Diversa Aberta e xantar compartido

Celebrando a chegada do verán na III Xuntanza Diversa
sábado 9 de Xullo de 2016, en Esteiro

Desde a 1 da tarde, nos baixos da asociación, Rúa Colon, esquina coa rúa Mendizabal, B/4 P/5 Baixos 38-39, en Esteiro - Ferrol.

"Como nas anteriores xuntanzas compartiremos os nosos alimentos uns cos outros polo que pedimos que a persoa que veña comer que traía dúas racións e bebida para compartir.

Quen non puidese  acudir á hora de comer pode vir pola tarde e pasar un bo rato xa que teremos distintas actividades a realizar e como non: O sorteo tan esperado... Non o podedes perder.

Enviamos así mesmo o cartel para que o fagades extensivo aos vosos socios ou amigos", di Mari Morado, activista pola igualdade e directiva da asociación.

---
ASOCIACIÓN GRUPO DIVERSIDADE FUNCIONAL FERROL E COMARCAS

R/Colon esq. Mendizabal B/4 P/5 Baixos 38-39 15406 Ferrol

Tlf: 981930544, Mobil: 620485450

E-mail:  diversidadefuncionalferrol@hotmail.com

Blog:    http://rachandobarreiras.blogspot.com

Información baseada na enviada polo:
Asoc. Grupo Diversidade Funcional Ferrol e Comarcas
-diversidadefuncionalferrol@hotmail.com-
6 de julho de 2016 10:56
________________

O que importa é a mirada de quen capta a Vida e percibe a Inclusión... Certame de Fotografía convocado pola Asociación Grupo Diversidade Funcional Ferrol e Comarcas

Certame de Fotografía.

Concurso de fotografía que se vai levar a cabo, organizado pola Asociación Diversidade Funcional e que ten coma finalidade que a Inclusión sexa algo tan natural que xa non teñamos que falar sobre ela...

O importante neste concurso non será tanto a calidade da foto, que tamén será tida en conta, senón a mirada de quen fotografía a Vida e percibe a Inclusión en calquera ámbito da mesma: educación, deporte, ocio, traballo,...

Estaremos encantados de que participe o maior número de persoas posibles. Por iso pedímosvos que o difundades e que cando teña lugar a exposición vos acerquedes a vela.

Estas son as bases do certame fotográfico

Bases:

1. O tema da fotografía será a Inclusión en tódalas súas vertentes.
2. Os autores serán afeccionad@s, non profesionais.
3. Cada autor pode enviar un máximo de catro fotografías.
4. Data límite para entrega das fotos: 20 de Novembro de 2014.
5. As fotografías deben ser orixinais e irán acompañadas dos datos persoais do autor: nome. apelidos, teléfono de contacto e demáis datos que o autor considere de interese. Estes datos estarán no reverso de cada fotografía.
6. O tamaño das fotografías deberá ser dun mínimo 20,3x30 y dun máximo de 30,5x45.
7. As fotos virán nun marco ou papel pluma , ou similar para facilitar a exposición das mesmas.
8.  A Asociación Grupo Diversidade Funcional Ferrol non se responsabiliza do contido das fotografías, sendo responsabilidade dos autores das mesmas.
9. As fotografías presentadas pasarán a ser propiedade da Asociación Grupo Diversidade Funcional Ferrol e Comarcas e poderán ser utilizadas para os fins sociais da entidade: memorias, exposicións, presentacións ,...
10. O feito de participar neste certame significa a aceptación das bases do mesmo.
11. Serán expostas as fotografías dos 10 finalistas no acto de entrega de premios, no lugar onde este acto se leve a cabo.
12. As fotografías entregaranse na Asociación Grupo Diversidade Funcional Ferrol e Comarcas. Rúa Colón. Esq. Mendizábal. B/4 P/5 baixos 38-39. Esteiro. Ferrol, ou enviadas por correo ordinario, sempre facendo constar o nome e apelidos do autor e teléfono de contacto.

O Obxectivo deste Concurso é Visualizar a realidade da Inclusión na nosa sociedade, agrupando tódolos colectivos, tanto funcionais, como étnicos, de sexo, de idade, etc. Captar a Inclusión en tódolos seus xestos da vida cotiá, traballando, divertíndose, etc.

As fotografías recolleranse dende o 15 de Outubro até o 20 de Novembro.

A selección de finalistas será dende o 21 de Novembro até o 1 de Decembro.

Exposición: Semana da Diversidade, do 1 ao 6 de Decembro.

De entre tódalas fotografías elixiranse 10 finalistas , dos que sairán os tres primeiros premios. Os 10 finalistas recibirán unha Metopa alusiva ao Certame e os tres primeiros recibiran ademais os seguintes premios:

• 1º Premio: Agasallo de Cerámica Galega
• 2º Premio: Agasallo de Cerámica Galega
• 3º Premio: Agasallo de Cerámica Galega.

Os premios se entregarán nun acto que se celebrará na cidade de Ferrol O acto de entrega de premios celebrarase na Semana do Día Internacional da Diversidade Funcional. Cada premio adxudicarase a unha soa fotografía e cada participante non poderá obter máis dun premio.

Xurado:

-O xurado estará composto por un presidente/a, dous vocais e un secretari@, que serán membros da Asoc. Grupo Diversidade Funcional Ferrol e Comarcas, periodistas dos medios da Comarca e un membro do Concello de Ferrol.

- Fallo do Xurado: Darase a coñecer aos interesados no mes de Decembro. A Asociación so se porá en contacto cos tres finalistas para notificar o resultado do xurado.

Tríptico do concurso Fotográfico: Acceder/Baixar.

ASOCIACIÓN GRUPO DIVERSIDADE FUNCIONAL FERROL E COMARCAS
R/Colon esq. Mendizabal B/4 P/5 Baixos 38-39 15406 Ferrol
Tlf: 981930544, Mobil: 620485450
Correo-e: diversidadefuncionalferrol[arroba]hotmail.com.
Sitio-e: http://rachandobarreiras.blogspot.com.

Foto: Danza Inclusiva 'Máis alá do limiar' - Pigmalión - Danza Teatro da Fundación Lúa Arte e Fundación  Tatambud Danza -  | Medellín  (Colombia) - 28 de Outubro de 2013.

Información baseada na enviada por:
Asoc. Grupo Diversidade Funcional Ferrol e Comarcas
-diversidadefuncionalferrol@hotmail.com-
30 de setembro de 2014 10:18
Olá. Bo día! Esperamos a vosa participación. Grazas. Rogamos difusión. Un saúdo. Mari Morado.
__________________

Xornada Sobre Vida Independente en Ferrol - Asociación Grupo Diversidade Funcional Ferrol e Comarcas

Xornada Sobre Asistencia Persoal: recurso para a Vida Independente
Venres 4 de Xullo de 2014 en Ferrol
No salón de actos do Centro Sociocultural Fundación NovaCaixaGalicia
Praza da Constitución, s/n Ferrol

PROGRAMA

• 16:00hs Presentación Xornada e Entrega de Documentación
• 16:15hs Dereito á Vida Independente e á Asistencia Persoal (convención da ONU - LEPAD)
• 16:45hs Impacto da Terapia Ocupacional na Autonomía Persoal e Vida Independente: Natalia Otero (Terapeuta Ocupacional).
• 17:15hs Mar Aguirremota (Asistente Persoal).
• 17:35hs DESCANSO
• 18:00hs Experiencias de Vida Non Paralelas: Juan José Maraña (Consultor, editor e activista do Movimento de Vida Independente e Membro do Foro de Vida Independiente e Divertade); Concepción Fírvida (Residente no CAMF Ferrol); Manolo López Berlanga (Miembro de Teima Down Ferrol e usuario do servicio de Promoción da Autonomía Persoal).
• 19:30hs Clausura : “A INCLUSIÓN SOCIAL DAS PERSOAS”: Mercedes Alonso López (Psicóloga e coordinadora do Servicio de Promoción da Autonomía Persoal de Teima Down Ferrol).

ASOCIACIÓN GRUPO DIVERSIDADE FUNCIONAL FERROL E COMARCAS
R/Colon esq. Mendizabal B/4 P/5 Baixos 38-39 15406 Ferrol
Tlf: 981930544, Mobil: 620485450
E-mail: diversidadefuncionalferrol@hotmail.com
Blog: http://rachandobarreiras.blogspot.com

Información baseada na enviada por:
Asoc. Grupo Diversidade Funcional Ferrol e Comarcas
-diversidadefuncionalferrol@hotmail.com-
30 de junho de 2014 10:08
Ola! Este venres, 4 de Xullo, temos previsto realizar unha xornada sobre a importancia da Vida Independente e esperamos contar convosco neste proxecto. Enviámosvos o cartel da mesma, no que vai explicado o programa a seguir. Non poñemos todos os nomes dos relatores pois algúns están pendentes de confirmación, ben por motivos de saúde ben por motivos de axenda. Esperamos que a todos vos pareza tan interesante e importante como o é para todo o colectivo de persoas con Diversidade Funcional, xa que a Autonomía Persoal é moi, moi importante para todas as persoas. Un saúdo. Mari Morado
____________