Proxección do documentario 'Vieiros de Esperanza' sobre Ricardo Carvalho Calero - Este xoves 10 de maio ás 8 da tarde na capela do Torrente Ballester proxectarase a obra, documentario dirixido polo ferrolán Antón Rodríguez Fernández, no marco das xornadas: 'Homenaxe a Carvalho Calero' - Tráiler do documentario

Proxección documental "Vieiros de Esperanza" sobre Carvalho Calero

Este xoves 10 de maio ás 20 horas na capela do Torrente Ballester proxectarase o documental "Vieiros de Esperanza", dirixido polo ferrolán Antón Rodríguez Fernández, no marco das xornadas homenaxe a Carvalho Calero.

PRESENTACIÓN DOCUMENTAL:
"VIEIROS DE ESPERANZA. RICARDO CARVALHO CALERO"

O vindeiro xoves 10 de maio ás 20:00 horas proxectarase na capela do Torrente Ballester o documental Vieiros de Esperanza (2014), sobre a figura do escritor, profesor e lingüista ferrolán don Ricardo Carvalho Calero. A película estivo dirixida polo ferrolán Antón Rodríguez Fernández e percorre toda a traxectoria vital e profesional do escritor.

Algunhas das persoas que participaron no documental foron: Darío Villanueva (presidente da RAE), Víctor Freixanes (presidente da RAG), Xesús Alonso Montero, Pilar García Negro, Araceli Herrero, Francisco Rodríguez e Xosé María Dobarro Paz, entre outros.

Hai que destacar o inmenso legado cultural que nos deixou o profesor, cultivando todos os xéneros literarios e sendo unha das máis importantes figuras literarias na literatura galega de todos os tempos.

Unha vez máis, homenaxearemos a Carvalho Calero na súa cidade natal, reivindicando a súa figura con esta proxección audiovisual, e esperando que algún día se faga xustiza co galardón do Día das Letras Galegas.

O acto contará coa presenza do director e está enmarcado dentro das xornadas de homenaxe ao autor ferrolán que concluirán o vindeiro venres 18 de maio no teatro Jofre, cun recital de poesía e concertos na súa honra.

“Antón Rodríguez Fernández (Ferrol, 1991), graduado en Comunicación Audiovisual pola Universidade da Coruña e cun Máster en Documental e Reportaxe xornalístico. Director e guionista do documental 'Vieiros de Esperanza' e produtor da curta documental ¡Aúpa, Delibes!.”

Tráiler do documentario "Vieiros de Esperanza", obra biográfica sobre o escritor, lingüista e profesor Ricardo Carvalho Calero.


https://youtu.be/JZZ-_xjPoHA
Canle de Antón Rodríguez Fernández. | Ir á canle.

Buscador libre DuckDuckGo sobre Ricardo Carvalho Calero.

Enviado por:
Antón Rodríguez Fernández
-anton.rodriguezf@gmail.com
8 de maio de 2018 14:36
____________________

Palestra de Henrique da Costa, a quinta feira 12 de abril ás 8 da tarde, no centro social da Fundaçom Artábria (Travessa de Batalhons nº7 Esteiro - Ferrol), titulada 'Carvalho, o estudoso da literatura'

Palestra de Henrique da Costa

Na passada quinta-feira, davam início os atos de homenagem, organizados polo Concello de Ferrol, a Carvalho Calero com umha palestra sobre a sua faceta de lingüística e professor.

As atividades terán continuidade mañá, quinta feira 12 de abril ás 20hs, no centro social da Fundaçom Artábria con unha palestra ministrada por Henrique da Costa, titulada "Carvalho, o estudoso da literatura".

Fundaçom Artábria
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Enviado por:
Vítor Santalha
-vitorsantalha@gmail.com-
11 de abril de 2018 13:38
______________

Ferrol homenaxea a Ricardo Carvalho Calero perante os meses de abril e maio con diferentes actos culturais: palestras, poesía e música, os 5, 12, 19 e 26 de abril e o 10 e 18 de maio

FERROL REIVINDICA A FIGURA DE RICARDO CARVALHO CALERO EN TODAS AS SÚAS DIMENSIÓNS

O Concello de Ferrol ven de presentar antonte polo miúdo o contido dunha homenaxe ao profesor Ricardo Carvalho Calero, ilustre escritor e lingüista nado en Ferrol Vello, para o que este municipio por unanimidade e co apoio da Mancomunidade da ría de Ferrol segue a reivindicar a Real Academia Galega que se lle adique, en xustiza, en recoñecemento a súa figura e legado o 17 de maio, Día das Letras Galegas.

Foi nunha rolda de prensa o pasado mércores no Concello na que tomaron parte o concelleiro de Participación e Normalización Lingüística, Álvaro Montes, e tres dos membros da comisión que traballo que reivindica a figura e o legado de Carvalho Calero, da que forman parte Bernardo Maiz, Xosé María Dobarro e Manolo Pazo, xunto con Vítor Santalha, que hoxe escusou a súa presencia por cuestión de axenda.

As xornadas de homenaxe a Carvalho Calero organizadas polo Concello de Ferrol compóñense de catro palestras en distintos espazos, desde o Ateneo ao CC Torrente Ballester, pasando pola Fundación Artabria, ate o remate, cunha xornada lúdico festiva no Teatro Jofre o 18 de maio coa participación de músicos como Xiana Lastra, María Manuela e Alberte Pombo e as voces poéticas de Medos Romero, Fernánde Vello, Roi Sanz e Marcos Abalde.

O acordo de instar a RAG a adicarlle a Carvalho Calero o Día das Letras Galegas xa obtivera o respaldo unánime de todos os grupos da corporación en sucesivos plenos, o derradeiro foi en marzo do 2016. Esta proposta tamén obtivo o respaldo da Mancomunidade na sesión celebrada o 14 de marzo dese mesmo ano, unha reivindicación que foi desbotada pola RAG tanto para 2017 como para 2018, no que a protagonista será Victoria Moreno.

Ricardo Carvalho Calero (Ferrol, 1910-1990), poeta, ensaísta e dramaturgo con sobrados méritos acreditados como ser o primeiro catedrático de Lingua e Literatura Galega da USC, é fillo predilecto do Concello de Ferrol.

Achegamos o programa completo das catro palestras que arrancaron este xoves, 5 de abril, no Ateneo Ferrolán, cunha mirada que se achegou ao Carvalho Calero: profesor e lingüísta, por conta de Xosé María Dobarro e Aurora Marco. 

Fonte: Concello de Ferrol. | Ir á Web.
___