Amosando publicacións coa etiqueta Teresa Moure. Amosar todas as publicacións
Amosando publicacións coa etiqueta Teresa Moure. Amosar todas as publicacións

xoves, novembro 05, 2015

Apresentaçom do último livro de Teresa Moure e Magusto popular as atividades da fim de semana na Fundaçom Artábria


Apresentaçom do último livro de Teresa Moure e Magusto popular as atividades da fim de semana na Fundaçom Artábria


A oferta cultural nom para na Fundaçom Artábria, e este mês de outono vem carregado de atividades no nosso Centro Social.

Apresentaçom de Óstracia com Teresa Moure

Esta sexta-feira, 6 de novembro, às 20.30hs a escritora e professora da USC, Teresa Moure apresenta o seu novo livro “Ostrácia” publicado por Através Editora.

A protagonista de Ostrácia é a revolucionária bolchevique Inessa Armand, russa de origen francesa.

Após o seu matrimónio com um proprietário rural da alta burguesia com quem teve quatro filhos, subverteu todas as normas da sua sociedade ao se juntar aos 28 anos com o seu cunhado, de 17, com quem tem o quinto. Luitadora incansável, feminista, é enviada ao pior dos ostracismos, o Ártico, porque na sua casa se celebravam reunions anti-czaristas e se encontraram leituras marxistas. À volta do exílio, ingressa no Partido Bolchevique onde chega a ocupar altas responsabilidades. Inessa Armand, mulher de nome esquecido, foi capaz de romper todas as convençons para construir um mundo novo. No entanto, apenas é lembrada com uma frase: «a amante de Lenine».”

Magusto Ártabro

No sábado 8 temos umha das citas clássicas do mês de novembro na Fundaçom Artábria com as castanhas como protagonistas.

Desde as 20.00hs celebramos o Magusto na Fundaçom Artábria, na Travessa de Batalhóns, com castanhas à grelha de balde com cada consumiçom. Além deste exquisito manjar que chega mais umha vez desde os melhores soutos de Viana do Bolo, haverá chouriços e liscos com pam ao preço de 3 euros a raçom.

Exposiçom de Esperanza Vázquez

Aliás lembramos que desde o dia 2 e até final de mês está disponível a exposiçom da fotógrafa ferrolana Esperanza VázquezBranco e Negro” no nosso Centro Social. A monstra pode ser visitada em horário de apertura do Café-bar entre as 10.00h

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!
....
 A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Joam Tavia
-jtavia@gmail.com-
5 de novembro de 2015 19:28

Recomendo-vos a apresentaçom deste livro. Xam.

______________

martes, xaneiro 20, 2009

Do libro “O natural é político” de Teresa Moure

De: Xoán Fernández "O Bom" -jefernandez@navantia.es-
Para: artabra21@gmail.com
Data: 20 de janeiro de 2009 07:26
Asunto: Do libro “O natural é político” de Teresa Moure -Ed. Galaxia-



Este duro retrato non é unha invención literaria senón unha relación de agravios. O vertixinoso cambio de Galiza nas últimas décadas non é dourado nin completamente elixido pola súa poboación: ao tempo que se acentúan as diferenzas sociais, o país hipoteca a súa natureza como un recurso máis que non se dosifica para que cheque ás xeracións vindeiras. Non creo que sexa esaxerado nin alarmista concluír que todos os problemas amentado (e algúns máis), así unidos, están a ocasionar neste país encantado unha crise ecolóxica sen precedentes: os restos da fraga salvaxe que cubriu o territorio véndese como canteiras no Courel; xunto ás impresionantes dunas de Corrubedo instálase unha piscifactoría, ou na ría pechada e calma de Ferrol colócase unha regasificadora

Do libro “O natural é político” de Teresa Moure -Edicións Xerais-.
Insospeitado libro no que o seu punto de vista da ecoloxía non te deixará indiferente.

Teresa Moure fala de "O natural é político"


Teresa Moure, discurso nos Premios Xerais 2007 "O carácter revolucionario da escrita e das palabras"


____________

Enlaces relacionados:
_______________