No delta do río Niger (Nixeria) estase levando o maior atropelo ecolóxico e humano de toda a historia do petróleo: Nixeria fornece de Gas a REGANOSA

En maio de 2009, a xigante multinational petrolífera Shell vai ser xulgada no tribunal federal dos Estados Unidos para responder a acusacións de que conspirou en violacións dos dereitos humanos, incluíndo asasinato, en Nixeria, na década de 1990. Este mini-documental conta a historia do surximento dun movimento de inspiración non violenta para a defensa dos dereitos humanos e da xustiza ambiental, e para denunciar até onde estaba disposta chegar a multinacional Shell na súa covizosa e criminal actuación no delta do Niger.

Nixeria fornece Gas Natural Licuado -GNL- á regasificadora de Mugardos

O artigo que enviamos hoxe é de suma importancia pois no delta do río Niger (Nixeria) estase levando o maior atropelo ecolóxico e humano de toda a historia do petróleo. É desgarrador ler noticias que chegan desa zona. Destrución de poboados, xente abatida por mercenarios, exhaustaciones de gas á atmosfera, centos de nixerianos que morren ao roubar o petróleo, marismas queimadas por escapes incontrolados, etc. Xa comentamos en anteriores comunicados que este mercado do GNL era especulador, caro para os consumidores e agora vemos que tamén é noxento por dicilo dalgún xeito. Tamén o FBI dos EE.UU. están investigando un caso moi escandaloso de corrupción (suborno) nese país protagonizado por unha multinacional americana moi próxima ao expresidente Bush.

A regasificadora da Ría de Ferrol [REGANOSA] recibe periodicamente gas natural licuado -GNL- desta zona. Sería oportuno que a Xunta de Galicia esixise aos seus socios que non comprase o gas nesa zona onde os seus cidadáns son masacrados. O pobo Ogoni non quere a riqueza petroleira das súas terras quere a terra para traballar. Din "Our land is our life - A nosa terra é a nosa vida"

Segue artigo:

Shell, a xuízo por abusos no delta de Nixeria

Mañá comeza en Nova York o proceso contra a compañía petrolífera, acusada de complicidade en violacións de dereitos humanos e na execución do activista Ken Saro-Wiwa.

A multinacional petroleira angloholandesa Shell senta desde mañá no banco nun tribunal de Nova York para responder dunha acusación sen precedentes: dúas demandas acusan á compañía de complicidade nos abusos cometidos contra os dereitos humanos do pobo ogoni de Nixeria, un dos países onde operaba.

Execucións sumarias, torturas, detencións ilegais ou tratamento inhumano son algúns dos delitos de cuxa complicidade acusar á compañía. E, entre as execucións sumarias, figura unha soada: a do poeta e activista ambiental Ken Saro.

O fundador do Movemento para a Supervivencia do Pobo Ogoni (MOSOP en inglés) foi aforcado polo Goberno do ditador Sani Abacha o 10 de novembro de 1995 xunto a oito dos seus compañeiros. Todos eles levaran a cabo unha campaña non violenta para denunciar a destrución do seu ecosistema e modo de vida a resultas da produción petroleira.

O MOSOP foi fundado nos 90 por Saro-Wiwa para denunciar o que a produción de petróleo estaba supondo na terra dos Ogoni: devastación ambiental derivada da combustión de gas e das verteduras de petróleo e as roturas dos oleodutos. Ríos contaminados e sen peixes. Choivas tóxicas que contaminaban colleitas. Modos de vida destruídos. E pobreza. Ata na actualidade, máis do 57% dos nixerianos viven por baixo do limiar da pobreza e non se están beneficiando dos inxentes beneficios que o petróleo reporta ao oitavo exportador mundial.

NOTA: No delta do Níxer áchanse as décimas reservas de petróleo do mundo, que fixeron de Nixeria o oitavo exportador mundial. O 25% do petróleo e gas importado por España é nixeriano.

• Ler artigo en : publico.es
  
  
• Os que poidan ler en inglés poden ver os atropelos realizados con este pobo en: shellguilty.com

Saúdos,

www.f-cape.org

¡ PLANTA DE GAS FORA DÁ RIA !

Enviado por:
Ferrol CAPE -ferrol.cape@gmail.com-
25 de maio de 2009 23:24
Colectivo universitario opositor a Planta de Gas (GNL) dá ría de Ferrol (Galicia)
_____________________