Um ano mais perto da independência e o socialismo!

De:NÓS-UP -imprensa@nosgaliza.org-
Para: artabra21@gmail.com
Data: 1 de janeiro de 2009 10:33
Assunto:Um ano mais perto da independência e o socialismo!



Um ano mais perto da independência e o socialismo!
31 de Dezembro de 2008

Os anos que restam para que a Galiza se afirme como naçom soberana som umha contagem decrescente que pesa sobre os ombros da metrópole que durante o último século nom fijo outra cousa que encolher: depois da perda de Cuba em 1898, umha sucessom de “províncias” do imperialismo espanhol conseguírom, ao longo do século XX, independendizar-se da sanguinária metrópole, como ao longo deste século o faremos a Galiza, Euskal Herria e os Països Cataláns.

NÓS-Unidade Popular, umha das ferramentas do povo trabalhador galego ao serviço desse objectivo, quer aproveitar esta despedida do ano 2008, coincidente com o meio século de Revoluçom Cubana, para reafirmar a sua vontade de luita política pola plena emancipaçom nacional e social de género da nossa única pátria: a Galiza.

Saudamos fraternalmente a base social do soberanismo galego de esquerda, e ao conjunto do povo trabalhador galego, e fazemos pública a nossa plena disposiçom para o avanço das posiçons soberanistas da única maneira possível: com a unidade de todos os sectores, sem exclusons, e o serviço de todas as energias ao objectivo que nos une, que nom é outro que a independência nacional e o socialismo.

Com essa perspectiva de luita e disposiçom para a unidade, a Galiza estará, neste 1º de Janeiro de 2009, mais perto da independência nacional e o socialismo.

Viva Galiza independente, socialista e nom patriarcal!

Galiza, 31 de Dezembro de 2008

NÓS-Unidade Popular
nosgaliza@nosgaliza.org
______________