Amosando publicacións coa etiqueta Hostalería. Amosar todas as publicacións
Amosando publicacións coa etiqueta Hostalería. Amosar todas as publicacións

domingo, maio 29, 2022

Non hai camareiros porque o sector non cumpre coa lei e explota a traballadoras e traballadores, ... Por André Abeledo Fernández


Por André Abeledo Fernández [*]
28.05.2022


"Bares, restaurantes e hoteis non atopan persoal escravo para a temporada de verán".

Coñezo, como coñece outra moita xente, persoalmente a camareiras e camareiros con contratos de media xornada traballando de 8 a 12 horas e cobrando parte dun salario de merda en negro. É o pan de cada día en hostalaría. Será por iso que ante tanta precariedade e escravitude, non hai camareiros?

Teño unha amiga que é camareira en Ferrol, cun contrato de media xornada, traballando a xornada completa, un día 7 horas, outro 8,10, ou as que o mal chamado empresario queira.

Cun salario de 500 euros ao mes en nómina mais outros 200 en negro, con só unha semana de ferias, que non sabe canto se lle van a dar, e con ningún fin de semana libre, so libra un día a metade de semana. Así son as condicións dun sector que maltrata ao traballador e á traballadora.

O que teñen que facer os hostaleiros para conseguir camareiros, é cumprir a lei, é pagar o que corresponde por convenio, como mínimo, respectar os dereitos dos seus empregados, e o "Código de Traballo" [1].

Iso é tratar a xente con respecto e dignidade.

E o goberno debe mandar inspeccións de traballo para evitar unha fraude e un abuso que xa dura demasiado tempo, que ademais representa unha competencia desleal para cos empresarios que cumpren coa lei.

[*] André Abeledo Fernández, nado en Neda o 14 de Xullo de 1974, militante comunista e sindicalista. Delegado de persoal da CIG no comité de empresa de Mercadona na Provincia d'A Coruña. | Facebook e Twitter.



Enviado por:
André Abeledo Fernández
-andre1474@gmail.com-
28 de maio de 2022 23:44

_______

[1] Código Laboral e da Seguridade Social  | Ir ao BOE.

Foto: Servizos de hostalaría.
_______

mércores, abril 21, 2021

Podemos Ferrol instan ao Concello de Ferrol a que demande á Xunta de Galicia a creación dunha liña de subvencións de concorrencia non competitiva para que o sector da hostalería poida sufragar á adquisición de detectores de CO2 e filtros HEPAA - Moción ao Pleno


PODEMOS FERROL: liña de subvencións a hostalería

O CÍRCULO DE PODEMOS FERROL SOLICITA Á CREACIÓN DE UNHA LIÑA DE SUBVENCIÓNS POR PARTE DA XUNTA DE GALICIA PARA A COMPRA DE DETECTORES DE CO2 E FILTROS HEPA.

Dende a formación local de Podemos Ferrol instan ao Concello de Ferrol a que demande á Xunta de Galicia a creación dunha liña de subvencións de concorrencia non competitiva para que o sector da hostalería poida sufragar á adquisición de detectores de CO2 e filtros HEPA.

Podemos Ferrol ven de presentar unha moción no concello de Ferrol instando o concello a que demande á Xunta de Galicia a creación dunha liña de subvencións de concorrencia non competitiva para que o sector da hostalería poida sufragar á adquisición de detectores de CO2 e filtros HEPA.

Máis aló de  que a mascarilla, o uso de xel hidroalcohólico e a distancia son armas  fundamentais para evitar contaxios certo é que en espazos e ambientes pechados e de certa concorrencia de xente, como pode ser na hostalería e en certos centros de comercio, hai que analizar a aparición dos aerosois como principal causa de contaxio e que repercuten na calidade do aire.

A Xunta xa tomou nota da necesidade de analizar a calidade do aire nos restaurantes e deixa constancia da mesma na inclusión do punto sétimo bis na orde do 14 de abril. Unha necesidade que se debe estender a outros locais de hostalería e a certos centros comerciais” apunta Xosé Iglesias voceiro do círculo de Podemos Ferrol.

Pero o que non pode facer a Xunta de Galicia é publicar esta orde e impor a necesidade de usar estes detectores de CO2 por parte da hostalería a partir do vindeiro 23 de abril e non quitar paralelamente unha liña de subvencións para que a xente da hostalería poida sufragar o custe da adquisición de ditos aparatos” engade Iglesias, “segue a castigarse a este sector constantemente, e en este caso obrigándolles a facer un desembolso extra para poder adquirir estes detectores”.

É por iso que dende Podemos Ferrol se dirixen ao Concello demandando certos puntos como:

✔ Solicitar ao Goberno da Xunta de Galicia que cree unha liña de subvención de concorrencia non competitiva para cubrir os custes da adquisición de detectores/medidores de Co2 e filtros HEPA por parte dos sectores da hostalería, do comercio local e de calquera PEME ou persoa autónoma que o solicite; asemade solicitar o reembolso para quenes dentro dos sectores afectados xa comprasen ditos equipos anteriormente á data do 23 de abril de 2021 do importe dos mesmos previa presentación de factura ou xustificante de compra e dito reembolso vaia a cargo da liña de subvencións creada para tal fin.

