400 metros

400 metros
[*]

Recibo o mércores 27 de xuño, na sobremesa, unha chamada ao teléfono da casa. Do outro lado unha voz de muller pídeme 5 minutos para respostar a unhas preguntas. Na primeira delas quere coñecer o que para min son os tres principais problemas de Mugardos: "o primeiro a planta de gas". Tivo a súa graza, porque a partir de entón o resto das preguntas estaban claramente direccionadas para obter as respostas desexadas, sen moita marxe para as posturas críticas: que se coñezo o plan de emerxencia de Reganosa, que se a planta de gas creará postos de emprego, que se creo que Galicia precisa dunha industria deste tipo... Pregúntolle para quen é a enquisa e contéstame que ela non o sabe. De risa. Imaxínoo, inda que tanto me ten, había de contestar o mesmo. Pregúntolle entón se se vai interesar sobre o que opino da entrada e saída de buques cargados de GNL na ría, ou sobre o sistema de regasificación con 300.000 m³ diarios de auga do mar. Non, claro. Con todo, a conversa con ela é cordial. É unha curranta, así que facilítolle o traballo e procuro perder o menor tempo posible, que eu tamén teño presa. Ao final unhas pequenas confidencias en off e un "moitas grazas". Falaba galego.

Hoxe aparece na prensa que a Consellería de Presidencia vai aprobar en breve o plan de emerxencia exterior de Reganosa. Entón xorde a dúbida ¿Como carallo me preguntan se coñezo un plan que aínda non existe? E non será por non terllo pedido por escrito ao Alcalde.
Estase a comentar polo pobo que a enquisa fixéronlla aos veciños que vivimos nas proximidades da planta de gas e que incluso nalgúns fogares quixeron sondar a opinión de varios membros. Todo moi natural...

P.D.: Abstéñanse de enviarme correos coaccionantes. Dame a risa con eles.

P.D. 2: O que vedes representado na imaxe de satélite é o límite que marcan os 400 metros "de seguridade" respecto do perímetro de Punta Promontorio. Non son "unha ou dúas casas" precisamente...

_____

Enlace co artigo orixinal no Blog de Cesar Pena

Recomendase entrar no enlace orixinal, ten interesantes comentarios. Ademais todo o Blog é de moito interese.
________
[*]
Tirado do Blog de César Pena
http://artritris.blogspot.com/
[Artritis ou a visión mugardoscéntrica do universo]

"Mugardos, Galicia,

Din que os que nacen e medran nunha vila adoitan ter un apego moi forte a ela, moito máis que quen nace nunha cidade ou quen pasa a vida viaxando. Non vou ser eu quen o discuta"

___________________________

Nota.- En GoogleMaps, podese apreciar mellor o que hai ao redor da Planta Regasificadora que ten REGANOSA en Punta Promontoiro, no concello de Mugardos. Así como o que abrangue o suposto perímetro de seguridade ao que se refire o anunciado Plano de Emerxencias Exterior. Este son os enlaces:

[Planta Regasificadora] - Panorámico global da zona de exclusión que prevee o Plano de Emerxencias Exterior de REGANOSA, segundo o Conselleiro da Presidencia, ... Méndez Romeu que a súa vez é o Presidente da Comisión Galega de Proteción Civil.

[Zona leste de exclusión] Parte da parroquia da Pedreira.

[Zona sur de exclusión] Case toda a parroquia da Pedreira.

[Zona oeste de exclusión] Todo o complexo Químico de Forestal do Altlántico SA e IMEGASA.


Está claro que non se corresponde a realidade co que publica o Diario de Ferrol, na súa edición do 4 de xuño de 2007, atribuíndolle ao Alcade, Xosé Fernández Barcia, o que segue:

" Piden que se negocie cos titulares das vivendas do perímetro de Reganosa
O alcalde de Mugardos, Xosé Fernández Barcia, manifestou onte a súa satisfacción pola aprobación do plan de emerxencias exterior de Reganosa, ó mesmo tempo que lembrou a existencia dunha ou dúas casas habitadas no perímetro de protección de 400 metros que se establece neste documento. REDACCIÓN > FERROL

O rexedor pide á Xunta e a Reganosa a que cheguen a un acordo con estes veciños, e insiste en reclamar o asentamento no municipio dun parque comarcal de bombeiros ou, no seu defecto, dun grupo de intervención rápida. "

O Concello de Mugardos, xa tiña un problema moi importante coa instalación corrupta, ilegal e perigosa de REGANOSA no seu término municipal, que contou co apoio de todos os partidos políticos presentes na corporación, a excepción de EU. Mais agora o problema, é máis tanxíbel, pois a determinación dun perímetro de seguridade ao redor da planta regasificadora afecta a unha parróquia case enteira, A Pedreira, ás casas onde viven moitas persoas que supostamente terían que abandoar, e a un complexo químico que pertence ao Grupo Tojeiro, socio promotor de REGANOSA.
______________________

Enlaces relacionados:

A Comisión Galega de Protección Civil aprobou un proxecto de Plano de emerxencia exterior para a planta regasificadora de REGANOSA

A radio trae as malas novas de que Reganosa (mellor “Regadeles”) vai comezar a funcionar de xeito inmediato
__________________

Enlace co Blog que oferta un número importante de enlaces con noticias que se produzen con respeito á planta regasificadora de REGANOSA
_________________

MOI IMPORTANTE:

Fundamentos e razóns que invalidan técnica e legalmente o asentamento da planta de Gas Natural Licuado (GNL) que está construíndo REGANOSA en Mugardos
______________