Carvalho Calero para 2021: Coletivos e centros sociais da Galiza demandan adiar para 2021 o Dia das Letras a Ricardo Carvalho Calero

Carvalho Calero para 2021

Os coletivos e centro sociais abaixo assinados, após mais de umha década de reclamaçons procedentes de diversas entidades culturais de base para que a Real Academia Galega dedicasse um Dia das Letras a Ricardo Carvalho Calero. vimos a oportunidade de aprofundar na socializaçom da sua figura e da sua obra neste 2020, ao asumir a RAG, por fim, a homenagem que o povo galego deve a um dos seus grandes filhos.

Com a atual situaçom da crise sanitária provocada pola Covid19, a RAG decidiu adiar a homenagem para 31 de outubro.

Queremos manifestar a nossa oposiçom a esta decisom, porque nessas datas é praticamente impossível garantir que a figura de Carvalho Calero seja trabalhada e divulgada como deveria ser.

Por exemplo, achamos que com esta mudança de data nom estaria garantido, no caso do ensino, que é umha das áreas em que mais se trabalha a pessoa homenageada no Dia das Letras com toda a programaçom que leva associada. Sendo a começos do ano letivo e tendo que recuperar parte do currículo sem desenvolver nestes meses, semelha que a presença do autor seria testemunhal.

Aliás a data escolhida coincide com a celebraçom do Samaim, tradiçom na qual o tecido associativo levamos anos trabalhando na sua recuperaçom.

Tampouco está garantido que nessa data seja possível nengum tipo de mobilizaçom. Nom imaginamos um Dia das Letras sem a reivindicaçom na rua da defesa do nosso idioma ou sem as muitas atividades culturais que se desenvolvem por todo o País.

O papel da cultura de base e do reintegracionismo foi, é e será fundamental na divulgaçom de Carvalho Calero. Sabemos que foi negado durante anos pola RAG, só polo facto de ser reintegracionista. Por isso aguardamos que seja escuitada a demanda de adiar para 2021 esta merecida homenagem, que cada vez conta com mais adesons, incluídas as entidades abaixo assinadas.

Faga o que figer a RAG finalmente, Carvalho continuará a ser lembrado e reivindicado. Continuaremos a difundir a obra de um dos grandes da nossa história contemporánea e destacado teórico do reintegracionismo lingüístico.

Galiza, 23 de abril de 2020

Associaçom de Estudos Galegos
BRIGA
Coletivo Terra (Eume)
CS A Gentalha do Pichel (Compostela)
CS A Revolta (Vigo)
CS Gomes Gaioso (Corunha)
CS Fuscalho (Baixo Minho)
CS Madia Leva (Lugo)
CS O Quilombo (Ponte Vedra)
Escolas de Ensino em Galego Semente
Fundaçom Artábria (Trasancos)
Local Social Faisca (Vigo)
SCD Condado (Condado)

--

Travessa de Batalhons nº7 Esteiro
15403 Ferrol - GALIZA
Telefone: +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-correiodeartabria@gmail.com-
23 de abril de 2020 11:18
_______

Inauguración da exposición: 'Don Ricardo de Fingoi (Carvalho Calero en Lugo)' - Este luns, 2 de marzo, ás 19:30 horas no Ateneo Ferrolán, organizado polo Club de Prensa de Ferrol, xunto á Real Academia Galega e o colectivo Egeria

Inauguración da exposición: "Don Ricardo de Fingoi (Carvalho Calero en Lugo)"

Este luns, 2 de marzo, ás 19:30 horas no Ateneo Ferrolán, organizado polo Club de Prensa de Ferrol, xunto á Real Academia Galega e o colectivo Egeria.

Inauguración da mostra Don Ricardo de Fingoi (Carvalho Calero en Lugo), que conmemora os 15 anos en que o autor a quen a Real Academia Galega (RAG) lle dedicará o vindeiro 17 de maio residiu na cidade da Muralla para exercer como profesor.

A exposición Don Ricardo de Fingoi, elaborada polo Colectivo Egeria para dar conta da presenza en Lugo de Ricardo Carvalho Calero entre 1950 en 1965, conta co patrocinio da Consellería de Cultura e Turismo da Xunta de Galicia e a colaboración da RAG e do Colexio Fingoi. Consta de trece paneis que percorren a relación do autor das Letras Galegas 2020 coa cidade da Muralla, acompañados de sinaladores de lectura e dun folleto que recolle os mesmos contidos dos paneis.

