mércores, maio 09, 2007

Pola demissom de Manuel Ameixeiras: nem um voto para os repressores do povo!

De: Nosup-trasancos -nosup-trasancos@nosgaliza.org-
Para: artabra21@gmail.com
Data: 9 de Maio de 2007 13:30
Asunto: Pola demissom de Manuel Ameixeiras: nem um voto para os repressores do povo!


A Assembleia Comarcal de Trasancos de NOS-Unidade Popular quer somar-se às vozes que de diversas entidades do movimento popular tenhem reclamado a imediata demissom do representante do governo espanhol na Galiza, Manuel Ameixeiras.

Esse sinistro personagem tem já acumulado suficientes actuaçons repressivas contra o nosso povo como para termos que continuar a aturar a sua chuleria espanhola. A agressom de hoje às pessoas concentradas no porto de Corujeiras de Ferrol é só um novo capítulo do seu já extenso historial repressivo.

Porém, as responsabilidades políticas devem apontar mais alto, ao PSOE e ao BNG, co-responsáveis máximos do projecto irracional de planta de gás no coraçom da ria de Ferrol. Se bem é certo que foi o PP o primeiro que concebeu esse engendro ao serviço dos lobbies financeiros e empresariais que configuram Reganosa, na actualidade é o bipartido à frente da Junta o que está a manter o rumo dos planos da burguesia mais predadora.

Em concreto, exigimos ao conselheiro da Indústria e integrante do Comité Central da Uniom do Povo Galego (UPG), Fernando Branco, que esclareça se apoia, nom só a estratégia empresarial e institucional de Reganosa, mas também a estratégia policial e repressiva contra o movimento popular que, ao contrário dele e da sua força política, nom se vendeu ao capital empresarial e especulador de Tojeiro e companhia.

NÓS-UP quer chamar à reflexom do povo trabalhador perante as iminentes eleiçons municipais: nem a direita espanhola, iniciadora do projecto de Reganosa, nem a falsa esquerda vendida, defenderám os interesses da maioria. Som todos iguais, e nengum deles merece os nossos votos.

Queremos expressar também a nossa solidariedade às pessoas agredidas e feridas pola actuaçom das forças repressivas.

O caminho é continuar a organizar os sectores populares, caminhar para a unidade e conformar forças próprias ao serviço do povo trabalhador, que no futuro podam dar também a batalha no plano eleitoral.

A ria é nossa, nom de Reganosa!

PSOE, BNG, PP: a mesma merda é!

Assembleia Comarcal de Trasancos de NÓS-Unidade Popular

Ferrol, 9 de Maio de 2007


Por favor, o contido do seu comentario debe estar relacionado co asunto do artigo.

Prega-se o maior respecto coas persoas, polo que ataques persoais e insultos serán eliminados.

Por favor, non use os comentarios, só para facer propaganda do seu sitio ou será eliminado.
EmoticonEmoticon