O IGE informa das afiliacións medias á Seguridade Social correspondentes a Xullo 2009

O IGE [Instituto Galego de Estatística]publica hoxe na súa páxina web os datos de Afiliacións medias á Seguridade Social correspondentes ao mes de xullo de 2009. Os datos proporciónaos o Ministerio de Trabajo e Inmigración.

O número medio de afiliacións1 ao Sistema da Seguridade Social en Galicia durante o mes de xullo de 2009 acadou a cifra de 1.047.292 para o total do sistema o que supón un aumento respecto ao mes de xuño de 13.226 afiliacións (un 1,28%). Para o conxunto estatal a cifra de afiliacións sitúase en 18.143.554, rexistrando un aumento do 0,25% con respecto ao mes anterior.

Na comparativa interanual (xullo de 2008 a xullo de 2009) obsérvase un descenso de 47.607 afiliacións no total do sistema en Galiza (un 4,35%), inferior á diminución do 6,39% (-1.238.669) no conxunto estatal. Estes datos indican que o 3,8% da diminución da afiliación estatal rexistrada no último ano ten lugar en Galiza.

No que vai de ano, o número medio mensual de afiliacións en Galiza foi de 1.034.724, un 4,3% inferior á cifra rexistrada no mesmo período do ano anterior. En España o descenso no que vai de ano foi do 6,3%.

Pode-se atopar máis información en:

http://www.ige.eu/web/mostrar_actividade_estatistica.jsp?idioma=gl&codigo=0204001004

http://www.ige.eu/web/Controlador?operacion=mostrarficha&id=G10&tipo=3&orden=6&idioma=gl


Enviado por:
IGE ige.novidades@ige.eu- 4 de agosto de 2009 14:50
--------------------------------------------------
Servizo de Difusión e Información Estatística
Complexo Administrativo San Lázaro s/n
Instituto Galego de Estatística
15703 Santiago de Compostela
Telf: 981 541589 de 9 a 14 horas, Fax: 981 541323
contacto: http://www.ige.eu/catalogo/peticioninfo.jsp
web: http://www.ige.eu
__________________________