Evento:

https://www.facebook.com/events/592066304969779/

Un lugar de encontro para a cultura dende 1879 na cidade.

e-mail: secretaria@ateneoferrolan.org | Telf.: +34 981 357 970 - 644.720.055
Dirección Postal: Rúa Magdalena 202-204. CP.15402 | Ferrol (Galiza)

Síguenos:
TWITTER: @ateneoferrolan
BLOG: http://ateneo-ferrolan.blogspot.com/
FACEBOOK
Faite soci@ on line! Colabora con nos!
http://ateneo-ferrolan.blogspot.com.es/2007/12/faite-soci.html

Enviado por:
Ateneo Ferrolán Fundado en 1879
-ateneoferrolan@gmail.com-
28 de fevereiro de 2020 13:06
_____________

Atelier de dança tradicional e Ferrol com Carvalho Calero nesta fim de semana - Sexta-feira 14 de fevereiro, decorrerá um Atelier de Muinheira Cruzada do Entruido de Samede com o pessoal de Repichoca Ferrol. O atelier dará início às 21:30hs e a entrada é livre - E o Sábado 15 de fevereiro a Gentalha do Pichell desloca-se a terras de Trasancos para participar num roteiro guiado polas companheiras de Rexenerando polos lugares mais significativos da trajetoria de Carvalho Calero - Jantar popular organizado pola Fundaçom Artábria

Atelier de dança tradicional e Ferrol com Carvalho Calero nesta fim de semana
A continuaçom disponibilizamos a programaçom da Fundaçom Artábria para esta fim de semana:

Sexta-feira 14 de fevereiro, decorrerá um Atelier de Muinheira Cruzada do Entruido de Samede com o pessoal de Repichoca Ferrol. O atelier dará início às 21.30hs e a entrada é livre. Posteriormente haverá umha foliada no Centro Social. Traz o teu instrumento e muitas ganhas de dançar.


Sábado 15 de fevereiro a Gentalha do Pichell desloca-se a terras de Trasancos para participar num roteiro guiado polas companheiras de Rexenerando polos lugares mais significativos da trajetoria de Carvalho Calero. Um passeio de hora e meia que percorre 80 anos de história da cidade de Ferrol, com o que visibilizar a cena galeguista de Ferrol e reivindicar o compromisso com a língua e a cultura galegas dum dos intelectuais mais relevantes do século XX.

 O roteiro começará às 11.30hs no Ferrol Velho e acabará no bairro de Esteiro, no local da Fundaçom Artábria, onde haverá um jantar popular organizado pola nossa entidade.

Para poder participar no roteiro e/ou ao jantar popular é precisso reservar previamente escrevendo para os correios-e gentalhadopichel@gmail.com ou em correiodeartabria@gmail.com. A data límite para fazê-lo é sexta, 14 de fevereiro.

O preço do roteiro é de 6€ / 4€ para as sócias e sócios da Gentalha do Pichel e da Fundaçom Artábria

O preço do jantar é de 12€ / 10€  para as sócias e sócios da Gentalha do Pichel e da Fundaçom Artábria 

A ementa estará composta de Arroz Ártabro à moda Vidal + Água + vinho + sobremesa + café (Há opçom vegana sob demanda)

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por
Fundaçom Artábria
-artabria@artabria.net-
13 de fevereiro de 2020 16:37
___________

Como ler o galego reintegrado de Carvalho Calero? - Videoblogue de Eduardo Maragoto Presidente de Agal

Carvalho Calero escreveu a sua obra mais conhecida, Scórpio, em galego reintegracionista. É o seu livro mais recomendável para todo o tipo de públicos, já que é umha aproximaçom mui entretida à história política e social da Galiza e de Espanha entre 1910 e o final da Guerra Civil. Mas algumhas pessoas podem ter medo à sua leitura porque nom está escrito na norma oficial do galego, senom em galego-português. Por isso, hoje vou explicar como se lê aproveitando que no dia 16 de maio a AGAL está a preparar umha leitura continuada desta obra durante 14 horas que vai ser retransmitida em streaming a partir de um teatro de Compostela.


