Charla coloquio sobre a situación actual do Sector Naval na ría de Ferrol e as súas perspectivas de futuro, organizada polo BNG, coa participación de, Francisco Jorquera deputado no Parlamento Galego e Iván Rivas, candidato à alcaldía de Ferrol

Charla coloquio sobre a situación actual do Sector Naval na ría de Ferrol e as súas perspectivas de futuro

O vindeiro luns, 23 de marzo, ás 19:30 horas, vai ter lugar na Galeria Sargadelos de Ferrol, unha charla coloquio sobre a situación actual do sector naval na ría de Ferrol e as súas perspectivas de futuro, á vista das últimas decisións políticas tomadas sobre o mesmo e á vista dos informes de xestión e de futuro da empresa Navantia.

Neste acto contaremos coa participación do portavoz do BNG no Parlamento Galego, Francisco Jorquera [*], e Iván Rivas [**], candidato à alcaldía de Ferrol.

[*] Francisco Jorquera Caselas, -Ferrol, 1961, licenciado en Xeografía e Historia, desde moi novo participou no movimento estudiantil e político do nacionalismo galego (ERGA, AN-PG, CAF, BNG). Foi senador e deputado en Madrid, mais agora forma parte do Parlamento Galego, onde é portavoz do Grupo do BNG. É o autor de varias iniciativas sobre o Sector Naval nas diferentes institucións onde foi e é representante, de feito a relación de Jorquera co Sector Naval ten máis de 7.300 entradas no buscador Google. Ten conta no twitter e no facebook:
https://twitter.com/jorqueracaselas
https://gl-es.facebook.com/jorqueracaselas

[**] Iván Rivas Rico, -A Pontenova 1976, é arquitecto de profesión, concelleiro e portavoz do grupo municipal do BNG en Ferrol desde xaneiro de 2012. Candidato á Alcaldía polo BNG - Asembleas Abertas, para as próximas eleccións locais do 24 de maio deste 2015. Ten conta no facebook: https://www.facebook.com/ivan.rivasrico.

Proceso Asembleas Abertas 'Construíndo Futuro':
http://www.construindofuturo.info/

Web oficial do BNG:
http://bng.gal/

Enviado por:
BNG
-bng@ferrol.es-
21 de março de 2015 11:00
____________________

Estamos fartos, ... Por Alexandre Carrodeguas

Por Alexandre Carrodeguas [*]
21.03.2015

E agora o mais o difícil aínda, o alcalde de Ferrol anuncia unha nova obra: "Trataríase dun complexo co auga como protagonista, este ambicioso proxecto contaría cun investimento duns 6 millóns de euros", a localizar na zona do Bertón, despois da cidade da "xustiza" no antigo Sánchez Aguilera, tócalle agora a quenda a cidade do deporte no Bertón, con mil millóns das antigas pesetas, non bastan os ascensores panorámicos, non bastan "pipicans" por aquí e por ala, agora "ao grande"; piscinas de cincuenta metros "si faifalta" que para iso estamos en Ferrol, a cidade mais rica de Galicia. E por si non fosen poucas as promesas do PP na anterior campaña electoral do 2011, recordemos; estacionamentos subterráneos en Caranza, Ultramar, praza de Armas, centro de saúde en Canido, residencias para vellos en Covas e no Bertón, e un gran centro turístico na zona portuaria con edificios novos e bares moitos bares....Agora serán un total de 8.700 metros cadrados dedicados o deporte e a auga sic.

Non sei en que cidade viviran estes gobernantes, non se dan conta ou non se queren dar conta que en Ferrol superamos o 30 por cento de paro, que o 27 por cento do pequeno comercio leva pechado xa desde o 2007, que perdemos mil habitantes ao ano e que so chegamos o 52 por cento de taxa de actividade. E que estamos sobre todo fartos moi fartos.

