Acto en Ferrol, este Xoves 15 de Outubro: Ferrolterra, por un Pacto Galego contra a Pobreza

Dende a Rede Social Ferrolterra - integrada por ás seguintes ONG’s e asociacións: Solidariedade Internacional, Mundo Cooperante, Lena, Enxeñería sen Fronteiras, Axuda en Acción e A.C. Fuco Buxán – queremos vos informar do acto previsto na cidade de Ferrol, dentro da Semana Galega de Mobilización contra a Pobreza, enmarcada dentro da campaña promovida pola Coordinadora Galega de ONG's para o Desenvolvemento.

Acto de Ferrol:

• Xoves 15 de Outubro de 18:00 a 20:00 horas
  
  
• Na Praza do Inferniño – Ferrol
  
  
• Concentración e votación popular (con urna)
  
  
• A prol dun Pacto Galego Contra a Pobreza

Pretendemos, que este Pacto Galego sexa asumido polo Parlamento de Galicia e se implementen as políticas necesarias que require o cumprimento dos Obxectivos do Milenio:

1. Compromisos para aumentar a Axuda Oficial ao Desenvolvemento, ata acadar o 0,7% do PIB da nosa Comunidade Autónoma.
   
   
2. Compromisos na ponteciación de campañas de sensibilización para a cancelación da Débeda Externa dos países subdesenvolvidos.
   
   
3. Compromiso co cambio das políticas comerciais inxustas que rexen as relacións económicas cos países do Sur: consumo responsable, compra pública éticas, comercio con xustiza...

Pretendemos, que o compromiso pola erradicación da pobreza sexa real, permanente e sostido, fóra da loita partidista e electoral.

fuco buxán, a.c.
Aptdo Correos 240 C.P. 15400 Ferrol
Telef. 981325492
www.fucobuxan.com
fucobuxan@yahoo.es

Enviado por:
Fuco Buxán Asoc. Cultural - Ferrol
-fucobuxan@gmail.com-
12 de outubro de 2009 12:10
___________________