Xurdimos a favor dunha política xusta, democrática, participativa e sustentábel, responsábel cara o futuro da humanidade e do resto das especies, respectuosa e defensora do medio natural, na convicción de que un outro mundo non só é posíbel senón que é necesario.
O vindeiro Xoves 18 de Novembro, ás 8 da Tarde, vai ter lugar unha charla no concello d'As Pontes, en Casa do Peso, sobre "Mineiría e impactos Socioeconómicos - Proxectos irreversibeis - Casos: Pico Vello e O Courel"
Participarán na Palestra:
Xoán Ramón Doldan, Professor de Economia Aplicada da USC
Orlando Álvarez, de SOS Courel
Organizada por: ADEGA, AMAL, Clube Montaña Ferrol, Colectivo Ártabra 21, Colectivo Fusquenlla, Comité pola Defensa das Rías Altas, Coordenada 00°00'00" Drosera, Federación Ecoloxista Galega, Guerrilleiros d'As Fragas, Grupo Naturalista Hábitat, Lapis Verdes, Blogue Lapis Verdes, Néboa Medio Ambiente, O Rabo do Galo, Saramaganta, SGHN.
Enrique-Fundacion -ebanet@fundaciongaliciaverde.org- 15 de abril de 2009 00:03
O COUREL
Esta Semana Santa estivemos no Courel e quedamos abraidos pola diversidade das cores, impresionados polas luces marabillosas do comezo da Primavera, polas caprichosas formas dos vellos castiñeiros do souto da aldea de Vilar.
[Todas estas fotos pertencen a fotogramas do vídeo que estamos gravando en HD - Mabel Rivera & Henrique Banet]
No Alto do Couto sorprendeunos unha forte nevarada que achegará auga aos resecos vales, onde as abellas comezan a libar na procura do saboroso mel das flores nas que puidemos apreciar as máis intensas fragancias.
Sendo O Courel un paraíso, non habería que protexer tanta biodiversidade?
Dende NAMCHE FILMS, S.L. (Mabel Rivera & Henrique Banet) pensamos que si, por iso
DURANTE UN ANO PERCORREREMOS O COUREL FILMANDO OS CAMBIO ESTACIONAIS, ASESORADOS POR PRESTIXIOSOS ESPECIALISTAS, AO LONGO DE CENTOS DE QUILÓMETROS. PERO NECESITAMOS COLABORACIÓN PARA FINANCIAR TAN AMBICIOSO PROXECTO. ENTRA NA NOSA WEB www.namchefilms.es E MERCA UNHA COPIA ANTICIPADAMENTE: RECIBIRÁLA EN CANTO REMATEMOS O DOCUMENTAL, OU DEVOLVERÉMOSCHE OS CARTOS.
A raíz da denuncia nº 2005/4696, presentada por SOS Courel ante Comisión Europea, esta emprazou a España para levala ante os Tribunais de Xustiza Europeos. Pero algo alegaron dende a Xunta e do Goberno do Estado que tranquilizou as autoridades europeas.
Willy Meyer, solicitou á Comisión ver o expediente para saber das respostas das nosas Administracións e poder rebatelas, pero esta información demorouse de xeito inexplicable, polo que o parlamentario non tivo máis remedio que pedir esa información a través do propio Parlamento e así a Comisión está obrigada a contestarlle nun prazo moi breve.
SOS Courel enviou a Comisión Europea abundante documentación que deixa aos distintos e sucesivos gobernos nun clamoroso ridículo, incluídas probas audiovisuais como:
Un programa enteiro de “El Escarabajo Verde”, emitido en todo o Mundo
Un documental pormenorizado coa opinión, entre outras, de varios científicos, Unha Lousa sobre o Courel
Estamos preparando unha nova queixa ante as Institucións Europeas, unha denuncia total; queremos que veñan delegacións ao Courel da Comisión, do Parlamento, da Oficina Antifraude, …
Porque isto para crelo hai que velo:
Mentres as canteiras medraron, algúns “politiquiños intelixentes e xenerosos” emprenderon unha destrución paralela e maliciosa co fin de que a catástrofe non tivera volta atrás, para botar as veciñas e veciños e xustificar incluso unha futura a saída da Rede Natura:
Para non disimular, utilizaron Fondos Europeos a esgalla.
Revolveron os montes sen piedade, con máquinas xigantes e por se non había combustible suficiente cambiaron hábitats protexidos por especies pirófitas; montaron un asombroso labirinto de pistas e cortalumes. Levantáronse varias casetas de vixilancia forestal e de seguido foron abandonadas. Xa levamos no inverno do 2009 dous incendios (Noceda e Campelo)
Aproveitando que había que mellorar un pouco algunhas estradas, taparon vales enteiros, entubaron ríos e regatos, estenderon entulleiras polas ladeiras ata o río Lor, non habilitaron nin un só paso para a fauna.
Inícianse as obras e logo abandónanse, así a estrada que comunica coa autovía A6, de catorce quilómetros, en seis anos non habilitaron para o paso nin a metade.
