Correo electronico BNG-bng@ferrol.es-
25 de março de 2009 09:39
O BNG aposta por potenciar a candidatura do profesor ferrolán
Ferrol 24 de marzo de 2009. Xoán Xosé Pita, portavoz municipal do BNG, pediu esta mañá ao Goberno Local de Ferrol que non desista de reivindicar o Día das Letras para D. Ricardo Carvalho Calero e fixo unha chamada a sociedade local a implicarse activamente na tarefa de que a RAG recoñeza o seu intenso traballo na defensa da nosa lingua.
Coincidindo co XIX aniversario do seu pasamento (Santiago, 25 de marzo de 1990) o BNG aposta por potenciar a candidatura do profesor ferrolán da que o Concello de Ferrol debe ser o motor.
Xoán Xosé Pita, incidiu na dinámica positiva que significaría, para a nosa cidade, que Carvalho Calero fora o protagonista do Día das Letras, pois estaríanos dando a posibilidade de poder desenvolver unha intensa actividade ao redor da súa figura e do seu legado e estariamos contribuindo a achegar o seu pensamento de dignificación da nosa lingua as xeracións máis novas.
Grupo Municipal do BNG
__________________________________________
