terça-feira, maio 08, 2007

De novo abortado o intento de entrar na Ría do buque gaseiro Galicia Spirit, con destino á Planta Regasificadora de REGANOSA en Mugardos [08.05.2007]


__________________________________

Hoxe pola mañá o buque gaseiro Galicia Spirit abortou desde un principio o seu intento de entrada na Ría, polo que non sabemos se agardan á chegada de efectivos da garda civil do mar e outros efectivos para abrirse paso ou pretenden outras medidas represivas en terra para conseguir a entrada na Ría hoxe na pleamar da tarde, mais pode ser que REGANOSA non poda facer as probas con gas como así se denuncia desde as fileiras do Comité Cidadán de Emerxencia.

Onte á tarde a resposta cidadán foi importante en apoio do Comité de Emerxencia, mariscadores e mariscadoras, ecoloxistas e outras organizacións sociais que se desplazaron en embarcacións até a bocana da Ría para impedir a entrada do buque gaseiro. Foron máis de 350, as persoas que se desplazaron até o peirao de Ferrol para manifestar o seu rexitamento ante o intento de REGANOSA coa complicidade das autoridades locais, autonómicas e centrais, de meter o buque gaseiro na Ría.

Non sabemos o que pode pasar hoxe á tarde, mais está convocada unha nova concentración ás 19:30 hrs no peirao de Ferrol, para quen estexa disposto a ir en lancha, pois pode facelo, non hai sitio para todo o mundo mais o que queira ten que estar antes das 19:30 hrs na zona do peirao deportivo. A concentración cidadán será ás 8 da tarde.

A razón está con nós, mais a mobilización popular é fundamental para virar as posicións políticas de defensa de REGANOSA de influintes dirixentes políticos dos partidos do abano parlamentar e o desproposito que significa situala dentro da Ría, calquer persoa cun mínimo de intelixencia sabe que non hai ningunha xustificacíón racional que explique o actual emprazamento de REGANOSA dentro da Ría, a non ser o mero negocio especulativo que non só contou co apoio político e económico da administración Fraga-Aznar, senón que os Concellos de Mugardos e As Pontes, gobernados polo BNG e do conxunto dos partidos que teñen representación no actual Parlamento Galego PP, PSOE e BNG, consideran estratéxica a planta regasificadora de Mugardos para Galiza, sen importarlles que é un perigo potencial iminente e tráxico, para o conxunto da populación que vive ao redor da Ría de Ferrol.

Se esta planta é tan estrátéxica como para poñer en perigo a máis de 100.000 persoas, como é que está en mans privadas e a súa continuidade está ao arbitrio dos debatares bolsísticos e de OPAS das grandes multinacionais financieras e da enerxía. Seguimos tendo uns partidos políticos acomplexados e irresponsábeis, cuns dirixentes políticos que perderon toda perspectiva dunha realidade cruda e que é necesario collela con valentia e honestidade, sen deixarse exclavizar polo capital comprador de vontades, usurero e depredador, neste caso da nosa Ría e das nosas vidas.

Hoxe a nosa PA21 tiña organizada unha Mesa Redonda pola tarde no Ateneo Ferrolán, a cal decidimos aplazala para máis adinte dandolle prioridade ás mobilizacións convocadas polo Comité Cidadán de Emerxencia.

Desde a Plataforma Ártabra 21 chamamos á mobilización popular e a secundar a convocatoria do Comité Cidadán de Emerxencia para a Ría de Ferrol, para hoxe 8 de maio, ás 8 da tarde no peirao de Ferrol.

Enlace coa Galería Fotográfica nos Arquivos Ártabros
[38 fotografías de Alberto Saavedra da Asoc. Vec. Ferrol-Vello]

________________

____

De: CCE -comitecidadan@iespana.es-
Para: artabra21@gmail.com
Data: 8 de Maio de 2007 07:07
Asunto: Abortado por segunda vez a entrada dun primero gaseiro para Reganosa


Achego vos envio unhas fotos do boqueo esta mañá do gaseiro Galicia Spirit no seu primeiro intento (abortado) ás oito da mañá, hora da primeira plealmar diurna, de entrar na Ría de Ferrol para descargar GNL nas instalacións que constrúe Reganosa, son o pretexto de probas de funciónamento para as que Reganosa non ten autorización, entre outros motivos porque non ten terminadas as obras quie segun os promotores estan practicamente terminadasd, pero que no Ministerio de Industria non constan como terminadas.

Pero ademas Reganosa ten unha utorización de construcción irregular cuns condiciónados que non ten resoltos, algúns deles son imposibels de resolver, como a distancia á población e a saída de urxencia de buques gaseiros, tal e como se di nos escritos que o venres pasado entregáronse por rexistro ao Capitan Maritimo Jorge Cao, ao Presidentel da Autoridade Pôrtuaria Amabel Dopico e ao Delegado de Goberno Manuel Ameijeiras, que tamén achego, advertíndolles que deberían prohibir a entrada do buque gaseiro cargado de GNL que Reganosa pretendia para estes dias, sen tgarantias de que poida polos seus medios e á maior rapidez posibel como esixe a norma EN-1532.

