Hoxe agardase a entrada dun novo gaseiro cargado con GNL, para a ilegal e perigosa REGANOSA, vai ter que facelo en pleamar diurna por unha estreita bocana da Ría de apenas 150 m de largo navegabeis e uns 4.000 m de longo até pasar os castelos de San Felipe e A Palma. Catro remolcadores, varias lanchas de amarre, dúas de practicos e unha patrullerea da Guardia Civil do Mar, participaran na costosa e perigosa maniobra.
O Comité Cidadán de Emerxencia ten convocada unha protesta ante a entrada deste buque, como asi ven facendo perante máis dun ano, cada vez que entra un buque gaseiro, para lembrar o grande despropósito gasístico que nos impuseron o negocieiro Sr.Tojeiro, o seu grupo empresarial GADISA, os seus socios transnacionais ENDESA e UNION FENOSA, ...Caixa Galicia, ... a anterior administración Fagra-Aznar e os continuistas "progresistas" do bipartito na Xunta de Galicia. Hoxe, Sábado 7, ás 7 da Tarde hai unha nova cita [sonora e vermella] diante do Edificio Administrativo da Xunta en Ferrol, para desplazarnos en manifestación até a Praza do Concello, onde hai un peche de voluntari@s do do movimento opositor á Planta de Gas, desde o pasado martes.
O Domingo, 7 de Xuño de 2008, agardamos unha importante Manifestación en Ferrol, convocada polo Comité Cidadán de Emerxencia para a Ría de Ferrol e apoiada por numerosos colectivos da Comarca e outros do resto de Galiza ligados à Rede Galiza Non Se Vende que xa amosou o seu apoio á mobilización cun comunicado público e facendo un chamamento á participación.
Neste momento, a pesar da campaña propagandística de REGANOSA apoiada mediatícamente, sobre todo polo Grupo Voz, con lindezas do estilo de "El gas alumbra a la mitad de Galicia", non poden ocultar dúas novas que veñen a reforzar ao movimento opositor a REGANOSA, como són:
- O Comité Cidadán de Emerxencia pola Ría valorou hoxe o fallo do Tribunal Superior de Xustiza de Galicia que dá a razón aos veciños fronte a Reganosa ao entender que a modificación puntual do PGOM de Mugardos, que permitiu a localización da planta, debía incluír unha declaración de impacto ambiental polo cambio de usos no chan.
- A Comisión de Peticións da Unión Europea admitiu a trámite a petición presentada polo eurodiputado de Esquerda Unida (EU) Willy Meyer en decembro de 2007, na que esta formación solicita que se investigue a legalidade da planta de gas de Mugardos.
Comunicado Público
A Xunta Coordinadora da Plataforma Ártabra 21, acordou apoiar incondicionalmente a actitude do Comité Cidadán de Emerxencia, recluído no Concello de Ferrol, en protesta pola instalación da Planta de Gas de Reganosa no interior da ría ferrolá.Ademais da agresión medioambiental á ría, do perigo para todos os seres vivos, e da ilegalidade que representa a instalación desa planta, incumprindo as normas de distancia a lugares habitados e de liberdade de manobra para os buques gaseiros, agora temos que aturar a provocación e o insulto á cidadanía que supón, a ampliación da súa capacidade regasificadora e o conseguinte aumento de entrada de buques gaseiros cargados, o que supón un grande aumento do risco que xa agora existe.
Chamamos ós membros desta Plataforma, e á cidadanía en xeral, para asistir á manifestación convocada polo Comité Cidadán para o Domingo 8 ás 12 h. desde o peirao de Ferrol.
__________
Manifestación desde o Porto de Ferrol
8 DE XUÑO, ÁS 12 DO MEDIODÍA
Descarga o PDF do Boletín nº14
http://na-defensa-da-ria-de-ferrol.blogspot.com/
________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon