En Ferrol, coma no resto da Galiza, haberá manifestacións comarcal contra a Reforma das Pensións, ás 19:30h.

A CIG convoca para este xoves, día 14 de novembro, manifestacións en todas as comarcas contra a reforma das pensións. As mobilizacións insírense na campaña que a central sindical vén desenvolvendo para denunciar que esta reforma provocará unha redución das pensións actuais e futuras e pretende abocar á poboación á subscrición masiva de plans de pensións privados para alimentar o negocio da banca e das aseguradoras.

Durante estas semanas desenvolvéronse en toda Galiza asembleas de delegadas/os, actos de protesta, concentracións e repartos de material informativo nas empresas e nos polígonos industriais para explicar a posición da CIG respecto da reforma das pensións. Unha campaña que culminará na tarde deste xoves con manifestacións simultáneas en todas as comarcas e que terá continuidade con novas respostas de contestación social.

Para a CIG esta reforma ten un fondo calado político e ideolóxico e graves consecuencias para as pensións actuais mais tamén para as futuras. A central sindical considera que non ten xustificación algunha “porque nin no informe dos expertos -9 dos 12 vinculados á banca e ás compañías aseguradoras-  se di que o sistema non sexa sostíbel”.

Horas e lugares das manifestacións

• Ferrol: 19:30 horas con saída do local do sindicato CIG na Avda. de Esteiro.
• Ourense: Ás 20:00 horas do pavillón dos Remedios.
• Pontevedra: Ás 20:00 horas da Praza da Ferrería
• Vilagarcía: 20:00 horas da Casa do Mar
• Vigo: Ás 20:00 h da Vía Norte
• Compostela: Ás 20:00 horas da Praza Roxa
• Lugo: 20:00 h da Ronda da Muralla
• A Coruña: 20:00h praza de Vigo
• Ribeira: ás 19:00 horas da Praza do Concello

Intervención da técnica de formación sindical Silvia Bermúdez
na asemblea de delegados/as da CIG de Vigo o 7/11/13.
A trama do capital contra as pensións públicas.

Tirado de: http://www.galizacig.com/avantar/

Excelentes 20 minutos de Silvia Bermúdez sobre a reforma da negociación colectiva, nunha chalar impartida en plena #acampadavigo - Vídeo

O pasado 15 de Xuño, na #acampadavigo, Silvia Bermúdez Pérez, -Vigo 1979, activista e sindicalista, en pouco máis de 20 minutos explica con claridade e contundencia o significado da reforma da negociación colectiva, aprobada polo Goberno Español e esixida pola Comisión Europea a través do "Pacto do Euro" -que se vai debater os próximos 22 e 23 deste mes no Parlamento Europeo- dentro dun paquete completo antisindical e antiobreiro, coa aprobación da reforma laboral o pasado ano 2010, e a das pensións e o conxunto do Acordo Economico e Social asinado polo Goberno, a Patronal, e tamén, polas centrais sindicais CCOO e UGT.


Fonte: http://www.youtube.com/user/avantarvideos

Blogue persoal de Silvia Bermúdez Pérez:

http://galizasubversiva.blogspot.com/

Información baseada na enviada por:

FERNANDO RODRIGUEZ LAMELA

-frlamela@yahoo.es-

20 de junho de 2011 08:15

____________

Enlace relacionado:

A gran mentira das pensións: 15 minutos excelentes onde Silvia Bermúdez Pérez, xoven advogada e sindicalista, desmonta as falsidades que se están a difundir sobre o sitema público de pensións como escusa para a sua reforma - Vídeo
________________