Fonte: Nós Televisión.

https://a.gal/

---

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego: Quero ser de Nós Televisión.

____________________

O Dia das Letras Galegas à figura de Ricardo Carvalho Calero e a aprobación do Decreto que establece os niveis de competencia do galego en Asturias aos efectos do Marco Común Europeo de Referencia das Linguas

COMUNICADO DE IMPRENSA SOBRE O DIA DAS LETRAS DE 2020 E O DECRETO DO PRINCIPADO DE ASTURIAS SOBRE OS NÍVEIS DE COMPETÊNCIA DO GALEGO EN ASTURIAS.

Desde LiGanDo queremos comunicar a nossa satisfação pelos avances que se dão esta semana em dois aspetos que nos consideramos fundamentais para o futuro do idioma galego.

O primeiro foi a decisão de adjudicar o Dia das Letras Galegas à figura de Ricardo Carvalho Calero. Entendemos que este feito vai permitir colar a figura do escritor no lugar que se merece e evidencia que a figura e obra de Carvalho Calero é merecedora deste reconhecimento. Entendemos que só os prejuízos de caráter ideológico impedirão que nos anos anteriores se aprovasse à sua designação pelos académicos da RAG. Os parabéns da nossa organização à RAG e os seus académicos pela retificação.

Com respeito ao Dia da Letras do 2020 LGD entendemos que não só tem que servir para profundar no estudo e dar conhecer a obra de Carvalho Calero senão também para abrir um debate cultural e social sobre o reintegracionismo como escolha válida a ora de escrever o galego. Entendemos que está escolha  converte o nosso idioma numa fala internacional usada por milhões de pessoas repartidos por todo o planeta. Com o reconhecimento da figura de Carvalho Calero para o ano 2020 há um avance importante no binormativismo que LGD já incluiu na sua ata de fundação.

Aproveitamos, também, esta comunicação para fazer um chamamento aos afiliados/as do BNG e das organizações da sua entorna (CIG, ADEGA, FRUGA, …) que defendem a normalização do uso da variante reintegracionista para que pressionem as suas direções na linha de avançar no reconhecimento do binormativismo como a melhor opção de defender o uso normalizado e super-vivéncia do galego.

Desde LGD esperamos que desde já as organizações citadas usem o galego internacional para a elaboração de comunicados e escritos sobre o Dia das Letras de 2020 e a figura de Carvalho Calero.

A segunda causa de satisfacción e a aprobación, este venres 21 de Xuño, por parte do Principado de Asturias do Decreto que establece os niveis de competencia do galego en Asturias (galego asturiano) aos efectos do Marco Común Europeo de Referencia das Linguas, e regula os exames oficiais. En concreto regula que haberá certificados a nivel básico (A1 e A2), medio (B1 e B2) e avanzado (C1). Estes Decreto iguala ao galego en Asturias con outros idiomas como o galego, euskera, castelán, inglés, … xa que contan co mesmo procedemento de certificación.* nota 1

Desde LGD entendemos que a elaboración do proxecto normativo para regular os niveis competencias do galego en Asturias  que aparece recoñecido como galego asturiano no Estatuto de Autonomía do Principado  debe avanzar no achegamento, desta variante do galego usado no occidente de Asturias e algún concello oriental da provincia de Lugo, cara o galego normativizado pola RAG como o mellor xeito de dar utilidade, futuro e alcance internacional á esta variante do galego tamén coñecida como galego oriental ou galego do Eo-Navia.

Nota 1: LiGanDo é unha organización política arredista que nace para traballar na CAG e nos territorios extremeiros e por iso esta legalizada diante do Ministerio do Interior para a actual Comunidade Autónoma de Galiza, e os territorios extremeiros do Eo-Navia e o Bierzo.
Galiza, 23 de Xuño de 2019.

