Segundo datos oficiais do IGE e o INE, Ferrol xa baixa da cifra psicolóxica dos 70.000 habitantes, en concreto dá unha cifra de 69.259 correspondentes ao 1 de xaneiro de 2014.

Cifras poboacionais de referencia. | Ano 2014.

Segundo datos oficiais do IGE e o INE, Ferrol xa baixa da cifra psicolóxica dos 70.000 habitantes, en concreto dá unha cifra de 69.259 correspondentes ao 1 de xaneiro de 2014.

O Instituto Galego de Estatística (IGE) publica hoxe (24-02-2015) na súa web as Cifras poboacionais de referencia, correspondentes ao 1 de xaneiro de 2014.

As Cifras de poboación, estatística realizada polo Instituto Nacional de Estadística (INE), proporciona unha estimación da poboación residente no polo de agora Reino de España, en cada comunidade autónoma, provincia e illa (nas provincias insulares), desagregada segundo características demográficas básicas, coma o sexo e a idade. Estes datos son empregados como cifras poboacionais de referencia en todas as operacións estatísticas do INE (enquisas, Contabilidade Nacional, indicadores, etc.) e son transmitidas a nivel internacional como datos oficiais de poboación de España a todos os efectos.

A partir da información proporcionada polas Cifras de población, o IGE elabora a desagregación territorial das mesmas, até o nivel municipal, para o ámbito galego. Preséntan-se neste momento os resultados obtidos con data de referencia o 1 de xaneiro de 2014, por sexo e grupos quinquenais de idade, en todos os concellos, e por sexo e idades simples para os sete grandes concellos de Galicia.

Máis información e as táboas na web do IGE.

Acceso ao resumo de resultados da operación: Cifras e Poboación.

Cifras poboacionais de referencia de Ferrol.

O ano en que Ferrol chegou a ter máis habitantes foi en 1981 que dan unha cifra de 87.691 habitantes.

Algúns do datos que se poden atopar nas táboas citadas.

      Ano   Total     Homes   Mulleres

      2005  75.560  35.120  40.440
      2006  74.863  34.777  40.086
      2007  74.020  34.409  39.612
      2008  73.540  34.278  39.262
      2009  73.119  34.181  38.938
      2010  72.634  33.975  38.658
      2011  71.965  33.714  38.251
      2012  71.249  33.447  37.802
      2013  70.130  32.890  37.240
      2014  69.259  32.466  36.793

IGE. Cifras poboacionais de referencia.
Estas cifras están baseadas nas Estimacións intercensais de poboación do INE, até o ano 2012, e nas cifras de poboación do INE a partir de 2013
(24-02-2015)

Foto da Manifestación en Ferrol 24 de febreiro de 2013, de Fermín Goiriz Díaz. | Publicada (24.02.2013) en Álbum de fotos da manifestación polo futuro do sector naval en Ferrol.

Servizo de Difusión e Información Estatística
Complexo Administrativo San Lázaro s/n
Instituto Galego de Estatística
15703 Santiago de Compostela
Telf: 981 541589 de 9 a 14 horas, Fax: 981 541323
contacto: http://www.ige.eu/catalogo/peticioninfo.jsp
web: http://www.ige.eu

Información baseada na enviada por:
ige.novidades@ige.eu
-ige.novidades@ige.eu-
24 de fevereiro de 2015 10:00
_______________

Descenden en 13.249, as afiliacións á Seguridade Social nun so mes na Galiza, segundo o Informe sobre as afiliacións á Seguridade Social correspondente ao mes de Xaneiro de 2014

Hoxe publícase na web do IGE o Informe sobre as afiliacións á Seguridade Social correspondente ao mes de xaneiro de 2014.

O número medio de afiliacións ao Sistema da Seguridade Social en Galicia durante o primeiro mes deste ano 2014 acadou a cifra de 901.377 para o total do sistema, o que supón un descenso respecto ao mes de decembro de 2013 de 13.249 afiliacións (un -1,45%). Para o conxunto estatal a cifra de afiliacións sitúase en 16.173.610, rexistrando un descenso do 1,1% con respecto ao pasado mes de decembro.

