Celebración do día da árbore e acto sobre as piscifactorías a debate

De: CARLOS OUTEIRO BAAMONDE -couteiro@hotmail.com-
Para: artabra21@gmail.com
Data: 22 de Marzo de 2007 09:34
Asunto: Celebración do día da árbore e acto sobtre as piscifactorías a debate


Compre facermos un esforzo para garantir un grupo de persoas que nos permita facer o acto un pouco "lucido"
Lembrade a charla de hoxe sobre as piscifactorías (Sargadelos ás 8 do serán)
Prégase rebotedes esta información.

Un saúdo, Carlos Outeiro.
Delegación ADEGA-Trasancos

Celebración do día da árbore ACTO PÚBLICO pola conservación dos nosos ríos

En celebración do día da árbore, a nosa Delegación comprácese en convidala/o a asistir mañá venres 23 de marzo, ás 6 do serán, a unha plantación de ameneiros á beira do río Cádavo, nas inmediacións do Mercado Fenés, detrás do supermercado Eroski (Avda. do Tarrío). Desde eiquí queremos facer un chamamento á participación de todas aquelas persoas interesadas en participar na mellora ambiental da nosa comarca.

Entre os múltiples lugares da nosa comarca onde podiamos realizar este acto consideramos apropriado este por axudarnos a visualizar o carácter reivindicativo que lle queremos imprimir. O estado actual dos nosos bosques de ribeira pode ser mellorado con pequenas e económicas actuacións que nos devolverán multiplicado por 100 o esforzo realizado. Os beneficios asociados a estos entornos pasan por serviren de refuxio a innumerábeis aves, invertebrados e mamíferos, por facer de filtro á contaminación que a miudo temos asociada ás zonas de cultivos, como regulador das condicións térmicas e de luz do río ou, por exemplo, a protección dos taludes das marxes do río. É a nosa actuación un primeiro paso para recuperar este entorno degradado.

Entre as múltiples especies arboreas que conforman a vexetación autóctona da nosa comarca eleximos o ameneiro en consideración aos nosos vellos, os que tanto nos poden aprender sobre unha relación máis sustentábel co noso entorno. Foron os nosos vellos os que nos dixeron cal era a mellor especie cando lle puxeron o nome a esa zona: O ameneiral.

Para realizar a plantación e poder respostar a dúbidas sobre a materia contaremos con Antón Muñiz, especialista no tema e membro da Directiva da nosa Delegación.

Afectuosos saúdos,

Ferrol, a 21 de marzo do 2007

Carlos Outeiro Baamonde Vice-secretario Adega-Trasancos Para máis información: Carlos Outeiro Tlf - 690.30 72 45

Asociación para a Defensa Ecolóxica de Galiza
Pza Camilo Díaz Valiño, 2º A 15704 Santiago de Compostela
Correo electrónico: adega@adega.info
Páxina electrónica: www.adega.info
Tfnos: 981.570099 /619 808662