Dia da Galiza Martir em Ferrol: Homenagem a Garcia Niebla
No 17 de agosto, e por terceiro ano consecutivo, conmemoraremos o Dia da Galiza Mártir. Desta volta centraremos a homenagem na figura do professor Juan Garcia Niebla sem esquecer ao resto de repressaliad@s polo franquismo na nossa comarca. O ato dará início às 20.30hs no Baluarte de Canido.
Garcia Niebla nasceu na Granha em 1875. Obteve o título de mestre nacional em 1895. Exerceu a docência em Betanços, e em 1902 fundou a escola pública de Carança, da que foi diretor até maio de 1914. Depois passou à escola de crianças de Serantes, Ferrol Vêlho e finalmente Canido. Entre 1903 e 1910 promoveu umha série de saídas escolares em bicicleta. Recopilou umha seleçom de redaçons dos seus alunos sobre essas saídas e recolheu no livro "Los hombres dele mañana". Foi representante por Serantes do Comité de Ferrol da Sociedade de Instruçom, Recreio e Beneficencia de Ferrol e Comarca, constituída na Habana em 1909. Fez parte da seçom de Trabalhadores da Ensinança da UGT. Formou parte das Irmandades da Fala em Ferrol, junto a Jaime Quintanilha, entre outr@s. Com o golpe de estado fascista de 18 de julho de 1936 foi preso, ingressou no buque prisom Plus Ultra o 11 de agosto, o 16 foi entregue a agentes da Força Pública que o assassinaram o 17. Foi soterrado numha fosa comum no cemitério de Canido.
No ato intervirám o históriador Bernardo Maiz, a professora reformada Sabela Dias e o membro da diretiva da Fundaçom Artábria Vitor Santalha.
Haverá música da mao do cantor redondelam Seso Durán.
--
Travessa de Batalhons nº7 Esteiro
15403 Ferrol - GALIZA
Telefone: +34 981 35 29 86
www.artabria.net
Segue-nos em twitter @fartabria e em facebook!
A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.
Enviado por:
Fundaçom Artábria
-artabria@artabria.net-
14 de agosto de 2018 14:04
______________