Xa está aprobado o primeiro parque eólico, de momento o único que incorporará publicidade do Camiño de Santiago nas torres.
Non imos parar mentres sigamos a recibir tanto ánimo e axuda.
Grazas a todas e a todos por arriscar, por sufrir, por escribir, polas imaxes, pola música, pola política xusta, ….. !
Perdoade que felicitemos a Raquel, polo grande éxito da fermosa montaxe audiovisual que ela lle regalou a súa Terra, o vídeo galego máis visto na rede
Saúdos
SOS Courel Asociación Ecolóxico-Cultural SOS Courel Santa Eufemia 32. Folgoso do Courel. 27327-Lugo NIF G27362474. soscourel@mundo-r.com Teléfono de contacto 607 22 58 87 http://soscourelsos.blogspot.com/ _______________________
De: SOS Courel -soscourel@mundo-r.com- Para: artabra21@gmail.com Data: 30 de novembro de 2008 13:22 Asunto: O Courel está pechado pola neve, e sen luz e sen teléfono
Mentres moitos políticos galegos e os seus amigos de Valdeorras están esquiando a máis de 2500 ou nun balneario o quente, o Courel está pechado por a neve, ao non poder transitar por os portos de paso obrigatorio, algúns deles de menos de 900 metros. Calquera pode entender a zozobra da xente con problemas de saúde ou que ten nenos, neste concello tan rico e tan pobre.
O feito de que non haxa luz, inutiliza a telefonía móbil por deixar de funcionar os repetidores ou ao non poder cargar as baterías, sobre todo aquelas persoas que non dispoñen de cargador de coche, ou non teñen coche.
Esta asociación ben denunciando dende fai anos a vergoñenta asistencia sanitaria de emerxencias no Courel, así como a problemática das estradas, que son diseñadas, non para o servizo dos veciños, senón para os intereses dos Concellos veciños, con máis votantes, ou intereses de industrias terceiromundistas en decadencia e ruína.
Non é tan importante mencionar agora, que o courel quedou baleiro de visitantes, que tiñan reservado dende fai meses, e hoxe puideran estar desfrutando do Courel.
Pero xa sabemos o final desta historia macabra, como xa ten pasado noutras nevadas, despois de horas ou días de suspense dramático, aparecerán os heroes oportunistas, e quitando a neve das estradas as super excavadoras das famosas industrias desta Serra , ás que os sucesivos gobernos axudan despoboando as aldeas para que non teñan estorbos.
Saúdos
Orlando Gregorio Álvarez En representación de SOS Courel Teléfono 607 22 58 87 _________________
De: S.O.S Courel -soscourel@mundo-r.com- Para: artabra21@gmail.com Data: 4 de julho de 2008 16:50 Asunto: Sembrando incendios no Courel
Sembrando incendios no Courel
Difunde !!!
A Xunta de Galicia decidida a acabar co Courel !!
Desobedecendo de xeito temerario a lexislación europea e utilizando fondos comunitarios, a Xunta de Galicia está arrasando o Courel con plantacións piñeiros para destruír a Rede Natura 2000 e aumentar o risco de incendio.
Nos montes da Escrita, no Taro Branco, en Froxán, entre as devesas, ....por toda a Serra
Utilizan maquinaria pesada para destruír os hábitats propios do Courel, destrúen a cuberta vexetal e expoñen o chan a erosión, coa conseguinte acidificación e morte das augas dos ríos.
Coa ocupación do monte por plantacións masivas de piñeiros, estase a desbotar definitivamente calquera oportunidade para as explotacións gandeiras, apícolas, froiteiras, ...
Achegan as plantacións de piñeiros a soutos, devesas, prados, cultivos .... co que aumenta o risco de incendiar este espazo protexido.
Non se respectan e destrúense os elementos arqueolóxicos e históricos: mámoas, castros, covas, paisaxe tradicional, camiños tradicionais, .....
Engánasenos aos veciños: cando pedimos castiñeiros, faias, teixos, carballos, careixeiras, freixos, pradairos, ..... dísenos que só están permitidos os pinos.
Lonxe de habilitar cortalumes con franxas de frondosas e prados de regadío, insístese coa fabricación de “autovías” de terra morta que parcelan toda a Serra, nunha orxía de desfeita paisaxística sen precedentes no Courel.
Mirando o rumbo do Courel, calquera se pode preguntar para que serve toda a literatura ambiental, de sostibilidade e paisaxística con que se adorna a Propaganda Institucional que nos recorda cada día o ben que vai este País.
Visto o trato que nos está dando a Xunta, e despois de avisalos reiteradamente, varías asociacións do Courel, estamos preparando unha nova queixa ante a Comisión Europea por incumprimento da normativa comunitaria e por posible fraude aos Fondos da UE.
Así viaxa o Courel cara o Parque natural. Santa Eufemia en dúas fases:
1ª Fase
2ª Fase
A propósito da destrucción do Courel, mañá sábado, día 5 de xullo, en “La Vanguardia”, con referencia na portada , sairá unha reportaxe de tres páxinas adicada ao Courel. http://www.lavanguardia.es
Saúdos
SOS Courel, xullo de 2008 Asociación Ecolóxico-Cultural SOS Courel NIF G27362474 607 22 58 87 soscourel@mundo-r.com _______________
Verdegaia, Arredemo, Ecotono, Amigos da Terra, Adega, Federación Ecoloxista Galega
SOS Courel vese na obriga de acudir aos Tribunais de Xustiza
Amigas e amigos do Courel:
Se o tedes a ben, difundide esta mensaxe entre os vosos contactos, aos que lles poida interesar a defensa deste Espacio Natural e Cultural.
A asociación Ecolóxico-Cultural SOS Courel, coa axuda de todas e todos, tentou por todos os medios de parar a desfeita total do Courel. Como nin o Parlamento nin a Xunta escoitaron, agora só nos queda acudir a Xustiza.
E fixémolo xa o 5 de outubro de 2007, recorrendo ante o Tribunal Superior de Xustiza de Galicia, a autorización do Consello da Xunta, de 21 de xuño de 2007, para a canteira, "La Campa-Santa Eufemia", no medio da Cunca do Lor, no miolo dun xa masacrado Courel, aínda un dos espazos de maior valor cultural e ambiental da Europa.
Inmediatamente, 0 30 de outubro de 2007, recorremos tamén a licencia de actividade desta mesma canteira.
Logo, si se lle concedera, teremos que recorrer a licencia de apertura. E seguramente polo camiño surxirán máis contenciosos e recursos á estancias superiores aos que facerlle fronte.
Como o custo de todos estes procedementos, desgraciadamente é sempre proporcional a "magnitude da desfeita", non temos máis remedio que pedir e aceptar donativos.
Por iso, para todas e todas e todos aqueles que estean interesados na defensa ambiental e cultural do Courel poñemos a súa disposición un nº de conta en "La caixa", que podedes mirar no medio do texto de calquera dos seguintes enlaces:
Se o pesadelo rematara antes do previsto, todo o remanente económico desta campaña, utilizariámolo para a adquisición e restauración de algún anaco de souto abandonado, de calquera outro terreo ou de algunha construcción tradicional en ruínas no Courel, para uso e desfrute de todas e todos.
A Asociación Ecolóxico-Cultural SOS Courel, con NIF G27362474, con enderezo postal en "Santa Eufemia, nº32, Folgoso do Courel. 27327 Lugo" non ten ánimo de lucro, e tal e como consta nos seus estatutos debe promover todas aquelas medidas que leven a acadar a "Posta en valor, recuperación e conservación do Patrimonio Natural e Cultural do Courel".
Para calquera dúbida, aclaración ou queixa, utilizade o noso enderezo electrónico soscourel@mundo-r.com, o noso enderezo postal indicado arriba ou o telefono 607 22 58 87.
Por suposto que renderemos contas de ingresos e gastos e manterémosvos informados.
Gracias por axudar SOS Courel, 11 de outubro de 2007
De: "S.O.S Courel" -soscourel@mundo-r.com- Para: artabra21@gmail.com Data: 29 Maio 2008 22:29:56 Asunto: O Conselleiro insulta a SOS Courel
O Conselleiro insulta a SOS Courel [SOS Courel resposta ao Conselleiro de Medio Ambiente, polas súas manipuladoras informacións logo de publicado o Informe da Comisión Europea]
A raíz do informe da Comisión Europea, sobre as canteiras do Courel, o Conselleiro de Medio Ambiente está cada vez máis nervioso, e así insultounos de xeito grave na prensa de onte mércores:
Acúsanos indirectamente de quitarlle o pan a Xente: "Es muy fácil decir, 'oiga, cierre usted todo', pero la gente tiene que comer". Nos cremos que esta situación é culpa da Xunta e polo tanto é quen lle debe garantir o salario aos traballadores pase o que pase
SOS Courel xa comunicaou estes insultos a Comisión Europea, por estarse incumprindo gravemente o Convenio Aarhus, ratificado por España, sobre o acceso á información, á participación do público e na toma de decisións e o acceso á xustiza en materia de medio ambiente:
Que no Artículo 3. Disposiciones xerais, apartado 8, di:
“Cada Parte velará por que las personas que ejerzan sus derechos de conformidad con las disposiciones del presente Convenio no se vean en modo alguno penalizadas, perseguidas ni sometidas a medidas vejatorias por sus actos.”
A “mentira” de SOS Courel, Sr Conselleiro, sae no BOE
Que no parágrafo 5º di: El río Redomás está invadido tanto por el banco de explotación de pizarra actual como por la escombrera de estériles aguas abajo de dicho banco, generando una gran contaminación de las aguas por la elevada concentración de sólidos en suspensión.
Hoxe xoves, nunha reunión do Conselleiro e o Director Xeral, Benito Reza, con ADEGA, Federación Ecoloxista Galega, Amigos da Terra e a Federación Galega de Medio Ambiente (FEGAMA), calificaron como “barato” o discurso de “SOS Courel”
Cremos que debe ser o primeiro caso, onde unha autoridade dun país denunciado ( Reino de España) insulta aos denunciantes.
