Non pode ser !! O raposo ao coidado do galiñeiro

O Comité Cidadán de Emerxencia para a Ría de Ferrol, remite-nos esta preocupante denuncia co prego de difusión. Non pode ser tanto despropósito xunto. Agora queren poñer ao director da empresa petroquímica que máis ilegalidades cometeu contra a nosa Ría - miles de metros cadrados de recheos ilegais-, a que máis contaminou e segue contaminando, si estamos falando de Forestal del Atlántico, S.A., Non pode ser !! ... O raposo ao coidado do galiñeiro!!

O Comité Cidadán de Emerxencia para a Ría de Ferrol, reunido de urxencia, acordou remitir sendos escritos ao Presidente da Xunta de Galicia e Presidentes dos Grupos Parlamentarios de Galicia, rexeitando o posible nomeamento de Francisco Silva Castaño (Director Xeral de Forestal del Atlántico) como Presidente da Autoridade Portuaria Ferrol-San Cibrao.

Engádese o escrito, e prégase difusión.

Comité Cidadán de Emerxencia

SR. PRESIDENTE DA XUNTA DE GALICIA

Reunido de urxencia o Comité Cidadán de Emerxencia para valorar as noticias que anuncian o posibel nomeamento de Francisco Silva Castaño (Director Xeral de Forestal del Atlántico), como Presidente da Autoridade Portuaria Ferrol-San Cibrao, nos diriximos a vostede e manifestamos o seguinte:

1. Que Francisco Silva Castaño é Director dende hai mas de dez anos da empresa ”Forestal del Atlantico” coñecida pola vulneración sistemática das leis medioambientáis que afectan gravemente a Ría de Ferrol (recheos ilegais, enterramento de verquidos, falsificación de datos, etc.)
2. É coñecida a oposición de Francisco Silva Castaño a iniciativa do Porto Exterior por parte da Administración Pública, para xustificar así, os recheos ilegais, poder implantar a planta de gas e que os tráficos nocivos e perigosos se mantiveran no interior da ría de Ferrol.
3. Dende o ano 1998 está aberto un sumario pola venta ilegal de gasoil de importación, que saía dos depósitos de Forestal. Este sumario foi aberto polo xuiz D. Alejandro Morán Llorden, tras o traballo de investigación da Garda Civil, denominada “Operación Remolque”.
4. Esta persoa é coñecida ademáis como impulsor e asinante do proxecto básico da planta de gas de Reganosa, iniciando un proceso de triquiñuelas, falsificacion de datos para facilitar coa complicidade das administracions o sortear a lei e acadar a aprobación do mesmo.
5. 3º.- A Planta de Gas de Reganosa é unha instalación ilegal e perigosa que ameaza á población de Ferrolterra e acelera a destrucción do ecosistema da Ría de Ferrol. Os Tribunáis de Xusticia teñen admitidos a trámite doce contenciosos en contra. Así mesmo o Tribunal Superior de Xusticia de Galicia xa fallou por tres veces anulando a tramitación ambiental de Reganosa.

Por último, este Comité Cidadán expresa o seu rexeitamento a que unha persoa con estos antecedentes e ligado a unhos intereses privados como os citados, que ademais incumpliría a Lei de Incompatibilidades de personal ao servicio das Administracións Públicas– en función da concesión marítimo-terrestre que ten outorgada e os cánons derivados dela, dependentes ambas das decisións da Autoridade Portuaria- poida ser barallado e menos nomeado Presidente dun Ente Público, encargado de velar polos intereses xerais e a defensa da legalidade. Sería como poñer ao raposo o coidado das galiñas.

Por todo elo, nos diriximos a vostede como Presidente do Goberno Galego para que se nomee a unha persona de probado respeto á legalidade e os intereses xerales.

Ferrol a 29 de maio de 2009

Manuel A. Rodriguez Carballeira
Coordinador do Comité Cidadán de Emerxencia para a Ría de Ferrol
comitecidadan@gmail.com
http://comitecidadan.org

Enviada por:
Comité Cidadán de Emerxencia
-comitecidadan@gmail.com-
1 de junho de 2009 00:34
_______________