Demandas veciñais, en Caranza, na defensa do Colexio Público "Manuel Masdias"

Veciñas e Veciños de Caranza están enviando cartas ao Alcalde de Ferrol, Sr. Irisarri, solicitando sexan atendidas as súas demandas e arranxen dunha vez o Colexio Público "Manuel Masdias"


Á ATENCIÓN DO SR. ALCALDE DO CONCELLO DE FERROL

Eu como nai e veciña do barrio de Caranza (Concello de Ferrol), e sendo o C.E.I.P Manuel Masdías o único colexio público que hai a día de hoxe no barrio,

SOLICITO:

Qué o pavillón da escola Manuel Masdías sexa arranxado coa maior brevidade posíbel. Desde o paso do Klaus pola comarca as actividades que se viñan desenvolvendo cos nenos e nenas non é posible facelas sen arriscar a saúde e seguridade dos pequen@s. Penso que son uns danos consecuencia do temporal acaído e como tal se deben reparar o antes posíbel, non é algo “específicamente” dependente da concellería de educación polo que a partida orzamentaria non tería porque ser da dotación anual dese departamento como tantas veces se nos fai saber dicindo que non hai ornamento para o arranxo.

Qué se faga a dotación correspondente para a existencia do parque para as nenas e nenos de educación infantil. O primeiro día do curso 2008/2009 uns funcionarios do concello pasaron a retirada dos elementos que existían porque xa non cumprían a normativa. Pois ben, non aceptamos que a única alternativa que nos dea o concello sexa o de quedarnos sen esta dotación para o centro. ¿Cando vai haber dotación orzamentaria para isto? Si a normativa entrou en vigor ao mesmo tempo para tod@s ¿Por qué hai colexios que non están a sufrir esta situación?

Agardamos que desde o Concello sexan atendidas as xustas peticións que desde o barrio de Caranza estamos a facer, porque ao final de todo isto os únicos prexudicados son os nosos nen@s.

Caranza, 23 de abril de 2009

Pili Ces Rioboo

________________