Esquerda Unida-IU ven de presentar unha batería de preguntas no Congreso dos Diputados acerca dun conxunto de subvencións concedidas ao grupo Tojeiro

De: eu-ferrolterra@esquerdaunida.org
Para: artabra21@gmail.com
Data: 15 de Junho de 2007 11:50
Asunto:b Esquerda Unida-IU ven de presentar unha batería de preguntas no Congreso dos Diputados acerca du n conxunto de subvencións concedidas ao grupo Tojeiro


Esquerda Unida-IU ven de presentar unha batería de preguntas no Congreso dos Diputados acerca dun conxunto de subvencións concedidas ao grupo Tojeiro

O goberno Aznar concedeulle ao Grupo Tojeiro subvencións por un importe de máis de 11.500 millóns das antigas pesetas, ao redor de 70 millóns de euros; subvencións que se ligaban a uns compomisos de investimento empresarial duns 44.000 millóns de pesetas e de 331 postos de traballo.

A nosa organización presentou unha batería de preguntas para indagar o grao de cumprimento dos compromisos adquiridos. A continuación segue o texto das preguntas presentadas no rexistro do Congreso dos Diputados

Á MESA DO CONGRESO DOS DEPUTADOS

No marco dos incentivos rexionais aprobados para a área funcional de Ferrol entre 1995 ? 1998, o Grupo Tojeiro (promotor da planta de gas e da súa actual localización dentro da ría de Ferrol ) viu concedidos sete expedientes, correspondentes a un investimento total de 44.450 millóns das entón pesetas, e obtendo unha subvención polo importe de 11.557 millóns; subvención que viña ligada á creación de 331 postos de traballo.

A resolución de 10 de setembro de 1997 da Secretaría de Estado de orzamentos e gastos fai público o acordo da Comisión Delegada do Goberno para Asuntos Económicos pola que se resolven os expedientes de solicitude de incentivos rexionais previstos na lei 50/ 1985, e reflexa , pois, os expedientes concedidos ao Grupo Tojeiro :

código-exped./empresa/localización/Investimento(en de millóns-ptas.)/Subvención(en millóns-ptas)/emprego

C/447/P05 Sociedade 1 As Pontes -- 15.295 ---- 3.976 -- 50
C/448/P05 Sociedade 2 As Pontes ---- 6.892 ---- 1.791 -- 50
C/449/P05 Sociedade 3 As Pontes ---- 6.118 ---- 1.590 -- 50
C/450/P05 Sociedade 4 As Pontes ---- 4.370 ---- 1.136 -- 50
C/451/P05 Sociedade 5 As Pontes ---- 3.596 ------- 934 -- 50
C/452/P05 Sociedade 6 As Pontes ---- 1.624 ------- 422 -- 31
C/453/P05 Sociedade 7 As Pontes ---- 6.555 ---- 1.704 -- 50

Polo exposto,

Ao amparo do establecido no Regulamento da Cámara preséntanse as seguintes preguntas dirixidas ao Goberno, para as que se solicita resposta escrita:

• Coñece o Goberno do cumprimento dos compromisos aos que estaban vinculadas as subvencións concedidas ao Grupo Tojeiro?
  

• Que documentos obran en poder da administración que certifican que foron cumpridos polo Grupo empresarial Tojeiro os compromisos que diron lugar á subvención referida?
  

• Que medidas vai adoptar o Goberno de constatarse que non foron satisfeitos os obxectivos de emprego recollidos na petición das subvencións?

______________________________