Con este panorama como poden os actuais mandatarios seguir con esta sarta de ocorrencias, xa sei que estamos en campaña electoral, pero non debería valer todo en campaña, non debería valer prometer un aeroporto para Ferrol, con metro incluído, non debería valer prometer unha ponte de San Francisco que cruzase a ría con dobre dirección por exemplo. Que ao paso que vamos e posible que cheguemos a tales disparates.

A situación de Ferrol non dá para máis, despois das mal chamadas políticas de austeridade aplicadas polo partido popular a cidade esta a sufrir unha situación social de extrema gravidade. E o alcalde e o seu partido están a protagonizar esta farsa a modo de esperpento. Non deberían estar a xogar como están a xogar coa credibilidade da xente, como se se tratara duns vulgares trileiros. A cidade non o merece. Os veciños e as veciñas merecemos respecto e non ser humillados con falsas promesas. Merecemos un goberno municipal decente.

[*] Alexandre Carrodeguas, activista social de Ferrol Terra, promotor de plataformas cidadáns en defensa do patrimonio urbanístico e cultural; defensor dos espazos públicos e da rehabilitación dos cascos históricos; membro de Verdegaia, do Comité Cidadán de Emerxencia para a Ría de Ferrol e da Comisión Social de Seguimento da construción da infraestrutura de depuración e saneamento da marxe norte da ría de Ferrol. E un dos promotores da iniciativa cidadá pola xestión pública e social do ciclo da auga e do saneamento en Ferrol.

Enviado por:
Alexandre Carrodeguas
-republicadetraballadoras@gmail.com
19 de março de 2015 23:31
_________

Presentouse no Ateneo Ferrolán, con moito suceso, o libro de Rosa Cal: "Informes diversos dos Sucesos de Ferrol: 10 de marzo de 1972"

Presentouse no Ateneo Ferrolán, con moito suceso, o libro de Rosa Cal: "Informes diversos dos Sucesos de Ferrol: 10 de marzo de 1972"[1].

A mesa de debate contou coa participación do historiador, membro da asociación Memoria Histórica e presidente do Ateneo Ferrolán, Eliseo Fernández; de Antón Mesejo, traballador xubilado de BAZAN, un dos relatores do informe de Cáritas, unha das persoas integrantes das Comisión Obreiras dos 12 e militante da HOAC (temos o orgullo de que forme parte do Colectivo Ártabra 21); Francisco Rodríguez, militante da UPG desde o 1966, foi detido no 72 e estivo na prisión da Coruña co resto de detidos en Ferrol, foi parlamentario polo BNG en Madrid, onde presentou en Xullo de 2001 unha proposición non de Lei sobre o recoñecemento do 72 [2];  o historiador e Enrique Barrera que ten publicado, entre outros, numerosos libros sobre a historia recente de Ferrol e en concreto sobre os anos da ditadura e o proceso chamado da "Transición"; a autora do libro, a historiadora Rosa Cal, Celso Domínguez que foi militante de USO e un dos relatores do informe da citada central sindical; e Rafael Pillado, un dos históricos militantes e dirixente obreiros daquel Marzo do 72, condenado polo TOP franquista no chamado "Proceso dos 23 de Ferrol", ten escrito un importante e moi interesante libro sobre unha parte da nosa historia recente "O Latexo da vida e da conciencia - Memorias Colectivas de Rafael Pillado - I (Primeiro Volume)", onde fala en primeira persoa sobre os sucesos do 72.

O acto celebrado no Ateneo Ferrolán, realizou-se cunha sala chea e moi atenta a todo o que se dicía, desde o público choveron preguntas, mais tamén desde a Mesa ao público, como foi o caso de Rosa Cal a Ramiro Romero que foi agredido polos gardas xurados e participou na entrevista co Capitán Xeral da Zona, a mesma mañá do 10 de Marzo xunto a Riobóo, clarificando o realmente sucedido.

Foto do Ateneo Ferrolán.

[1] "Informes diversos de los Sucesos de Ferrol: 10 de marzo de 1972" de Rosa Cal (Liber Factory, 2015). | Ir a máis Información.