Para máis información consulte a seguinte ligazón:

http://www.ige.eu/estatico/pdfs/s3/publicaciones/Afiss_Informe_01_14.pdf

---
Servizo de Difusión e Información Estatística
Complexo Administrativo San Lázaro s/n
Instituto Galego de Estatística
15703 Santiago de Compostela
Telf: 981 541589 de 9 a 14 horas, Fax: 981 541323
contacto: http://www.ige.eu/web/peticioninfo.jsp?paxina=005006001&idioma=gl
Síguenos en Twitter: https://twitter.com/#IGE_Estatistica
Síguenos en Facebook: http://www.facebook.com/INSTITUTOGALEGOESTATISTICA
web: http://www.ige.eu

Enviado por:
IGE Novidades
-ige.novidades@ige.eu-
4 de fevereiro de 2014 10:44
____________________

Publicou-se na web do IGE o Informe sobre as afiliacións á Seguridade Social correspondente ao mes de outubro de 2013 - Na Galiza baixan significativamente as afiliacións á Seguridade Social, mentres que a media do Estado aumenta

A web do IGE, publica hoxe o Informe sobre as afiliacións á Seguridade Social correspondente ao mes de outubro de 2013.

05.11.2013 |O número medio de afiliacións [*] ao Sistema da Seguridade Social en Galiza durante o mes de outubro deste ano acadou a cifra de 921.332 para o total do sistema, o que supón un descenso respecto ao mes de setembro de 2013 de 4.523 afiliacións (un -0,49%). Para o conxunto estatal a cifra de afiliacións sitúase en 16.360.373, rexistrando un aumento do 0,34% con respecto ao pasado mes de setembro.

Na comparativa interanual (outubro de 2013 con outubro de 2012) obsérvase un descenso de 23.741 afiliacións no total do sistema en Galiza; en termos relativos a caída foi do 2,51%, superior á diminución do 2,25% (376.354 afiliacións) rexistrada no conxunto estatal.

Fonte: INFORME SOBRE AFILIACIÓNS Á SEGURIDADE SOCIAL (En formato pdf - 6 páxinas)| Afiliacións medias outubro 2013 | Santiago de Compostela, 5 de novembro de 2013 | Instituto Galego de Estatística.

[*] O Ministerio de Traballo e Inmigración dende o informe de xullo de 2008 tan só publica os datos de afiliación media do mes por
considerala máis estable que a cifra do último día do mes e reflectir mellor como foi a afiliación no conxunto do mes.

---
Servizo de Difusión e Información Estatística
Complexo Administrativo San Lázaro s/n
Instituto Galego de Estatística
15703 Santiago de Compostela
Telf: 981 541589 de 9 a 14 horas, Fax: 981 541323
contacto: http://www.ige.eu/web/peticioninfo.jsp?paxina=005006001&idioma=gl
Twitter: https://twitter.com/#IGE_Estatistica
Facebook: http://www.facebook.com/INSTITUTOGALEGOESTATISTICA
web: http://www.ige.eu

Enviado por:
IGE Novidades
-ige.novidades@ige.eu-
5 de novembro de 2013 10:41
_____________

A Enquisa de Poboación Activa 2012 no concello de Ferrol - Datos estatísticos de interese e definicións para entender mellor as táboas

Enquisa de Poboación Activa no concello de Ferrol

ENQUISA DA POBOACIÓN ACTIVA POR SEXOS E EN RELACIÓN Á ACTIVIDADE ECONÓMICA.

• Poboación de 16 e máis anos do concello de Ferrol por sexo e relación coa actividade económica.
• Datos en miles de persoas.
•  Espazo=Ferrol.

TAXAS DE ACTIVIDADE, OCUPACIÓN E PARO

• Poboación de 16 e máis anos do concello de Ferrol.
• Datos en porcentaxes.
•  Espazo=Ferrol.

Definicións:

Poboación activa

Son as persoas que, nun período de referencia dado, subministran man de obra para a produción de bens e servizos económicos ou que están dispoñibles e fan xestións para incorporarse a dita produción. Comprende a todas as persoas de 16 ou máis anos que cumpren as condicións necesarias para a súa inclusión entre as persoas ocupadas ou paradas.

Poboación contada a parte

Poboación inactiva

Abrangue todas as persoas de 16 e máis anos non clasificadas como ocupadas ou paradas.

Os inactivos clasifícanse segundo a súa situación persoal nas seguintes categorías funcionais:

• Persoas que se ocupan do seu fogar.
• Estudantes.
• Xubilados ou prexubilados.
• Persoas que perciben unha pensión distinta á de xubilación ou prexubilación.
• Persoas que realizan sen remuneración traballos sociais, actividades de tipo benéfico...
• Incapacitados para traballar.
• Outra situación. Persoas que, sen exercer ningunha actividade económica, reciben axuda pública ou privada e todas aquelas que non están incluidas en ningunha das categorías anteriores.

