Última hora sobre o peche, de Galiza Non Se Vende, en edificios administrativos da Coruña, Vigo, Ourense, Compostela, Ferrol, Mugardos e Rivadavia

Coincidindo co sexto aniversario da maior devastación ecolóxica que tivo lugar no noso país, a rede Galiza Non Se Vende alerta dun novo "Prestige" que navega polas augas dos mercados capitalistas ata as consellarías da Xunta, se ben este é máis destrutor que o anterior. Para denunciar esta ameaza medioambiental, activistas de GNSV pecháronse esta mañá en diversos edificios públicos de Coruña, Vigo, Ferrol, Ourense, Compostela, Mugardos e Ribadavia e fixeron entrega do manifesto no Concello de Cangas

Baixo o lema "Goberne quen Goberne: Galiza non se Vende" os activistas queren denunciar as políticas continuístas que seguen vendendo o País a intereses escuros, depredando, aplicando modelos traídos doutros lugares, provocando que Galicia perda de vez a súa idiosincrasia e se afiance nunhas prácticas económicas, agrícolas, paisaxísticas, medioambientais, enerxéticas, territoriais, alimentarias, relacionais, etc… que nada teñen que ver coas necesidades do País e das súas xentes, coa vida digna de quen hoxe habita a Terra e de quen poda vir despois.

Dous activistas foron detidos en Vigo polas forzas de seguridade que actuaron violentamente contra os pechados. Todos eles foron identificados pola policía e negoúselles o dereito a presentar un escrito no rexistro. O peche dos activistas foi pacífico en todo momento e non se comprende a actitude violenta da policía que chegou a rachar a pancarta de Galiza Non Se Vende.

Consellaría de Medio Ambiente. Compostela

Concello de Ourense

Ed. Adminsitrativos Xunta de Galicia. Vigo

Ed. Admin. Xunta de Galicia. A Coruña

Concello de Ferrol

Concello de Ribadavia

Concello de Mugardos

___________

Enviado por:

Xan Duro

xan.duro@usc.es

13 de novembro de 2008 17:03
Tesouraría. Comisión Permanente de Verdegaia
www.verdegaia.org
www.bicis.info
www.cospesnaterra.info

____________