Esquerda Unida Narón esixe a xestión directa da rede de saneamento e depuración por parte da Xunta de Galicia, a través de Augas de Galicia. - Noutra orde de cousas, insta ao Goberno Local poñer en marcha unha campaña de fomento do cooperativismo en Narón

Esquerda Unida Narón esixe a xestión directa da rede de saneamento e depuración por parte da Xunta de Galicia a través de Augas de Galicia

André Abeledo defendeu que Narón non debe asinar ningún acordo que non pase pola xestión directa da rede de saneamento e depuración por parte da Xunta.

Narón non pode poñerse nas mans de EMAFESA. Lembremos todo o que rodea a EMAFESA en materia de xestión económica financeira, dende contas infladas ata incumprimentos, ademais dunha situación económica insostible cunha débeda millonaria.

Abeledo, advirte do perigo que supón que a parte privada de Emafesa (Socamex)  sería quen  imporía sempre o seu criterio e as súas contas, claro está para conseguir o maior beneficio posible e conseguir sanear as súas contas.

André Abeledo remarcou que dende EU NARÓN defendemos a necesaria transparencia que datos reais e contrastados estableza o custo do servizo.

Defendemos que se adopten medidas para evitar o gasto enerxético que dispara o custo económico.

Insistimos en que a Xunta e do Goberno central deben contribuír economicamente para facer fronte a este servizo.

Unha obriga ineludible tendo en conta que non asumiron todo custo das obras, custo que aínda por riba incrementouse para os Concellos por mor dos atrasos de execución. Uns atrasos dos que Narón non é responsable.

Abeledo insiste en que ao Goberno Local a que defenda os intereses da veciñanza e que non asine un convenio que vai hipotecar o futuro de Narón.

Entendemos que o acordo é de dubidosa legalidade, e pretenden que a sinatura do Concello de Narón déalle a aparencia de legal e consensuado polas Administracións.

---

Abeledo insta ao Goberno poñer en marcha unha campaña de fomento do cooperativismo en Narón

Para dar cumprimento a Moción presentada por EU Narón e aprobada en Pleno en Febreiro de 2016.

André Abeledo insta ao equipo de goberno a traballar nunha campaña de información, formación e fomento do cooperativismo.

Abeledo entende que esta campaña é urxente unha vez os presupostos contemplan unha partida  para dar axudas as veciñas e veciños de Narón que busquen autoempregarse poñendo en marcha unha cooperativa.  Axudas que se poderán solicitar a partir de Xaneiro do 2018.

EU de Narón levou de Febreiro de 2016 a moción para fomentar o cooperativismo en Narón da que parte esta iniciativa. Naquela Moción Abeledo propuxo ao Concello configurar un proxecto de viveiro de cooperativas para pór á súa disposición instalacións básicas; promover cursos de formación e asesoramento para emprendedores.

Despois de diferentes reunións de traballo entre EU e o equipo de Goberno chegouse a conclusión de que a mellor opción é a da colaboración económica cós novos cooperativistas naroneses e os presupostos contemplan unha partida para traballar neste sentido.

GRUPO MUNICIPAL DE EU NARÓN
    
Enviado por:
Naron Esquerda Unida
-eu-naron@esquerdaunida.org-
9 de novembro de 2017 17:02
9 de novembro de 2017 17:00
________________________

A Rede de Economía Solidaria de Galiza organiza o I Encontro de Economía Alternativa e Solidaria baixo o lema “Intercooperar!” - Ordes, 23 de Xaneiro de 2016

A Rede de Economía Alternativa e Solidaria de Galiza organiza o I Encontro de Economía Alternativa e Solidaria baixo o lema “Intercooperar!”. Ten por finalidade dar visibilidade e coñecer directamente as persoas que forman parte do sector, creando e revitalizando espazos de intercooperación.

Inscrición libre e gratuita en:
secretariareasgz@gmail.com

O evento vai dirixido preferentemente a todas as entidades de economía social, alternativa e solidaria de Galiza, así como a calquera persoa interesada en descubrir que outra economía é posible. Será o 23 de xaneiro de 2016, de 11:00 a 18:30, na praza de abastos de Ordes (A Coruña).

Conta no facebook:
https://www.facebook.com/reas.galiza

Enlace: economiasolidaria.org/
____________________

Estrea na Galiza do documental "Co teu diñeiro", de Iker Espúñez

As organizacións AMARANTE Setem e Fiare Galiza en colaboración con Adicae, Coop57 e AIS O Peto, organizan a presentación e proxección do documental "Con tu Dinero" que pretende facer ver algunhas das malas prácticas das entidades bancarias, desde inversións en armas até desfiuzamentos de familias desfavorecidas.

A proxección deste documental contará coa presenza do seu director, Iker Espúñez (que se despraza a Galiza exclusivamente para estar presente nas sesións) nas cidades de Vigo e Pontevedra. Asemade con posterioridade esta actividade desenvolverase noutras moitas cidades e vilas do país.

Neste documental no que non se pretende sentar cátedra, tamén se presentan alternativas ao actual sistema bancario, a través da banca ética e as redes de economía alternativa no que se busca que cada persoa tire as súas propias conclusións.

O documental está producido por MOBIOLAK. Dura cerca de 70 minutos e despois da súa proxección haberá unha charla-coloquio con responsábeis de Amarante Setem, Fiare Banca Ética e máis representantes de COOP 57, AIS O Peto e Adicae, e na que poderá participar todo o público asistente.

A entrada será libre até completar aforo.

Proxección do documental.

Compostela: Martes, 16 de abril de 2013, ás 19:00 horas, na Facultade de Ciencias Económicas e Empresariais da U.S.C., Avda. do Burgo s/n, Campus Norte.

Vigo: Mércores, 17 de abril de 2013, ás 19:30 horas, no Centro Cívico de Teis, Rúa Camiño Maceiras s/n.

Pontevedra: Xoves: 18 de abril de 2013, ás 20:00 horas no Teatro Principal, R/ Paio Gómez Chariño 6.

PARA MÁIS INFORMACIÓN OU SOLICITAR UNHA ENTREVISTA CO DIRECTOR DO DOCUMENTAL
Pode-se contactar con: Xosé Luís Riveiro
Tlef: 658 019 221
ou correo-e:  xolosinho@gmail.com


SINOPSE:

Este documental pretende reflexar as prácticas financeiras alternativas á banca convencional que podemos atopar na actualidade no estado español.

A crise, motivada en grande parte por prácticas bancarias de dubidosa legalidade, abriu na sociedade un debate sobre a forma na que tanto os bancos como as caixas de aforros xestionan o diñeiro que depositan os/as seus/súas clientes/as. Até qué punto a sociedade é consciente da forma en que se emprega o seu diñeiro?

Con este documental pretendemos facer ver algunhas das malas prácticas das entidades bancarias:inversións en empresas de armamento, en multinacionais con amplos historiais de incumprimento de dereitos laborais e humanos dos/as traballadores/as, en empresas enerxéticas que realizan obras ecoloxicamente inadmisíbeis en países do sur cuxa poboación está desprotexida por ausencia de lexislación ou gobernos corruptos, desfiuzamentos, etc.

Miles de personas prexudicadas no mundo polas accións de empresas avaladas, financiadas e habitualmente impulsadas por entidades bancarias que, mentres no seu ámbito local presumen de transparencia e empregan o marketing como un constante lavado de imaxe, utilizan o diñeiro dos seus clientes para xerar máis diñeiro sen preocuparse polas consecuencias que conleva.

Ante esta situación presentamos alternativas: a banca ética e as redes de economía solidaria. Dentro da banca ética este documental focaliza grande parte do seu discurso en FIARE, cooperativa de aforro e crédito de creación relativamente recente que, ano tras ano, realiza unha actividade exemplar neste ámbito, e que en Galiza conta xa cunha forte implantación e co apoio de moitas persoas e entidades socias.

PROTAGONISTAS:

En “Con tu dinero” quíxose dar voz a persoas e organizacións involucradas nunha banca ética, social e limpa, como por exemplo:

FIARE. Peru Sasia, director e un dos fundadores do proxecto Fiare, un banco ético de implantación en todo o estado. Do mesmo xeito, organizacións que obtiveran crédito nalgún dos campos aos que Fiare presta o seu apoio.

SETEM. Alberto Cereijo, director da ONGD Setem Hego Haizea, e unha das persoas responsábeis da campaña Finanzas éticas desta organización.

Oikocredit. É unha das principais institucións financerias privadas de inversión para o desenvolvemento no mundo, sobre todo en países do sur.

Representantes de redes de economía solidaria.

Arcadi Oliveres. Profesor universitario. Poderiamos dicir, unha “personalidade” na materia que tratamos, con grande facilidade de palabra e grandes dotes comunicativas.

Jordi Calvo. Centro Delás de Estudios pola Paz de Justicia i Pau. Participante das campañas “BBVA sen armas” e “Santander sen armas”.

COOP57. É unha cooperativa de servizos que destina os seus recursos propios a dar préstamos a proxectos de economía social que promovan a ocupación, fomenten o cooperativismo, o asociacionismo e a solidariedade en xeral, e promovan a sostibilidade sobre a base de principios éticos e solidarios.

Jesús Carrión. ODG-Observatorio da débeda na globalización. É un centro de investigación das relacións Norte-Sur e da xeración de débedas contraídas entre comunidades durante o actual proceso de globalización.
Juan Hernández Zubizarreta. Profesor da UPV-EHU.

Completan o documental: Centre Delás (Justicia i Pau) / Plataforma contra el BBVA / Ivanei Dalla Costa - MAB / Javier Ortega - Cooperativa Grupo La Veloz / Ugo Biggeri - Banca Popolare Etica / Iñigo Hernani - La montañuela Rosa / Miró - Coop57 / Ramon Pascual - Coop57 / Jorge Berezo - Oikocredit Euskadi / Carlos Ballesteros - Fiare / Cristina de la Cruz - Fiare / Carlos Askunze - Reas / Andrés Esteban - Financiación Solidaria (Zaragoza) / Fernando Sabín - Mercado social de Madrid / Santiago Membibre – Peñascal Kooperatiba / Carlos Taibo - Universidad Autónoma de Madrid.

