Haydé Mercedes Sosa, naceu o día 9 de Xullo de 1935 na cidade de San Miguel de Tucumán. Con 74 anos de idade e unha traxectoria de 60 anos, Ela transitou diversos países do mundo, compartiu escenarios con innumerables e prestixiosos artistas, e deixou ademais, un enorme legado de gravacións discográficas.
A súa voz levou sempre unha profunda mensaxe de compromiso social a través da música de raíz folklórica, sen prexuízos de sumar outras vertentes e expresións de calidade musical.
Video de Mercedes Sosa cantando "Gracias a la vida"
O seu talento indiscutíbel, a súa honestidade e as súas profundas conviccións deixan unha enorme herdanza para as xeracións futuras. Admirada e respectada en todo o mundo, Mercedes constitúe-se como un símbolo do noso acervo cultural que nos representará por sempre e para sempre.
Quizais, as palabras da súa entrañábel amiga, Teresa Parodi, resuman o sentimento de moitos:
... Mercedes, salmo nos beizos
amorosa nai amada
muller de América ferida
a túa canción pon-nos ás e fai que a patria toda
menudita e abatida non se morra aínda,
non se morra porque sempre cantarás nas nosas almas ...
Os seus restos serán velados no Salón dos Pasos Perdidos, no Honorábel Congreso da Nación, Avda. Rivadavia 1864 a partir do mediodía de hoxe.
A súa Familia, achegados e amigos, agradecen profundamente o acompañamento e o apoio expresado nestes días.
Fonte: mercedessosa.com.ar
_________________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon