Carlos Morais e NÓS-Unidade Popular apresentárom denúncias contra a polícia espanhola e Galicia Bilingüe,respectivamente

NÓS-UP -imprensa@nosgaliza.org
28 de fevereiro de 2009 10:11



27 de Fevereiro de 2009

Na manhá de hoje, tal como anunciamos na passada semana, Bruno Lopes Teixeiro e Mauricio Castro Lopes em representaçom de NÓS-Unidade Popular apresentárom umha denúncia contra a junta directiva de Galicia Bilingüe por delitos contra o exercício de direitos fundamentais recolhidos nos artigos 510 e 515 do Código Penal, incluindo a induçom à discriminaçom, ao ódio e à violência contra as pessoas, como se recolhe nos documentos audiovisuais existentes da manifestaçom convocada pola entidade antigalega no passado dia 8 de Fevereiro.

Gritos chamando à violência policial contra defensores da língua, insultos e provocaçons constantes fam parte de umha estratégia denunciável em termos de ódio étnico contra os galegos e as galegas, o que NÓS-Unidade Popular denunciou no Julgado de Instruçom nº 1 de Ferrol para que se tomem medidas legais contra a impunidade com que vem actuando a associaçom Galicia Bilingüe.

Por outra parte, o companheiro Carlos Morais, membro da Direcçom Nacional de NÓS-Unidade Popular, formalizou no Julgado de Instruçom nº 1 de Compostela umha denúncia contra os elementos da Polícia espanhola participárom na agressom e detençom de que foi vítima na referida manifestaçom, no dia 8 de Fevereiro, quando de maneira pacífica se manifestava em defesa do galego e acabou no hospital com traumatismo cránio-encefálico pola violenta actuaçom policial. Junto à denúncia o nosso companheiro aportou diverso material gráfico e audiovisual.

Os métodos da Polícia na referida jornada constituem, em opiniom do serviço jurídico de NÓS-Unidade Popular, um delito contra o exercício de direitos cívicos e de lesons.

Anexamos cópias das denúncias realizadas hoje mesmo em Ferrol e Compostela, com o intuito de dar a conhecer que a esquerda independentista nom vai ficar de braços cruzados perante a constante vulneraçom de direitos por parte da polícia e dos sectores ultras que incitam ao ódio e à violência contra os sinais de identidade do nosso povo.

Denúncia contra a polícia espanhola [+]

Denúncia contra Galicia Bilíngue [+]
____________________

Nós - Unidade Popular
___________________