De: Nosup-trasancos -nosup-trasancos@nosgaliza.org-
Para: artabra21@gmail.com
Data: 8 de agosto de 2008 14:51
Assunto: As nossas festas nom som nossas: NÓS-Unidade Popular reclama umhas Festas de Verao galegas e participativas em Ferrol
As nossas festas nom som nossas: NÓS-Unidade Popular reclama umhas Festas de Verao galegas e participativas em Ferrol
Como claramente insuficiente deve ser avaliada a orientaçom dada pola actual equipa de governo às Festas de Verao, em relaçom ao conteúdo galego e popular das mesmas. O claro predomínio de espectáculos e actuaçons de grupos espanhóis e em espanhol volta a fazer do nosso idioma e da nossa cultura um elemento auxiliar e periférico, o que di muito das forças políticas que decidírom a programaçom.
É verdade que se incluem alguns conteúdos em galego –só faltava!– e até algum concerto de música lusófono, o que sempre deve valorizar-se positivamente. No entanto, a hegemonia esmagadora de figuras mediáticas do panorama musical espanhol volta a configurar um programa de festas empobrecedor que limita os horizontes da nossa cultura, nomeadamente a musical, aos êxitos comerciais no mercado madrileno.
A todo o anterior, devemos acrescentar a nula participaçom da vizinhança da elaboraçom do programa, que é, mais umha vez, apresentado à última hora e de maneira unilateral polo Governo municipal conformado polo PSOE e IU.
De NÓS-Unidade Popular voltamos a insistir na necessidade de que as Festas de Verao, tal como as actividades organizadas ao longo do ano sob patrocínio municipal, tenham em conta três cousas importantes.
- A primeira, que Ferrol é um concelho galego, e que a Galiza tem cultura musical, teatral e de todo o tipo com suficiente entidade para que os nossos grupos, dos mais diversos estilos e géneros artísticos, protagonizem os principais espectáculos das Festas de Ferrol.
- A segunda, que, junto ao necessário protagonismo do nosso sistema cultural, Ferrol é um concelho capaz de olhar para o mundo sem filtros madrilenos. Se o governo municipal entendesse e assumisse isso, deixaria de olhar para as estrelas do firmamento espanho e traria artistas de todo o mundo, com destaque para os e as do nosso ámbito lingüístico.
- E a terceira, que as Festas devem responder à vontade e à participaçom democrática do povo de Ferrol. O Governo deveria convocar as entidades do concelho para que a orientaçom final das festas respondesse à participaçom activa do povo, num exercício de democracia participativa que hoje nom existe.
Assembleia Comarcal de NÓS-Unidade Popular em Trasancos
Ferrol, 8 de Agosto de 2008
____________
Enlace co Programa de Festas de Ferrol en formato -pdf-
___________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon