Apresentaçom do Atlas das naçons sem estado na europa, fotografia e concerto de Bule e Nobody´s Fool para esta fim de semana
Na passada quarta-feira com umha palestra sobre música e cultura brasileira, ministrada polo músico baiano Túlio Augusto, dava início o programa de atividades da Fundaçom Artábria tem agendadas para este mês de abril.
Um completo programa que contará com audiovisual, fotografia, música, apresentaçom de livros, luso gastronomia ou atividades para crianças.
Atlas das naçons sem estado na europa
As atividades continuam esta sexta-feira, 6 de abril, com a apresentaçom do “Atlas das naçons sem estado na europa", editado por Atravês editora. No ato, que dará início às 20.30hs, contaremos com a presença de Abrahán Bande e Fernando Corredoira.
O livro é umha traduçom atualizada do original francês Atlas des Nations sans État en Europe de Mikael Bodlore-Penlaez publicado em outubro de 2010 polas Éditions Yoran Embanner.
No sábado 7, às 21.00hs, o fotógrafo ferrolano Óscar Millarengo inaugura a sua exposiçom “Ferrol Molla”, diversas imagens de cenas de chuva na nossa cidade.
No mesmo sábado às 22.30hs o grupo local Bule apresenta o seu primeiro EP “Aquelas cancións” (CGTH Records / Hold Your Ground Records). Melodias contagiosas, letras em galego e um montom de referências cinematográficas, lúdias e de experiências vitais é o que podemos encontrar nas suas cançons. Junto a eles estarám no cenário o grupo punk de Dom Ramiro Nobody´s Fool. A entrada é gratuíta.
--
Travessa de Batalhons nº7 Esteiro
15403 Ferrol - GALIZA
Telefone: +34 981 35 29 86
www.artabria.net
Segue-nos em twitter @fartabria e em facebook!
....
A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.
Enviado por:
Fundaçom Artábria
-artabria@artabria.net-
6 de abril de 2018 01:34
____________