Exibir mapa ampliado
1ª Andaina Polo Río Baa
14 de Abril de 2012 -Sábado.O roteiro transcorre polos montes de Prismos, un lugar dunha grande riqueza medioambiental e etnográfica onde se conxuga a beleza das súas paisaxes coa existencia de vestixios ancestrais nos que se conservan tradicións milenarias.
Hai anos, antes da chegada do Polígono Industrial, era doado facer rotas a pé polas beiras do río Baa seguindo os múltiples carreiros que a veciñanza utilizaba para transitar entre as distintas parroquias da zona ou para achegarse ás súas terras.
Naqueles tempos, cando aínda non había tres coches por cada casa, a xente usaba estas vías de comunicación para poderse achegar ao médico, para ir ás feiras ou para axudar á familia ou veciñanza nas labores agrarias que eran a base fundamental da economía familiar.
Esta andaina pretende ser o inicio da recuperación deses camiños case esquecidos que só as do lugar temos na nosas memoria
ITINERARIO
O roteiro discorrerá polos concellos de Fene e Cabanas, cunha lonxitude aproximada duns 3,5 Km.
Comezaremos na pista que transcorre paralela á autoestrada, e que une o Polígono Industrial de Vilar do Colo coa estrada que une Limodre e Laraxe.
Dende aquí partiremos cara a Marco de San Lourenzo, onde faremos un pequeno alto para comentar a historia deste pedrón así como as tradicións que o rodean.
Logo continuaremos o percorrido cara o Castro de Prismos, un dos castros mellor conservados de Galicia, onde faremos unha segunda parada para falar sobre esta construción pre-romana.
Unha vez rematada a charla, partiremos cara o río Baa ata chegar ao Muíño de Petra onde faremos unha última parada para comer e falar do alto valor ecolóxico e paisaxístico que, inexplicablemente, aínda non goza de ningunha figura de protección.
Para rematar coa andaina, voltaremos cara o punto de partida.
Distancia: 3,5 Km
Data: 14 de Abril de 2012
Hora de Saída: 11:00 da mañá
Hora Prevista Chegada: 16:30
Lugar de Encontro: Na pista que transcorre paralela á autoestrada, e que une o Polígono Industrial de Vilar do Colo coa estrada que une Limodre e Laraxe.
Lugares de Interese (onde se fará unha parada para comentar as peculiaridades da zona):
- -Marco de San Lourenzo.
- -Castro de Prismos
- -Muíño de Petra
- -Humidais do Río Baa
Prevese facer unha parada no muíño
Teléfonos de Contacto:
Xavi: 651884692
César: 649243611
Antonio: 608247955
Alexandre: 690612737
Serxio: 662428976
Plataforma de Afectados polo Polígono Industrial de Vilar do Colo.
|ADEGA - Plataforma en Defensa dos Camiños - SGHN - Verdegaia|
Achegamos díptico e cartaz para quen quixer copiar e difundir:
Cartaz en formato pdf
Díptico en formato pdf
Información baseada na enviada por:
Carlos Vidal Ojea
___________________