Concentración pola lingua en Ferrol: Sábado 9 de Maio ás 12 do mediodía

A Mesa pola Normalización convoca en Ferrol un acto en defensa da lingua galega, ás 12 do mediodía na Ptraza do Concello e un posterior pasarúas pola cidade.

Nos últimos meses, repetiuse desde diferentes grupos de poder a falaz idea de que hai un proceso de “imposición del gallego”, presentando, con cinismo, o mundo ao revés. A realidade do día a día e todos os estudos sobre o tema desmontan esa mentira. Así, o Consello de Europa advertiu nun contundente informe de finais de 2008 que en Galiza non se están a cumprir tratados internacionais sobre dereitos lingüísticos e que non hai garantías mínimas para este idioma en sectores tan importantes como o ensino, os servizos públicos, a xustiza ou os medios de comunicación. Así mesmo, a Real Academia Galega vén de publicar un estudo sinalando que en doce anos se reduciu á metade a cantidade de persoas que fala habitualmente en galego. Perante a necesidade de respostas por parte da sociedade galega, animamos a continuar na recollida de apoios a este manifesto e a participar nos actos de mobilización en defensa da nosa lingua,

En Ferrol na Concentración na Praza do Concello ás 12 horas e posterior pasarrúas polo centro da cidade.

E a Manifestación Nacional convocada para o 17 de Maio ás 12 horas desde a Alameda de Santiago de Compostela.

A Mesa fletará un autobús desde Ferrol para que o día 17 se poidan desprazar a Santiago, á manfestación a favor do galego, cantas persoas o desexen. Para reservar praza no autobús hai que chamar ao teléfono 981 56 38 85.

Apoia io Manifesto:
“Manifesto pola convivencia lingüística e a igualdade de dereitos para o galego”

A Mesa:
www.amesanl.org
_____________________