[2] Proposición non de lei presentada por Francisco Rodríguez Sánchez.

Detalle da Proposición:PROPOSICIÓN NON DE LEI

O Congreso dos Deputados:

Recoñece a gran contribución de todas aquelas persoas que participaron na loita e resistencia antifranquista para a instauración dun réxime democrático no
Estado español.

Por iso, insta ao Goberno a :

a) Adoptar as medidas necesarias para reparar moralmente a todas aquelas persoas que foron represaliadas durante a ditadura franquista, por defender a liberdade e o exercicio de dereitos fundamentais; así como para recoñecer o dano causado a todas as vítimas, ou na súa falta os familiares das mesmas, do terror e a represión da ditadura franquista.

b) Tomar as medidas necesarias para outorgarlles o honor, recoñecemento e agradecementopúblicos pola súa contribución na defensa das liberdades públicas e os dereitos fundamentais a Daniel Niebla Garcia e Amador Rei Rodríguez, así como reparar, na persoa dos seus herdeiros, o dano ocasionado pola violenta actuación policial o día 10 de marzo de 1972 en Ferrol

Proposición enteira con exposición de motivos, en formato pdf | Acceder/Baixar.
__________________

Eclipse de sol do 20 de marzo de 2015 - A Sección de Astronomía da SGHN, en colaboración coa Delegación de Ferrol da SGHN e a Asociación Muíño do Vento, instalará o próximo venres día 20 con motivo do eclipse de sol, tres telescopios solares na Praza de Canido

Eclipse de sol do 20 de marzo de 2015

A Sección de Astronomía da SGHN, en colaboración coa Delegación de Ferrol da SGHN e a Asociación Muíño do Vento, instalará o próximo venres día 20 con motivo do eclipse de sol, tres telescopios solares na Praza de Canido para poder observar o Eclipse parcial de Sol. O Eclipse comezará ás 9 horas e 8 minutos, o máximo será ás 10 horas e 11 minutos e rematará ás 11 horas e 19 minutos.

Invitamos a todas as persoas interesadas a que veñan a participar na observación deste fenómeno astronómico.

Un eclipse é un espectáculo moi interesante, con todo pode poñer en risco a vista de quen estea observándoo. Sempre que queiramos observar o Sol directamente debemos utilizar filtros solares astronómicos e homologados pola CE que nos dean total seguridade. Non serven radiografías, nin cristais afumados, nin lentes de soldador, xa que este tipo de filtros que podemos chamar "caseiros" deixan pasar a dañina radiación ultravioleta. Recoméndase o uso de filtros homologados e que son coñecidos como lentes de eclipse, e véndese en ópticas, planetarios e tendas especializadas. Aínda a pesar do uso das devanditas lentes de eclipse, a observación do eclipse debe facerse durante periodos de tempo inferiores a un minuto, con intervalos de descanso de medio minuto. Non obstante o sistema máis recomendable consiste en observar o Sol a través dunha proxección da súa imaxe nalgún tipo de pantalla situada á sombra.

Sección de Astronomía e Contaminación Lumínica SGHN

Sociedade Galega de Historia Natural

Para contactar coa Delegación ferrolá da Sociedade Galega de Historia Natural:

• Casa do Coronel. Praza de Canido s/n. 15401 Ferrol.
• Apartado de Correos nº 356. 15480 Ferrol.
• Teléfonos: 881 931 315 - 881 931 314 - 698 141 384.
• ferrol@sghn.org

Museo de Historia Natural da SGHN


Web oficial da SGHN:
http://www.sghn.org/index.html

Enviado por:
ASTRONOMÍA
-astronomia@sghn.org-
18 de março de 2015 19:40
_________

Na Galipedia:
http://gl.wikipedia.org/wiki/Eclipse_solar

Na web especial do instituto Xeográfico:
http://www.oan.es/eclipse2015/

O Observatorio Astronómico planea retransmitir as imaxes da evolución do eclipse observado desde Madrid, si as condicións atmosféricas permíteno:

___________________

#Blockupy protesters in Frankfurt (European Central Bank) - #Blockupy, protesta popular, cidadá e anticapitalista, ante a inauguración do novo edificio do Banco central Europeo (BCE) en Frankfurt

Ao Vivo #Blockupy protesters in Frankfurt (European Central Bank)
#Blockupy, protesta popular e cidadá, ante a inauguración do novo edificio
do Banco Central Europeo (BCE) en Frankfurt.


https://youtu.be/S2aOl3e4VXo Iniciado en 18 de marzo de 2015

O grupo anticapitalista #Blockupy, formado a raíz do movemento Occupy Wall Street que xurdiu en 2011, convocara para este mércores unha xornada de protesta, coincidindo coa inauguración da sé do Banco Central Europeo.

Máis de 350 manifestantes detidos. Os axentes de Policía de Frankfurt usaron gases lacrimógenos e canóns de auga para dispersar a manifestantes que estiveron protestando contra as medidas de austeridad impulsadas pola UE e o Banco Central Europeo. O foco da protesta localizouse fronte á sé do BCE, que debía inaugurarse este mércores.

MÁIS INFORMACIÓN: Ir á Web

Mobilizacións Blockupy Frankfurt 18 marzal 2015
07.00hrs - Acción pra arrodear a sede do Banco Central Europeo (Eurotorre)
14.00hrs - Concentración que terá lugar na praza Römer
17.00hrs. - Manifestación con saída dende praza Römer até a Old Opera House

Blockupy.org: https://blockupy.org/
Manifesto: https://blockupy.org/pt-br/4503/chamada-18-de-maro-de-2015-aes-transnacionais-contra-a-abertura-de-gala-do-banco-central-europeu-vamos-tomar-conta-da-festa/
Convocatoria internacional: https://www.youtube.com/watch?v=2sIvcZXmIKI

______________

Avanza a unidade popular nas comarcas do noroeste galego, no Alto Eume constituíse “Xunt@s por As Pontes”

Avanza a unidade popular nas comarcas do noroeste galego, no Alto Eume constituíse “Xunt@s por As Pontes”

Constituída unha iniciativa de unidade popular n'As Pontes co nome de “Xunt@s por As Pontes”, onde se integran en Asemblea Cidadá, persoas con filiación política en Anova-IN, Compromiso por Galicia e Esquerda Unida, algunhas persoas inscritas en Podemos e outras sen filiación política. O pasado sábado 14 de marzo decidiu-se presentar-se ás eleccións locais do vindeiro 24 de maio deste 2015, como unha candidatura de unidade popular aberta a toda a cidadanía que estea disposta a facer política desenvolvendo a participación cidadá, o fomento do emprego, o desenvolvemento sostíbel, a xestión eficiente dos recursos públicos, a defensa do benestar e da igualdade, a defensa da cultura e do patrimonio; a transparencia e  a loita contra a corrupción.  O vindeiro sábado 21 de Marzo, ás 8 da tarde quedaron no Mercado Vello onde terá lugar a xornada de traballo sobre asuntos programáticos e de xestión da iniciativa.

Haberá unha candidatura cidadá nas Pontes
O pasado sábado 14 de marzo tivo lugar a II Asemblea aberta para tratar a posibilidade de presentación dunha candidatura de unidade de cara ás eleccións municipais do vindeiro mes de maio. Finalmente haberá unha candidatura chamada “Xunt@s por As Pontes” na que se engloban organizacións como Anova, Compromiso por Galicia e Esquerda Unida e veciños e veciñas sen afiliación política previa.

Persoas de distinta condición política e social decidimos crear un espazo de encontro, totalmente aberto á xente que sinta a necesidade de participar e facer política doutra maneira. Cremos que só asumindo a nosa responsabilidade cívica e traballando en espazos de confluencia podemos principiar dende os concellos novas formas de facer política.