Poboación ocupada

Persoas de 16 anos ou máis que durante a semana de referencia tiveron un traballo por conta allea ou exerceron unha actividade por conta propia, nalgunha das seguintes situacións:

• traballando polo menos unha hora por un soldo, salario ou beneficio empresarial ou ganancia familiar en metálico ou en especie
• con emprego pero sen traballar por razóns de enfermidade ou accidente, vacacións, festas, mal tempo ou razóns análogas

Poboación parada

Persoas de 16 anos ou máis que durante a semana de referencia estiveron sen traballo, dispoñibles para traballar e buscando emprego. Son parados tamén os que atoparon un traballo e están esperando incorporarse, sempre que se verifiquen as dúas primeiras condicións.

Segundo o Regulamento 1897/2000 da Comisión Europea, os únicos métodos de busca de emprego considerados activos son:

• Estar en contacto cunha oficina pública de emprego co fin de atopar traballo, calquera que sexa a parte que tomase a iniciativa (a renovación da inscrición por razóns puramente administrativas non constitúe unha postura activa).
• Estar en contacto cunha oficina privada (oficina de emprego temporal, empresa especializada en contratación...) coa fin de atopar traballo.
• Enviar unha candidatura directamente aos empregadores.
• Indagar a través de relacións persoais, por mediación de sindicatos, ...
• Anunciarse ou responder a anuncios de periódicos.
• Estudar as ofertas de emprego.
• Participar nunha proba, concurso ou entrevista, no marco dun procedemento de contratación.
• Buscar terreos, locais ou material.
• Realizar xestións para obter permisos, licenzas ou recursos financeiros.

Taxa de actividade

Porcentaxe do número total de activos sobre a poboación total (poboación de 16 ou máis anos).

Taxa de ocupación

Porcentaxe de ocupados sobre a poboación de 16 ou máis anos

Taxa de paro

Porcentaxe de parados sobre o total de activos.

Nota.- Os resultados dos sete grandes concellos deben tomarse con precaución porque poden estar afectados por elevados erros de mostraxe.

Fonte: Instituto Galego de Estatística -IGE e INE.
______________

O IGE publica hoxe na súa páxina web os datos do Índice de prezos ao consumo (IPC) do mes de xaneiro de 2012

O índice xeral correspondente ao mes de xaneiro de 2012 decreceu un 1,4% en Galicia con respecto ao mes anterior, mentres que no conxunto do Estado decreceu tres décimas menos. A suba dos prezos con respecto a xaneiro de 2011 foi do 2,2%, dúas décimas máis que no conxunto do Estado.

A variación interanual da inflación subxacente (índice xeral sen alimentos non elaborados nin produtos enerxéticos) foi dun 1,5%, unha décima menos que a rexistrada en decembro e dúas
décimas máis que a rexistrada a nivel estatal.

En termos de taxa interanual, son os grupos de “Transporte” (5,1%), “Alimentos e bebidas non alcohólicas” (2,7%) e “Vivenda” (4,2%), cunha achega de 1,8 puntos, os que repercuten máis positivamente na subida do 2,2% do índice xeral.

Cadro 1.- VARIACIÓNS PORCENTUAIS DO IPC XERAL

	Sobre mes anterior	Sobre mes anterior Acumulado no ano	Sobre ano anterior
IPC xeral Galicia	-1,4	-1,4	2,2
IPC xeral España	-1,1	-1,1	2,0

Fonte: INE. Índices de Precios de Consumo

Con respecto ao crecemento interanual do mes anterior (2,5%), o índice xeral  diminuíu 0,26 puntos. O grupo que máis contribuíu a este descenso foi a “Vivenda” con -0,28 puntos.

Imforme completo en formato pdf

Servizo de Difusión e Información Estatística
Complexo Administrativo San Lázaro s/n
Instituto Galego de Estatística
15703 Santiago de Compostela
Telf: 981 541589 de 9 a 14 horas, Fax: 981 541323
contacto: http://www.ige.eu/web/peticioninfo.jsp?paxina=005006001&idioma=gl
web: http://www.ige.eu

Enviado polo:

IGE

-ige.novidades@ige.eu-

15 de fevereiro de 2012 12:37

___________

O Instituto Galego de Estatística -IGE- publica hoxe os Indicadores de contexto do Plano estratéxico de Galicia 2010-2014

Os Indicadores de contexto do Plano estratéxico de Galiza 2010-2014, Fixeron-se público hoxe, 31 de Xaneiro de 2012, na web do Instituto Galego de Estatística -IGE. Pola súa importancia, desde Ártabra 21, achegamos os enlaces que dan acceso aos mesmos.

