Homenaxe a Manolo López - Avogados contra o franquismo: Venres 11 de Decembro

Acto organizado por: Amigos e defendidos por Manolo López

Coa colaboración de: Fundación 10 de Marzo e A.C. Fuco Buxán

Venres 11 de Decembro 2009, ás 20 h
Fundación Caixa Galicia
Cantón de Molíns – Ferrol

“Os avogados contra o franquismo”
HOMENAXE A MANOLO LÓPEZ
e presentación do libro:
“Mañana a las once en la Plaza de la Cebada”
de Manuel López.

Intervirán:

• Manuel Rodríguez Carballeira (Presidente de Fuco Buxán)
• Vicente Irisarri Castro (Alcalde de Ferrol)
• Arturo Reguera López (do grupo organizador)
• José L. Núñez Casal (Avogado laboralista)
• Xesús Alonso Montero (Catedrático e escritor)
• Vicente Álvarez Areces (Presidente do Principado de Asturias)

Manolo López (José Manuel López López), foi un dos máis importantes avogados laboralistas na loita contra o franquismo e un destacado militante do Partido Comunista durante a ditadura. Defendeu ante o Tribunal de Orde Pública, o principal instrumento represivo da última etapa do franquismo, a presos políticos e a destacados militantes da esquerda como Santiago Carrillo, Horacio Fernández Inguanzo, Rafael Bárez, "Juanín" Muñiz Zapico ou Vicente Álvarez Areces.

Precursor do despacho de avogados de Atocha, mantivo sempre unha estreita relación profesional e afectiva con CCOO. Coa chegada da democracia, Manolo López participou nos preitos máis relevantes da Federación Minerometalúrxica de CCOO, derivados a maioría deles da reconversión industrial, así como en xuízos penais por accidentes de traballo.

Nacido en Madrid en 1930. Licenciouse en Dereito en 1954 e marchou a París, onde obtivo o certificado de Socioloxía na Facultade de Letras da Sorbona. Ingresa no Partido Comunista de España (1958) e acode a Pequín como delegado ao Congreso da Unión Internacional de Estudantes. Ao seu regreso a España -corre o ano 1959- é detido e torturado durante seis días na Dirección Xeral de Seguridade de Madrid.

Tras un consello de guerra, foi encarcerado en Carabanchel e Palencia, onde era o único preso político, ata a súa excarceración en decembro de 1962. Durante os anos da súa militancia clandestina foi avogado laboralista ao servizo do Partido Comunista de España e interveu en múltiples ocasións nas Magistraturas de Traballo. Tivo especial relevancia o seu defensa de obreiros, folguistas e mineiros asturianos ante o Tribunal de Orde Pública. A súa actividade en defensa dos traballadores levoulle de novo ao cárcere no ano 1971. Foi un dos defensores no “Xuízo dos 23”.

Durante toda a súa traxectoria, Manolo López traballou a miúdo para a Federación Minerometalúrxica de Madrid de CCOO, e tivo un papel destacado no nacemento e consolidación de CCOO. Ata o seu falecemento, o 29 de agosto de 2008 sempre mantivo unha estreita relación profesional e afectiva con CCOO. O pasado ano, Manolo López recibiu a título póstumo o Premio Avogados de Atocha.

Entrada libre ata completar aforamento.
Visita a nosa web: www.fucobuxan.com
Escoita o noso programa radiofónico "O Recuncho" nº 21 : http://recunchofuco.blogspot.com

--
fuco buxán, a.c.
Aptdo Correos 240 C.P. 15400 Ferrol
Telef. 981325492
www.fucobuxan.com
fucobuxan@yahoo.es

Enviado por:

Fuco Buxán Asoc. Cultural - Ferrol

fucobuxan@gmail.com

8 de dezembro de 2009 23:42

_____________________________