Blanca Eekhout, presidenta de Vive TV, falará en Vigo, Santiago e Ourense da situación de Venezuela, invitada polo Clube Internacional de Prensa

ÚLTIMA HORA:

CAMBIO DE CONFERENCIANTE

Bo día.
Adxunto remito invitación á Conferencia que CARLOS TABARES, director de
contidos da tv estatal venezolana ViVe, levará a cabo o MÉRCORES DÍA 5 DE
DECEMBRO ÁS 8 DA TARDE, NA SEDE DA FUNDACIÓN CAIXA GALICIA EN SANTIAGO, rúa
do Vilar 19. O título da Conferencia é: "VENEZUELA: DO EXTRAORDINARIO Ó
COTIÁN". Será presentado por Manoel Santos, director de "Altermundo".

O conferenciante sustitúe á anteriormente anunciada, Blanca Eekhout, por
razóns alleas á nosa vontade.

A conferencia forma parte do Ciclo "América Latina: Presente Indicativo",
do C.I.P.
Moitas gracias e un saúdo cordial.
Carmen Carballo

(See attached file: CV_e_SINOPSE_CARLOS_TABARES.doc)
(Embedded image moved to file: pic18650.jpg)

Carmen Carballo
Directora Club Internacional de Prensa
club.inter.prensa@xunta.es
www.clubinternacionaldeprensa.org
981 54 59 50 / 49



______________

De: lupe ces -lupeces@gmail.com-
Para: artabra21@gmail.com
Data: 26 de novembro de 2008 22:24
Asunto: BRANCA EEKHOUT, PRESIDENTA DE Vive TV, FALARÁ EN VIGO, SANTIAGO E OURENSE DA SITUACIÓN DE VENEZUELA, INVITADA POLO CLUB INTERNACIONAL DE PRENSA DE GALICIA


BRANCA EEKHOUT, PRESIDENTA DE Vive TV, FALARÁ EN VIGO, SANTIAGO E OURENSE DA SITUACIÓN DE VENEZUELA, INVITADA POLO CLUB INTERNACIONAL DE PRENSA DE GALICIA

A conferencia da activista comunitaria venezolana, impulsora das emisoras comunitarias, saca á luz "o que os Medios ocultan" coa súa conferencia "Venezuela: cando o extraordinario faise cotián"

O acto celebrarase en Vigo, Santiago e Ourense os días 2, 3 e 5 de decembro respectivamente

Santiago, 27 novembro 2008


Blanca Eekhout, presidenta e fundadora da tv estatal venezolana Vive TV, ofrecerá unha conferencia itinerante -en Vigo, Santiago e Ourense- para falar sobre "Venezuela: cando o extraordinario faise cotián", pondo de manifesto "o que os Medios de Comunicación ocultan" sobre a realidade do país bolivariano. Os actos -que se enmarcan no Ciclo do CIP- "América Latina: Presente Indicativo", terán lugar nas seguintes datas:

• día 2 de decembro, en Vigo (Auditorio do Areal);
  

• día 3 de decembro en Santiago (sede da Fundación Caixa Galicia, rúa do Vilar 19),
  

• e o 5 de decembro en Ourense, no Salón de Actos do Centro de Desenvolvemento de Caixanova (Avda. de Pontevedra 9).
  

As conferencias serán presentadas por Roberto Mansilla -do Igadi-, Manoel Santos -director de Altermundo-, e Marcos Valcárcel, respectivamente.

Blanca Eekhout -que participa tamén nas Xornadas- "O futuro da industria da Comunicación" na súa última sesión do 4 de decembro, xunto ao profesor Jesús Timoteo-, é Licenciada en Arte, especializada en Cine; Presidenta Fundadora da Televisora do Estado Vive TV; membro da Comisión Presidencial Moral e Luces, e activista comunitaria e comunicadora popular. Desempeñouse como Presidenta da Canle do Estado Venezolana de Televisión (VTV). Fundadora e Directora da Televisora Comunitaria do Oeste -Catia Tve-. Fundadora da Casa da Cultura Simón Rodríguez e do Cine Club Manicomio. Fundadora do Centro de Cultura Cinematográfica Lanterna Máxica.