Somente pola ameaza á población próxima e pola imposíbel saída de urxencia sería unha ilegalidade e unha irresponsabilidade que ese gaserio cargado de GNL entrase na Ría de Ferrol. Por iso o Comité Cidadán de Emerxencia e os mariscadores que coas súas lanchas axudaron ao bloqueo do Galicia Spirit esta mañá estiveron defendendo a legalidad e o seguinte paso deberia ser que as autoridades competentes prohiban a entrada de buques gaseiros na Ría de Ferrol onde entraron buques gaseiros en lastre ou vacios para reparar pero nunca entrou un gaseiro cargado de GNL.

Na baixa mar do luns ás 14:01 entrou o buque gaseiro Madrid Spirit en lastre é dicir sen carga con destino a Navantia para reparar. Ao non ter carga puido entrar ás dúas da tarde no momento de baixamar con marea parada según requiren as normas de navegación da Ría de Ferrol (mentres baixa ou sobe o mar hai unhas fortes correntes na canle duns 4 kilometros de longo por uns douscentos cincuenta metros de ancho). É un buque gaseiro gemelgo do Galicia Spirit, ambos propiedade de Fenosa e construídos en Corea.(?)

O nome de Galicia Spirit, para os habitantes de Ferrolterra é un insulto sarcastico, dunha parte por ser construído en Corea cando na Ría de Ferrol hai astilleros capaces para construír eses buques, Doutra banda o que queira entrar con ese nome na Ría de Ferrol cunha carga que ameazaría á vida humana e para unhas instalacións que tamén amenazarian a riqueza marisquera da Ría.

En canto a que o Conselleiro de Industria di que Reganosa ten todos os permisos, é que non se decata e aconséllaselle que lea a documentación que lle entregamos fai un ano ao Director Xeral de Industria Anxo Calvo Silvosa, no canto de repetir o que lles contan os promotores de Reganosa quen en ata nos tribunais dixeron que na Ria de Ferrol esta habituada á entrada de gaseiros, unha falsedad indicativa da irresponsabilidad de quen pretenden poñer en funciónamento unha instalación perigosa e escúdanse en dicir que é moi segura, cando nos estandares actuais da industria non é suficiente dicir que é segura, pois hai que acreditalo e Reganosa non acreditou que sexa segura, nin seguise terminou a obra e por iso non pode ter autorización de funciónamento.

O Galicia Spirit volvio a fondear na Ría de Ares, despues dun segundo intento tambiern abortado ás 20,15, hora da pleamar diurna do dia 7 de maio de 2007. Mentres siga fondeando na Ria de Ares eds que non abandola a idea de novos intentos de entrar nas seguintes pleameres diurnas. (Un barco dos seus dimensións e cargado só pode entrar ou saír coa pleamar diurna.


As pleamares dirnas seguintes son:
Martes 8 de maio ás 08:48, (1ª do dia )para ir nas lanchas hai que estar no peirao ás 07:14, para apoiar desde o peirao ás 08:00.
Martes 8 de maio: ás 21:10, (2ª) a esa hora xa esta posto o sol, non debería entrar pero pode intentalo, para ir nas lanchas hai que estar no peirao ás 19:30, para apoiar desde o peirao ás 20,15.
Mércores 9 de maio, ás 09:52, unica pleamar diurna: para ir nas lanchas hai que estar no peirao ás 07:45 , para apoyra desde o peirao ás 08:30

Saúdos cordiais
Carmelo Teixeiro

Comité Cidadán de Emerxencia para a Ría de Ferrol

_________

Fotografías do bloqueo do Galicia Spirit antes da bocana da Ría de Ferrol

Para ampliar clicar acima da foto






___________________

1 comentarios so far

Estos días el pueblo de Ferrol está dando una lección de valentía.
Se quiere poner en marcha,con una política de "hechos consumados" una planta de gas dentro de la ría de Ferrol que incumple las normativas de seguridad y medioambientales, y también se quiere permitir la circulacion de metaneros cargados por la ría de Ferrol que también es ilegal.
Los mariscadores de Ferrol , el Comité Cidadan, plataformas sociales (Artabra 21,..),multitud de colectivos ecologistas, grupos políticos y sociales, y personas a título individual, están realizando una gran hazaña al "parar" la entrada "ilegal" del gasero con el peligro que acarrearía para la población y dando un ejemplo increible a la sociedad y a los poderes públicos.
La lucha que se está llevando en Ferrol desde hace 8 años por este tema, sigue recogiendo sus frutos.
¡Enhorabuena Mariscadores , Comité Cidadán , todos los colectiovos que estamos/estáis en la lucha y pueblo de Ferrol!
Un abrazo
Antonio García


Por favor, o contido do seu comentario debe estar relacionado co asunto do artigo.

Prega-se o maior respecto coas persoas, polo que ataques persoais e insultos serán eliminados.

Por favor, non use os comentarios, só para facer propaganda do seu sitio ou será eliminado.
EmoticonEmoticon