Asociación Galega AMARANTE Setem
Rúa de San Pedro, 67
15705 COMPOSTELA
Telefax 881 978 705
www.amarantesetem.org


Enviado por:
AMARANTE Setem
-amarantesetem@amarantesetem.org-
11 de abril de 2013 12:49
_________________

A Cooperativa Integral Galega presenta-se en Ferrol - Xoves 5 de Xullo na SCRD 'San Carlos' de Esteiro - 1º Xira Galega de Palestras sobre Cooperativas Integrais

A Cooperativa Integral Galega, proxecto de renovación económico e social integral, público e autoxestionario, ten o pracer de anunciar as datas da 1º Xira Galega de Palestras sobre Cooperativas Integrais:

Martes 3. OURENSE. 20:30 - “Anacos da Cidade”- R/Paseo, Galerías vía Cambre, entreplanta, local 15

Mércores 4. A CORUÑA. 20:30 - “Asociación Alexandre Bóveda” - R/Olmos, 16-18, 1º

Xoves 5. FERROL. 20:30 - Local Social SCRD "San Carlos” - R/ Fernando VI, bloque 3, Esteiro

Venres 6. SANTIAGO DE COMPOSTELA. 20:30 - “PANXEA” - R/da Rosa 36

Que é e cales son os obxectivos dunha cooperativa integral?:

A Cooperativa Integral xurde das premisas de crear unha nova economía de subsistencia e transición, capaz de unificar os proxectos necesarios para o cambio político e social. Estes proxectos, moitos deles xa existentes, deben dar cabida a profesionais e colectivos que desexen traballar dentro dun marco de relacións máis humanas e xustas.

A Cooperativa Integral é un organismo vivo, horizontal, inclusivo e participativo, que permite desenvolver e articular actividades que sirvan para xerar traballo digno e útil e un consumo sostible e responsable. É un proxecto de autoxestión económica e política igualitaria e asemblearia que reúne tódolos elementos que compoñen a economía: produción, consumo, financiamento e moeda propia, e ó mesmo tempo, procura integrar tódolos ámbitos da vida: traballo, vivenda, saúde, cultura, educación, etc.

A curto prazo, as nosas metas serán:

• Posibilitar o autoemprego (cooperativas de traballo, bolsas de emprego).
• Reducir a dependencia do euro e estimular o crecemento de moedas sociais a través de redes de cooperación (ecoredes).
• Reducir os prezos e facilitar a venda directa de produtos locais, ecolóxicos e artesanais (grupos de consumo).
• Facilitar solucións colectivas a persoas insolventes e/ou en risco de exclusión social.
• Proporcionar a posibilidade de aforro comprometido con proxectos de innovación social, ética e sostible, ao marxe do sistema bancario tradicional (cooperativas de autofinanciamento).
Os obxectivos, a longo prazo, son os seguintes:
• Construír unha rede de relacións económicas cooperativas e solidarias entre persoas e empresas sociais, alleo ás flutuacións dos mercados.
• Abrir espazos que proporcionen servizos realmente necesarios: Centrais de Abastecemento, Oficinas de Vivenda, Redes de Albergues, Centros de Educación e Aprendizaxe Colectivo, Centros de Saude Autoxestionaria e proxectos de autoemprego vinculados a necesidades reais.
• Transformar a sociedade outorgando o poder real ás persoas; para iso crearase un sistema propio de seguridade e previsión social para garantir a cobertura das necesidades básicas de tódolos membros.

Contactos:
Rafa (658614626)
Diego (677140488)

+ Info:
http://coiga.arkipelagos.net/
https://www.facebook.com/groups/cooperativaintegralgalega/
cooperativaintegralgalega@riseup.net

_____________________

Ofertas de Emprego de Febreiro de 2012 enviadas pola Asociación de Economía Social "Briante"

Emprego Febreiro 2011

A Sección emprego da AES Briante, envia unha nova remesa de ofertas de emprego correspondente ao mes de Febreiro:

Ofertas de Emprego Febreiro 2012

A Asociación de Economía Social "Briante" é unha asociación sen ánimo de lucro que fomenta a imnovación social dende unha metodoloxía solidaria, participativa e cooperativa.
Entre os seus obxectivos está o fortalecemento das redes sociais, a integración social e laboral de rapaces e outros colectivos con dificultades de inserción. Así como participar e apoiar ás entidades de desenvolvemento local e outras formas de organización económica democrática.

Web da AES Briante (Asociación de Economía Social):
http://www.briante.org/

Enviado por:

AES briante

-aesbriante@mundo-r.com-

2 de fevereiro de 2012 22:11

________________