O Courel está pechado pola neve, sen luz e teléfono, desde hai máis de 24 horas

[Foto: Seara - Moncho http://www.panoramio.com/photo/6028868]

De: SOS Courel -soscourel@mundo-r.com-
Para: artabra21@gmail.com
Data: 30 de novembro de 2008 13:22
Asunto: O Courel está pechado pola neve, e sen luz e sen teléfono

Mentres moitos políticos galegos e os seus amigos de Valdeorras están esquiando a máis de 2500 ou nun balneario o quente, o Courel está pechado por a neve, ao non poder transitar por os portos de paso obrigatorio, algúns deles de menos de 900 metros. Calquera pode entender a zozobra da xente con problemas de saúde ou que ten nenos, neste concello tan rico e tan pobre.

O feito de que non haxa luz, inutiliza a telefonía móbil por deixar de funcionar os repetidores ou ao non poder cargar as baterías, sobre todo aquelas persoas que non dispoñen de cargador de coche, ou non teñen coche.

Esta asociación ben denunciando dende fai anos a vergoñenta asistencia sanitaria de emerxencias no Courel, así como a problemática das estradas, que son diseñadas, non para o servizo dos veciños, senón para os intereses dos Concellos veciños, con máis votantes, ou intereses de industrias terceiromundistas en decadencia e ruína.

Non é tan importante mencionar agora, que o courel quedou baleiro de visitantes, que tiñan reservado dende fai meses, e hoxe puideran estar desfrutando do Courel.

Pero xa sabemos o final desta historia macabra, como xa ten pasado noutras nevadas, despois de horas ou días de suspense dramático, aparecerán os heroes oportunistas, e quitando a neve das estradas as super excavadoras das famosas industrias desta Serra , ás que os sucesivos gobernos axudan despoboando as aldeas para que non teñan estorbos.

Saúdos

Orlando Gregorio Álvarez
En representación de SOS Courel
Teléfono 607 22 58 87
_________________

Nota de prensa da Asociación Ecolóxico-Cultural SOS Courel
NIF G27362474
http://soscourelsos.blogspot.com/
soscourel@mundo-r.com
_____________________