LIGANDO-LGD

http://www.ligando.org/

Facebook | Twitter

Enviado por:
LiGanDo Lgd
-ligando.lgd@gmail.com-
24 de junho de 2019 14:54
____________-

A Fundaçom Artábria com o movimento normalizador, pola reivindicaçom prática de 'Carvalho Calero 2020'

A Fundaçom Artábria com o movimento normalizador, pola reivindicaçom prática de “Carvalho Calero 2020”

Foi em 2007 quando a nossa entidade lançou a primeira campanha explícita para reclamar um Dia das Letras, o de 2009, para o ferrolano Ricardo Carvalho Calero. Aí começou também a série consecutiva de negativas explícitas da Real Academia Galega a essa e a cada umha das petiçons que posteriormente realizárom outras entidades do País.

Posteriormente, a Fundaçom Artábria preferiu dedicar as suas energias a outras tarefas, evitando entregar à RAG umha centralidade que nom merecia e que o próprio Carvalho tinha questionado em vida. Durante todos estes anos, continuamos a desenvolver todo o tipo de actividades de promoçom da figura e obra de Carvalho Calero, em solitário ou em colaboraçom com outros muitos coletivos locais e nacionais.

Sabíamos que era questom de tempo que a RAG se visse obrigada a assumir a homenagem que o povo galego deve a um dos seus grandes filhos: o Carvalho antifascista, republicano, nacionalista, literato, ensaísta e defensor da nossa língua, com umha perspectiva inequivocamente reintegracionista.

Esse momento chega agora, com vinte anos de atraso, pois foi a partir do ano 2000, dez anos depois do seu falecimento, que a dedicatória do Dia das Letras se podia ter produzido. O sectarismo da RAG impediu-no.

Como é habitual nalguns setores acobardados e oportunistas do oficialismo cultural, a RAG atribuiu ao povo galego umha carência que correspondia à própria entidade interpelada: a de nom estar “preparado” para umha homenagem a um vulto tam “polémico”. Certamente, a homenagem da oficialidade chega tarde, pois a divulgaçom do ideário lingüístico de quem foi primeiro catedrático de Língua e Literatura Galegas teria ajudado a avançar a consciência nacional galega e estes som, nessa medida, anos perdidos.

Nom temos, portanto, nada que agradecer à Real Academia Galega, que deverá acrescentar à sua história a vergonha de negar durante duas décadas a homenagem devida a Carvalho Calero, polo simples facto de ser reintegracionista: defensor conseqüente da unidade lingüística galego-luso-brasileira. Conseqüentemente, e como defensor de umha Galiza soberana, foi crítico da ideologia isolacionista que alimentava e ainda alimenta a Galiza autonómica.

O nosso povo merece um confronto aberto de ideias que nos permita escolher livremente o melhor caminho para a completa recuperaçom da nossa língua, da nossa cultura e da nossa naçom. Oxalá seja possível fazê-lo durante este ano de maneira ampla e sem sectarismos.

Essa será a aposta da Fundaçom Artábria, aberta à colaboraçom com todo o movimento normalizador de base existente no nosso país, sem exclusons, e dando continuidade ao que foi um dos nossos objetivos fundacionais desde inícios da década de 90 do século passado até o presente: a defesa do legado intelectual de Ricardo Carvalho Calero.

Ferrol, 23 de junho de 2019

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.
Enviado por:
Fundaçom Artábria
-artabria@artabria.net-
23 de junho de 2019 11:05
______________

IV Roteiro Literario Musical A Mirada de Carvalho, por Ferrol o venres 3 de maio a partires das 6 da tarde desde a Praza Vella

IV Roteiro Literario Musical "A Mirada de Carvalho", por Ferrol o venres 3 de maio a partires das 6 da tarde desde a Praza Vella

Este cuarto roteiro, de homenaxe a Ricardo Carvalho Calero, partirá, desde a Praza Vella, pasando polas rúas San francisco e Real, até o Teatro Jofre, finalizando no Cantón. No caso de chuvia celebrara-se o evento na sala de actos do antigo Hospicio. O roteiro está dirixido por Loreto de Castro, organizado por: "O Faldoiro" grupo de Poesía e Teatro, coa colaboración do Ateneo Ferrolán, Asociación Cultural Ferrolterra Antiga, Fundaçom Artábria e Asociación Cultural Medulio.

Evento no Facebook.

Enviado por:
Inácio GZ
-inaciogz@gmail.com-
19 de abril de 2019 10:20
____________