Na web do IGE, podemos acceder aos dados elaborados sobre cohesión socioeconómica (sociais e económicos) e sobre cohesión territorial e dos territorios (desenvolvemento interno, desenvolvemento comparado co ámbito supraterritorial, de conectividade e TIC). Agardamos que sexan de utilidade.

Indicadores de contexto Plan estratéxico de Galicia 2010-2014

1 Indicadores de cohesión socioeconómica

• 1.1 Indicadores sociais
• 1.2 Indicadores económicos

2 Indicadores de cohesión territorial e dos territorios

• 2.1 Indicadores de desenvolvemento interno
• 2.2 Indicadores de desenvolvemento comparado co ámbito suprarrexional
• 2.3 Indicadores de conectividade
• 2.4 Indicadores TIC

Servizo de Difusión e Información Estatística
Complexo Administrativo San Lázaro s/n
Instituto Galego de Estatística
15703 Santiago de Compostela
Telf: 981 541589 de 9 a 14 horas, Fax: 981 541323
contacto: http://www.ige.eu/web/peticioninfo.jsp?paxina=005006001&idioma=gl
web: http://www.ige.eu

Enviado polo:

IGE

-ige.novidades@ige.eu-

31 de janeiro de 2012 11:15

___________

O Instituto Galego de Estatística publica o seu Informe do indice de produción industrial para Galiza - Abril 2011, que presenta un descenso interanual do 7,9%, 5,6 puntos superior ao descenso do mes anterior

Hoxe o IGE publica o seu Informe do Índice de produción industrial para Galiza - Abril 2011.

O Índice de produción industrial (IPI) do mes de abril de 2011 en Galiza presenta un descenso interanual do 7,9%, 5,6 puntos superior ao descenso do mes precedente. No conxunto do estado a taxa interanual acadou un valor do -4,1%, tamén 5,6 puntos inferior ao crecemento do mes de marzo.

Por destino económico dos bens a influenza dos distintos sectores na variación interanual do índice xeral é a seguinte:

• Os bens de consumo descenden un 10,1% e achegan 2,7 puntos negativos ao crecemento do índice xeral.
• As ramas enerxéticas contribúen ao descenso do índice xeral na mesma medida que os bens de consumo, neste caso debido a un descenso do 11,8%.
• Os bens de equipo caeron un 6,9% con respecto a abril de 2010, este descenso repercute minorando en 1,6 puntos o crecemento interanual do índice xeral.
• Por último, os bens intermedios foi a compoñente con menor descenso (3,4%), o que supuxo unha achega de -1,0 punto ao crecemento do conxunto do índice.

Nos catro primeiros meses do ano o descenso do índice xeral con respecto ao mesmo período do ano anterior foi do 4,1%; o maior descenso corresponde ás ramas enerxéticas, un 9, cunha repercusión no descenso interanual do índice xeral de -2,3 puntos porcentuais.

Por ramas de actividade, as ramas con achega máis negativa son: “Fabricación de produtos metálicos, agás maquinaria e equipamento” que repercuten -2,8 puntos debido a un descenso do 27,7%, “Coquerías e refinación de petróleo” que cun descenso do 31,6% achega 2,0 puntos negativos e “Confección de roupa de vestir” que minora 1,9 puntos o crecemento do índice xeral debido a que decreceu un 40,9%.

Acceder u baixar o informe -cinco páxinas- en formato -pdf:

Informe do Índice de produción industrial para Galiza - Abril 2011 -06.06.2011

Servizo de Difusión e Información Estatística
Complexo Administrativo San Lázaro s/n
Instituto Galego de Estatística
15703 Santiago de Compostela
Telf: 981 541589 de 9 a 14 horas, Fax: 981 541323
contacto: http://www.ige.eu/web/peticioninfo.jsp?paxina=005006001&idioma=gl
web: http://www.ige.eu

Enviado polo:

IGE

-ige.novidades@ige.eu-

6 de junho de 2011 11:21

___________