A rede Galiza non se Vende péchase simultáneamente en edificios administrativos de A Coruña, Vigo, Compostela, Ferrol, Mugardos e Ribadavia

De: Comité Cidadán de Emerxencia -comitecidadan@gmail.com-
Para: artabra21@gmail.com
Data: 13 de novembro de 2008 10:50
Asunto: Peche de hoxe nos Concellos de Ferrol e Mugardos



Peche de hoxe nos Concellos de Ferrol e Mugardos

Hoxe xoves 13 de Novembro 6º aniversario do afundimento do Prestige, unha representación do Comité Cidadán de Emerxencia Para a Ría de Ferrol, está a realizar un peche nos Pazos do Concello de Ferrol e Mugardos entre ás 10 e as 13 horas, coincidindo con outras movilizacións en moitos Concellos de Galicia Organizados pola REDE GALIZA NON SE VENDE En demanda de solución saos problemas e agresións medioambientais que estamos a padecer.

Nesta Comarca, de xeito especial pola ameaza da Planta de Gas de Reganosa e do perigo do tráfico ilegal de gaseiros na nosa Ría.

¡ PLANTA DE GAS FORA DA RÍA !

--
Comité Cidadán de Emerxencia
para a Ría de Ferrol
comitecidadan@gmail.com
http://comitecidadan.org
______

Galería de Fotos dos Peches na Galiza
[Á medida que van enviando fotos estas van-se engadindo á galería]

View Album

Get your own

__________


Hoxe, ás 10 da mañán, activistas dos colectivos integrantes da Rede Galiza Non se Vende, inciciaron peches simultáneos nos seguintes edificios administrativos:

- Ferrol: Edificio do Concello. Contacto para a prensa: Rafael Pillado tfno. 664 330 624
- Mugardos - Edificio do Concello. Contacto para a prensa: Luz Marina 699 548 246
- Vigo: Edificios Administrativos da Xunta. r/ Concepción Arenal. Contacto para a prensa: Xosé Reigosa. 647965193
- Compostela. Consellería de Medio Ambiente. Contacto para a prensa: X. García 648717652
- A Coruña. Edificio Administrativo da Xunta en Monels. Contacto para a prensa: Alfonso: 606816047
- Ribadavia. Concello de Rivadavia. Contacto: María Ogando. 680118479

Baixo o lema "Goberne quen Goberne: Galiza non se Vende" os activistas queren denunciar as políticas continuístas que seguen vendendo o País a intereses escuros, depredando, aplicando modelos traídos doutros lugares, provocando que Galicia perda de vez a súa idiosincrasia e se afiance nunhas prácticas económicas, agrícolas, paisaxísticas, medioambientais, enerxéticas, territoriais, alimentarias, relacionais, etc… que nada teñen que ver coas necesidades do País e das súas xentes, coa vida digna de quen hoxe habita a Terra e de quen poda vir despois.

Manifesto 13 NOVEMBRO. Rede Galiza non se Vende

Hai seis anos un barco-lixo carregado de fuel-lixo viaxaba de Europa a África. Un accidente fronte às costas galegas foi transformado en catástrofe por gobernantes incapaces e autoritarios, agachados tras a propaganda e a mentira. A cidadanía saíu á rúa como nunca antes fixera. Non se podía repetir esa destrución ambiental. Non se podía repetir esa forma de gobernar.

Apoiada naquela vaga de dignidade cidadá, a mudanza acabou por chegar ao goberno autonómico. Custou traballo ventilar aquela apodrecida Elsinor. Agora, seis anos máis tarde, o pantasma do pai de Hamlet vaga desacougado polos corredores pedindo vinganza. Mudou o goberno, pero... mudaron as políticas?

Non é a primeira vez que se conmemora tan fatídico día. Hoxe tamén hai acto oficial: forma parte dun ritual cínico, no que só se bota a vista atrás para seguir tirando proveito daquela traxedia á que non se debería chamar accidente. Claro que non debemos esquecer. Nós tampouco esquecemos. Non esqueceremos nunca como centos de milleiros de galeg@s berramos NUNCA MÁIS, convencidos de que de alí en diante algo había mudar definitivamente.

Que pouco aprendemos daquela experiencia! Neste novo 13 de Novembro denunciamos que temos dentro un perigo moitísimo maior, con efectos que son calquera cousa menos “accidentais”.

Porque se gravísimos, case irreparables, foron os danos provocados por aquela catástrofe, non menores son os que cabe agardar das políticas continuístas que seguen vendendo o País a intereses escuros, depredando, aplicando modelos traídos doutros lugares, provocando que Galicia perda de vez a súa idiosincrasia e se afiance nunhas prácticas económicas, agrícolas, paisaxísticas, medioambientais, enerxéticas, territoriais, alimentarias, relacionais, etc… que nada teñen que ver coas necesidades do País e das súas xentes, coa vida digna de quen hoxe habita a Terra e de quen poda vir despois.

Pero ben lonxe de marcar claramente distancias coas viciadas e denostadas políticas anteriores, o goberno “bipartido” da Xunta de Galicia seguíu apostando por un vergonzoso continuísmo, caendo nas mans do capitalismo máis depredador en vez de apostar decididamente por estudar e aplicar modelos de sustentabilidade ecolóxica e xustiza social acordes coas demandas de Galicia e d@s galeg@s. Mesmo a actual crise pon de manifesto a febleza de todo o sistema económico que, baixo a etiqueta de progreso, o que fai é vender os nosos recursos ás grandes transnacionais, hipotecando o noso futuro e atacando as bases da nosa propia soberanía.

Denunciamos con toda contundencia:

• Recheos inxustificados e alarmante contaminación urbana e industrial nas rías
• Degradación dos ríos por contaminación e encoros
• Plan acuícola devastador de costa virxe
• Plan de portos deportivos privatizador e destrutor da costa
• Plan eólico deseñado para os intereses empresariais
• Plan de minaría destrutor do rural e cuestionábel rehabilitación de zonas mineiras mediante a construción de megalagos (Meirama, As Pontes)
• Degradación continuada do Courel, Ancares e Trevinca
• Urbanismo masificador e salvaxe
• Industrias perigosas e contaminantes: Reganosa, Ence, Endesa, Elnosa, Alcoa, Megasa, Meirama, SOGAMA, Ferroatlántica, Carballeda de Avia, etc.
• Plan de residuos destrutor de chan rústico e ambientalmente inviabel
• Proliferación desmesurada de polígonos industriais sen planificación
• Plan de vivenda protexida especulativo pensado para os promotores
• Plan de estradas sobredimensionado e irracional
• Plan Vigo Íntegra deseñado para as construtoras
• Directrices de Ordenación do Territorio ilegais feitas sen contar coa participación cidadán
• Modelo de transporte insostible e destrutor (TAV, transporte privado..)
• Abandono do rural, eucaliptización e desmantelamento da agricultura e gandería
• Intento de desmantelamento do sector pesqueiro ( Lei de Pesca)
• Desprotección insultante do medio natural e da Rede Natura
• Degradación acelerada da paisaxe, desaparición de espazos singulares (Fragas do Eume, Covas do Folón, Gándaras de Budiño..)
• Falta de compromiso real na recuperación dos núcleos históricos das vilas
• Desprezo ao patrimonio cultural (V.A.C. Costa da Morte, A-76, destrución de castros..), despilfarro no Gaiás
• Plans urbanísticos masificadores e especulativos e áreas metropolitanas depredadoras e desestruturadoras do territorio
• Control interesado dos medios de comunicación e amordazamento das opinións críticas
• Desprezo ao ben común, parcialidade interesada cara ao gran capital
• Cultivo do clientelismo electoral
• Parcialidade do estamento xudicial e desprotección do débil
  

E fronte a isto esiximos un cambio de rumo inmediato que poña a sustentabilidade ecolóxica e a xustiza social no centro das políticas, que sitúe ás persoas e ao ambiente por riba do lucro, que dialogue e avance na democracia participativa e reflexiva... Que supere o actual sistema (auto)destrutivo e a súa acumulación de crises, construíndo unha Terra viva e unha vida digna para tod@s.

Goberne quen goberne, Galiza non se vende!

Terra viva e vida digna para tod@s!
__________________