✔ Solicitar ao Goberno da Xunta de Galicia a que dote en todas as instalacións da súa titularidade e nas dependencias que se usen con finalidades deportivas no seu ámbito pechado, culturais, sociais ou/e  lectivas de ditos detectores e filtros.

✔ Que o Concello de Ferrol se comprometa no tocante ao uso de estes aparellos a dotar ás distintas instalacións de titularidade municipal dos mesmos.

✔ Solicitar que de xeito conxunto a Xunta de Galicia e a FEGAMP dote de estes detectores/medidores de CO2 e filtros HEPA a todos os centros onde se desenrolen actividades sociais, culturais, educativas, lúdicas e de calquera carácter de interese público onde fosen necesarios para manter unha correcta ventilación.

✔ Solicitar á Xunta de Galicia e ao Goberno do Estado a contratación de rastrexadores para a realización de rastrexos retrospectivos conxuntamente cos rastrexos prospectivos.

Ferrol, a 20 de abril de 2021.

Achegamos:

- Moción presentada no Concello.

- Infografía.

CONTACTO:
 
Xosé Iglesias
Voceiro Podemos Ferrol
Área de Comunicación e Prensa
Ana Guzmán
Podemos Ferrol
ferrol@circulospodemos.info

https://www.facebook.com/PodemosFerrolOficial/

Enviado por:
Podemos Ferrol
-ferrol@circulospodemos.info-
20 de abril de 2021 13:4

_______

mércores, marzo 17, 2021

Hoxe mércores 17 de marzo, nova manifestación de hosteleir@s e autónom@s de Ferrolterra (HAF), con saída ás 7 da tarde da Praza Amada Garcia


Hoxe mércores 17 de marzo, como todos os mércores unha nova manifestación de hosteleir@s e autónom@s de Ferrolterra (HAF), con saída ás 7 da tarde da Praza Amada Garcia, diante do edificio administrativo da Xunta de Galicia. Por un Plan de Rescate Xa, para a hostalaría e autónomos, un sector tremendamente castigado pola crise económica derivada das medidas de restrinción por mor da pandemia - Covid-19.

Grupo Público no Facebook. |

Relacionada en Ártabra 21:

En Ferrol como no resto da Galiza mobilizaron-se hosteler@s e autonom@s, protestan contra a criminalización do sector e reclaman un 'rescate' digno das consecuencias ocasionadas pola aplicación das medidas de restrincións contra a pandemia - A Plataforma na Defensa da Hostalería Galega convoca unha mobilización o 13 de marzo en Compostela por un Plan de Rescate para o Sector.
_______

mércores, febreiro 24, 2021

En Ferrol como no resto da Galiza mobilizaron-se hosteler@s e autonom@s, protestan contra a criminalización do sector e reclaman un 'rescate' digno das consecuencias ocasionadas pola aplicación das medidas de restrincións contra a pandemia - A Plataforma na Defensa da Hostalería Galega convoca unha mobilización o 13 de marzo en Compostela por un Plan de Rescate para o Sector


Pasadas as 11 da mañá, convocados por Hostaleiros e Autónomos Ferrolterra (HAF), partía da zona da Malata a caravana de camións e coches de reparto e distribuidoras, e media hora máis tarde diante do edificio da Xunta hosteler@s, para concentrar-se pasadas as 12 do mediodía na praza de Armas, diante do Pazo Municipal.

O sector reclama un "rescate" digno das consecuencias ocasionadas pola aplicación das medidas acordadas pola Xunta de Galicia, de restricións contra a pandemia e advertiron da "criminalización" que se está facendo da hostalaría por parte das administracións.

A permisividade na apertura gradual e parcial dos establecementos de hostelería, non só é insuficiente senón que segue causando un grande deterioro do sector, o que se poida recuperar por un servizo a medias e tan restrinxido na actividade, é insuficiente, sobre todo para pequenos negocios familiares. Ten que haber indemnizacións proporcionais ao deterioro ocasionado polas restricións. As administracións seguen cobrando os mesmos impostos como se estiveran os negocios funcionando e iso non hai quen o aguante.

Reclaman diálogo e apoio aos alcaldes dos concellos da comarca, á Xunta e a Diputación.

Máis info no Grupo de facebook de Hostaleiros e Autónomos Ferrolterra (HAF).

Convocatoria e Manifesto da Plataforma na Defensa da Hostalería Galega, para o 13 de marzo en Compostela. | 24 de febreiro de 2021 - 1 4 páxinas en formato pdf. | Acceder/Baixar.

Clicar acima da imaxe para acceder ao documento da Plataforma

_______