Nós-UP parabeniza a comunidade educativa do CEIP Recimil polo novo nome e pede ao CEE Carmen Polo e o IES Marqués de Suanzes que sigam o exemplo

De: nosup-trasancos@nosgaliza.org
Para: artabra21@gmail.com
Data: 9 de dezembro de 2008 02:04
Assunto: NÓS-Unidade Popular parabeniza a comunidade educativa do CEIP Recimil polo novo nome e pede ao CEE Carmen Polo e o IES Marqués de Suanzes que sigam o exemplo


NÓS-Unidade Popular parabeniza a comunidade educativa do CEIP Recimil polo novo nome e pede ao CEE Carmen Polo e o IES Marqués de Suanzes que sigam o exemplo

A comunidade educativa do CEIP Recimil, localizado nesse bairro ferrolano, decidiu num processo democrático, em que fôrom directamente consultados pais e maes, retirar por fim o nome de Ibañez Martín, o sanguinário ministro franquista que, oficialmente, ainda dá nome a esse centro de ensino infantil.

Assim, a falta de que a Administraçom admita a proposta dos órgaos representativos do centro, por fim a demanda de diferentes sectores vicinais, sindicais e políticos de Ferrol vai ser assumida, num novo passo de limpeza democrática em que a comunidade educativa de Recimil deu exemplo a toda a cidade e a toda a Galiza.

NÓS-Unidade Popular, activamente envolvida durante anos na reivindicaçom popular de retirada de símbolos do franquismo que ainda estám presentes nos espaços públicos do nosso país, tampouco quer deixar de manifestar a satisfaçom pola retirada dos títulos de honra dedicados durante a ditadura ao genocida Francisco Franco e à mulher, Carmen Polo. É, contodo, injustificável a demora com que se agiu –33 anos depois da morte do ditador!–, e é sintomática a negativa do PP e de IF a apoiar a tardia iniciativa do BNG.

Dito todo o anterior, e umha vez transmitidos publicamente os parabéns ao professorado, pais, maes, alunado e pessoal administrativo do CEIP Recimil, voltamos a reclamar aos outros dous centros que ainda mantenhem nomes do franquismo no nosso concelho que, já que nom tivérom a iniciativa de o fazerem antes, cumpram agora com o estabelecido na Lei da Memória Histórica e retirem os nomes de Carmen Polo e do Marqués de Suanzes aos respectivos centros.

Assembleia Comarcal de Trasancos de NÓS-Unidade Popular

Ferrol, 5 de Dezembro de 2008
_________________