En Ferrol, o 12 de Agosto de 1975, caía en combate Ramón Reboiras Noia "Moncho", militante da UPG, organización política que hoxe forma parte do BNG e foi o seu importante alicerce. Xa van 33 anos dun feito histórico que se conmemora con actos de carácter político na nosa cidade e noutros pontos da Galiza, pola súa importáncia e interese achegamos o publicado no xornal dixital GZnación e unha nota enviada por Nós-Unidade Popular.
Homenaxes a Moncho Reboiras no 33 aniversario do seu asasinato
[GZnación / Redacción / 11 Ago 08]
Serán dous actos case simultáneos, os dous en Ferrol, mais cunha única proposición: a de homenaxear ao militante de Unión do Povo Galego Xosé Ramón -Moncho- Reboiras Noia cando se cumpren 33 anos do seu asasinato, un 12 de agosto do ano 1975 a mans da policía franquista no portal número 27 da rúa da Terra en Ferrol.
Un dos actos está organizado precisamente polo partido no que militaba, Unión do Povo Galego, que vén de convocar para este martes a unha unha concentración na Praza de Armas a partir das 19:30 horas, cita que pretende converterse nunha marcha con fin no portal da rúa da Terra onde foi abatido Reboiras. No lugar, farase “unha ofrenda floral” e cantarase a Internacional”, informa a UPG nun comunicado.
Ademais, e ao remate, os asistentes desprazaranse a pé até o Cantón onde se desenvolverá un “acto político central”, ás 19:45 horas, que contará coa participación de Roi García Camba. Secretario Xeral da Unión da Mocidade Galega (UMG), Ana Vérez Gómez. membro do Comité Central da UPG e Francisco Rodríguez, secretario Xeral da UPG.
Nós-UP
Alén da cita da formación UPG, existe outra convocatoria, esta vez a cargo de Nós-UP de Trasancos, para honrar á memoria de Moncho Reboiras. A partir das 20:30 horas haberá un acto homenaxe na rúa Terra, que contará coa intervención de Bruno Lopes Teixeiro, responsábel Nacional de Organización, e dunha militante da organización xuvenil BRIGA. O acto finalizará cunha ofrenda floral e a colocación dunha placa conmemorativa.
Enlace coa noticia orixinal
De: Nosup-trasancos
-nosup-trasancos@nosgaliza.org-
Para: artabra21@gmail.com
Data: 11 de agosto de 2008 12:57
Assunto: 12 de Agosto XXXIII aniversário do assassinato do Moncho Reboiras
12 de Agosto XXXIII aniversário do assassinato do Moncho Reboiras
Mais um ano, as companheiras e companheiros da Comarca de Trasancos convocam actos em lembrança do militante comunista, José Ramom Reboiras Noia, Moncho Reboiras, no XXXIII aniversário da sua morte sob as balas fascistas da policía espanhola em Agosto de 1975. Moncho foi um dos principais impulsores da luita pola libertaçom nacional, pioneiro da organizaçom sindical e de classe, dirigente comunista, todo um exemplo de coerência revolucionária e atitude combativa até os seus últimos dias.
Sob a legenda “Moncho Reboiras: A luita é o único caminho”, na próxima terça-feira dia 12 de Agosto, terá lugar às 20.30 horas umha concentraçom convocada por NÓS-Unidade Popular no lugar onde Reboiras foi assassinado, na rua da Terra de Ferrol. Ali terá lugar umha homenagem que contará com as intervençons de Bruno Lopes Teixeiro, Responsável Nacional de Organizaçom e dumha militante da organizaçom juvenil BRIGA. O acto político completará-se com umha oferta floral e a colocaçom dumha placa em lembrança do jovem revolucionário.
____________________
Enlaces Relacionados:
- Acto da UPG programa en formato -pdf-
- Caderno conmemorativo en homenaxe a Moncho Reboiras en formato -pdf-
- Moncho Reboiras
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon