O 17 de Decembro terá lugar a Asemblea Comarcal de Esquerda Unida

De: eu-ferrolterra@esquerdaunida.org
Para: artabra21@gmail.com
Data: 16 de dezembro de 2008 13:10
Asunto: asemblea comarcal



Benquerid@s compañeir@s:

Achégase nota de prensa sobre a asemblea comarcal que mañá renovará a dirección comarcal da nosa organización. Grazas pola vosa atención.

Un saúdo,

Ramiro Marier

Ferrol, martes 16 de decembro de 2008

ESQUERDA UNIDA CELEBRARÁ MAÑÁ ASEMBLEA PARA RENOVAR A DIRECCIÓN COMARCAL

ESQUERDA UNIDA IMPULSARÁ UNHA NOVA CONVERXENCIA SOCIAL E POLÍTICA PARA DARLLE UNHA SAÍDA SOCIAL E DEMOCRÁTICA Á CRISE ECONÓMICA

Enmarcado no proceso de refundación de Esquerda Unida, este mércores, 17 de decembro, ás 20:30 horas, na sede local de Esquerda Unida en Ferrol terá lugar a asemblea comarcal de Esquerda Unida na que se procederá a renovar o órgano de direción comarcal.

A renovación da direción comarcal enmárcase na nova etapa política inaugurada coa eleción do Coordenador Xeral, Cayo Lara, que vén marcada pola vontade achegar unha proposta de traballo unitaria e respectuosa da pluralidade, un valor central para a esquerda anticapitalista, republicana e federal, teses definitorias da IU que sae da Asemblea Federal. Unha IU que le o valor do traballo en equipo e das direcións colectivas, colexiadas e integradoras para acadar a condición de ferramenta de transformación social.

Chega un tempo novo político e social no que a voz de Esquerda Unida vai soar firme e nidia en defensa dos traballadores e traballadoras golpeados pola crise económica. Galicia necesita que se escoiten as razóns e argumentos da esquerda, fóra do consenso estéril e continuísta dos partidos que habitan o Parlamento de Galiza. Na rúa, nas fábricas, nas universidades, a esquerda en Galicia di que chegou o tempo de repensar os dogmas neoliberais, afundidos nesta crise, e avanzar na recuperación do público e social como fundamentos do benestar e a cohesión sociais.

A realización dun milleiro de actos públicos para enfrontar a crise semella un primeiro chanzo para facer chegar á clase traballadora e a cidadanía a análise e proposta programática de esquerdas que Esquerda Unida considera necesaria para darlle unha saída social e democrática á crise económica.

A Asemblea Federal de IU acordou comezar un proceso de refundación que se extenderá ao longo de 18 meses ao obxecto de promover unha nova converxencia política e social ao redor dos valores e programas da esquerda transformadora e anticapitalista. Ábrese un tempo novo para achegarmos os milleiros de traballadores e traballadoras, xóvenes e mulleres que comparten con nós unha visión crítica da globalización capitalista e os que queremos sumar a un traballo colectivo de transformación radical da sociedade.
_____________