As propostas programáticas desenvolveranse arredor dos seguintes eixos:

participación cidadá, fomento do emprego, desenvolvemento sostible, xestión eficiente dos recursos públicos, defensa do benestar e a igualdade, defensa da cultura e patrimonio e transparencia e loita contra a corrupción.

Para elaborar a concreción do programa convócase a todos os ponteses e pontesas a unha xornada aberta de traballo o vindeiro sábado 21 de marzo ás 20:00 horas no Mercado Vello, onde poderán expoñer as súas propostas.

As Pontes, 17 de marzo de 2015

“Xunt@s por As Pontes”
xuntosporaspontes@gmail.com

No buscador google: Resultados.
___________________

Colas do fame en "Tierra Hostil", ... -en Venezuela?, ... -non, no, polo de agora, Reino de España

Máis fotos da 'Terra hostil' no, polo de agora, Reino de España e as súas "colas do fame", que a prensa do Capital non quere que se vexan

Insistimos, mentres os partidos tradicionais tratan de centrar o debate político no que ocorre a miles e miles de quilómetros do Estado Español, mentindo, manipulando e enganando descaradamente sobre a realidade daquelas terras, e os grandes medios até mandan aos seus reporteiros a facer programas-show nos cales mostrar todo o que de negativo poden atopar -e deformar de forma sesgada- nesas terras, as imaxes das diversas "colas do fame" e outras moitas similares que a diario se dan neste Estado, son ocultadas de forma sistemática.

Estes que veremos a continuación son só algúns exemplos dos miles que se poderían citar e todo o inmenso material que os medios poderían atopar, si quixesen, para facer un programa sobre a "Tierra hostil" que é hoxe para millóns de persoa o estado español.

O fame, o desemprego, a marxinación social, a pobreza, os desafiuzamentos, son o pan o noso de cada día. Por iso mesmo aos medios do capital interésalles tanto que se fale -e se menta- sobre Venezuela.

Pero estas imaxes, que non o dubiden, aínda que non saian en Antena 3, El País ou o ABC, están na mente de quen as ven, sófrenas e vívenas a diario. E iso non poden ocultalo nin cun millón de mentiras sobre Venezuela.

Venezuela é un país acosado polo imperio, os recursos naturais, sobre todo enerxéticos son codiciados polas grandes multinacionais petroleiras e armamentistas que conforman lobbies que condicionan a todos os gobernos dos Estados Unidos de América. Mais tamén en Venezuela hai unha revolución en marcha coa súa contrarrevolución alentada e pagada polo grande Capital financeiro transnacional que ve no bolivarianismo revolucionario e no socialismo do século XXI unha ameaza aos seus intereses económicos, sociais e ideolóxicos. Hai uns días un intento de golpe de estado foi silenciado polos medios de comunicación convencionais [Ler Máis].

Mais non se trata de Venezuela, trata-se da utilización da manipulacións sistemática do que pasa en Venezuela, para desprestixiar aos movimentos transformadores que avanzan no Estado. Agora presentamos estas imaxens das "Colas do Fame",  mais poderíamos presentar centos ou miles de desafiuzamentos, botando á xente das súas casas; de cargas policiais contra a poboación indefensa que se manifesta pacificamente; de miles, centos de miles de obreiros e obreiras despedidos; cada catro persoas en idade e disposición para traballar unha está desempregada. Nenos e nenas baixo a pobreza estrema, a corrupción galopante que afecta a todas as administracions e principalmente ao partido no gobernos (Parido Popular -PP) .  Continuará ...

As fotos son de Valencia, Sevilla, Alicante, Vigo, Lugo, Santander, Badalona, Madrid, Aviles, Murcia, Toledo, Almería, Alcoy, tenerife, Malaga, Palma de Mallorca, Oliva, Córdoba, Hellín, Gazteiz, ...

Fonte: KaosenlaRed | 18.03.2015


_________________