Convocada para o xoves día 3 de decembro unha asemblea aberta para debater e acordar a creación dunha Plataforma Cidadá pola Defensa da Sanidade Pública

CONSTITUCIÓN DA PLATAFORMA POLA DEFENSA DA SANIDADE PÚBLICA

Convocada para o xoves día 3 de decembro ás 19 horas no local da Asociación de Veciños de Esteiro en Fernando VI, Bloque I, baixo s/n, unha asemblea aberta para debater entre todas e todos e acordar se así se estima a creación dunha Plataforma Cidadá pola Defensa da Sanidade Pública.

Esta asemblea xurde da inquedanza de un bó de número de persoas ante a situación na que se atopa a Sanidade Publica na Área Sanitaria e no conxunto de Galicia tras os últimos acontecementos e anuncios por parte do Partido Popular:

• Reducción dos orzamentos da Consellería de Sanidade e do Servizo Galego de Saúde ( 38 millóns de euros para o ano 2010).
  
  
• Aumento alarmante das listas de espera.
  
  
• Aumento dos concertos cos Hospitais Privados.
  
  
• Aumento de derivacións de pacientes a outras Áreas Sanitarias e a centros privados concertados.
  
  
• Conxelación dos cadros de persoal.
  
  
• O anuncio de construcción de catro centros de saúde na comarca pola iniciativa privada.
  
  
• A falla de orzamento para o Plano de Alta Tecnoloxía que non dedica nin un só euro no ano 2010 para a Área Sanitaria.
  
  
• O escaso compromiso co Plano Director do Complexo Hospitalario Arquitecto Marcide , que destina 100.000 euros para o ano 2010, fronte ós 200.000 e 250.000 que recibirán Monforte e o Salnés.

--
CIG-Saúde Ferrol
981334566
www.cigsaudeferrol.blogspot.com

Enviado por:
Cig Saúde Ferrol
-cigsaudeferrol@gmail.com-
2 de dezembro de 2009 15:02
_____________________