"Esta Revolución fixo cotián o imposible"

Para Blanca Eekhout, "a Revolución Bolivariana fixo transformacións estruturais significativas, con importantes avances políticos, económicos e sociais; no entanto, a mentira mediática e a permanente agresión imperial, pretenden impedir que estes avances sexan exemplo e esperanza para moitos pobos que aínda seguen controlados polas ditatoriais leis do sacrosanto mercado. Venezuela atreveuse a soñar un mundo non ditado polo pensamento único, iniciando un cambio histórico baseado na necesidade impostergable de lograr a supervivencia do noso pobo, a soberanía da nosa patria e a unidade da nosa América".

Fará tamén referencia á Constitución "da República Bolivariana de Venezuela, que se converteu nunha ferramenta, non para o control e a submisión do pobo, senón para a liberación e o desenvolvemento do poder popular. Unha lexislación orientada a construír unha sociedade máis xusta, igualitaria e solidaria que, dentro dunha concepción de corresponsabilidade Sociedade-Estado, sexa capaz de garantir o benestar social e o desenvolvemento pleno e digno da vida de todas e todos. Ademais, a estratexia de loita definida é a loita pacífica e democrática, baseada na participación activa das amplas maiorías nacionais excluídas e postergadas durante a falsa democracia, a democracia representativa presente durante toda a historia da República".

Para a presidenta de Vive TV: "a pesar da guerra mediática, a sabotaxe, a inexperiencia, as contradicións internas, e as enormes limitacións dun aparello de Estado desmantelado e controlado por intereses estranxeiros imperialistas case desde a súa fundación, esta Revolución fixo cotián o imposible e neste mundo onde todo compra e véndese, nosotr@s: -garantimos a gratuidade da saúde, da educación, da seguridade social e a seguridade alimentaria. Igualmente, lexislouse para garantir o acceso á vivenda para todas e todos os venezolanos, a defensa do medioambiente, o desenvolvemento agroecológico e socioproductivo fortalecendo a independencia e soberanía en áreas estratéxicas e contando para iso, coa participación protagónica dos Consellos Comunais (órganos directos do Poder Popular) na implementación desta política. desenvolvemos ademais, unha política internacional de integración, solidariedade e cooperación entre os pobos, onde as experiencias das misións sociais compartíronse cos pobos irmáns e foron ferramentas fundamentais para resolver as enormes dificultades en saúde e educación. Igualmente hoxe, os nosos recursos enerxéticos ponse ao servizo dos pobos con menos recursos e máis necesidades. Finalmente, somos exemplo de que se iniciou un cambio de época en América Latina e definitivamente, outro mundo é posible- "

Outros datos sobre Blanca Eekhout

Cofundadora da Escuela Comunitaria del Documental, participou na creación do Noticiero Internacional de Barrios no ano 2001. Desempeñouse como Profesora na Cátedra de Cinematografía da Escuela de Artes de la Universidad Central de Venezuela no ano 2002. Membro da Comisión Presidencial para el Diálogo 2002. Participou na elaboración do Regulamento de Radio y Televisión Comunitarias. Membro da Rede Mundial de Intelectuais e Artistas en Defensa da Humanidade. Relator no Seminario Internacional "A Humanidade Fronte ao Imperialismo", en Defensa da Humanidade.

Relatora no Seminario Internacional ALADI- FLACSO 2007 no Ecuador. Relatora na "Mostra Latinoamericana de Culturas Populares en Brasil 2008" convocada polo Movemento Sem Terra, (MST). Relatora no ciclo de conferencias no marco dos actos conmemorativos do 197 aniversario da Firma do Acta da Independencia en Quito- Ecuador.

Carmen Carballo
Directora Club Internacional de Prensa
www.clubinternacionaldeprensa.org
981 54 59 50 / 49

________________

Lupe Ces Rioboo
981946412/652201003
http://lupeces.blogspot.com/
__________