Morales marca o século XXI boliviano e planta-se contra o imperialismo

A Paz, 7 dic (ABI) - O presidente reelecto Evo Morales, gañador indiscutíbel das eleccións do domingo co 63% dos votos, marcou a fe e lume o século XXI boliviano e plantado cara contra o imperialismo e o capitalismo, en momentos en que a Latinoamérica progresista non alcanza a dixerir o crebe institucional na centroamericana Honduras e Colombia consente a instalación de bases militares de Estados Unidos.

Co seu esmagador triunfo nas urnas, que non sorprendeu en Bolivia nin aos seus opositores máis enconados, Morales parece despexar a gran incógnita: o século XXI en Bolivia será rexido polo indio orixinario desta terra, como o foi no pasado polo branco non indíxena.

Tamén, a orientación que seguirá o Estado Plurinacional de Bolivia, o socialismo comunitario aberto ao investimento estranxeiro, privada ou pública, baixo o principio de "negocios si pero co Estado como reitor".

Nese marco de restauración estatal, Morales deixou en claro o seu talante gruñón contra calquera forma imperial e o seu apego á rexión.

Morales, de 50 anos, o presidente con maior apoio popular na historia política deste país, campión da inestabilidade institucional en Latinoamérica, dedicou o seu triunfo electoral aos países e gobernos que apoiaron a súa enunciada "revolución democrática e cultural", en referencia aos signatarios da Alternativa Bolivariana para os Pobos da nosa América (ALBA) e gobernos e líderes de Europa e Asia, que apontoaron o seu goberno de esquerdas.

"O triunfo en Bolivia non só é para os bolivianos; este triunfo dos bolivianos é, fundamentalmente, un xusto recoñecemento, é unha dedicación, a presidentes, a gobernos, a pobos antiimperialistas", salientou.

O mandatario indíxena confirmou o seu segundo mandato consecutivo e pasará, a controlar a bicameral Asemblea Lexislativa Plurinacional (ALP), sucesora do Congreso, onde as previsións afirman que non atopará escollo para pór en práctica a súa Constitución, referendada nas urnas con apoio maioritario en xaneiro último.

O mandatario reelecto comprometeu-se, á luz do apoio popular que recibiu nas urnas, a acelerar o proceso de cambios estruturais que puxo en marcha na súa primeira xestión e que subliña a "nacionalización ou descolonización de Bolivia", como concepto político e cultural e, no económico, o retorno da riqueza natural a mans do Estado e, en consecuencia, a industrialización de Bolivia, o país máis pobre de Sudamérica.

"Temos a enorme responsabilidade con Bolivia, pero tamén coa vida e a humanidade, de profundar e acelerar o proceso de cambios", impúxose nun discurso pronunciado a horas de desvelada a súa incuestionábel vitoria electoral ante miles dos seus achegados.

"Que obteñamos máis de dous terzos (na ALP) obríganos, obrígame, a acelerar o proceso de cambios", insistiu.

Morales que conseguiu efectivamente "refundar Bolivia", algo que parecía máis unha frase de boas intencións cando foi investido presidente en 2006, basea, entre outras cousas, a súa pretensión de terminar de cambiar Bolivia ata 2015 na utilidade marxinal que lle deixou o triunfo electoral da véspera: esnaquizar a "Media Lúa" boliviana, unha ficción xeográfica que serviu de plataforma ideolóxica para promover a secesión territorial do país andino amazónico.

Noutras palabras, escorrentou as pantasmas da división de Bolivia que planearon fai pouco máis dun ano.

Así, baixo este cadro da situación, fixo un chamado ata os seus enconados opositores a "traballar" e "servir" a Bolivia.

"Fago unha convocatoria a autoridades que non queren traballar con Evo, a alcaldes, a cívicos, a empresarios, a intelectuais que dubidan, a servir a Bolivia", afirmou en ton sereno e conciliador.

"Que veñan a traballar polo pobo boliviano, porque somos da cultura do diálogo", insistiu ao arengar a adhesión dos seus adversarios políticos ao modelo de país que profesa.

"Agora si temos o camiño aberto, entendéndonos como bolivianos, un camiño aberto, dialogando con distintos sectores para aplicar a primeira Constitución, aprobada polo pobo boliviano" nas urnas en xaneiro pasado, desafiou.

Acusado recurrentemente de autoritario polos seus opositores, Morales demostrou o seu fervor democrático, pois todo o que conseguiu a favor das súas políticas fíxoo, cos matices e aparato propios da política criolla, no terreo do institucional.

"O pobo, coa súa participación, demostra que é posible cambiar Bolivia en base ao voto do pobo boliviano", aseverou, ao tempo de render tributo á vocación democrática dos seus compatriotas.

"Hoxe Bolivia novamente demostra unha vocación democrática, unha revolución democrática, cultural, ao servizo do pobo. Novamente o pobo boliviano fai historia, grazas a esa conciencia do pobo. O que hoxe viu o pobo boliviano é como avanzar como un proxecto, cun programa do pobo, ao servizo do pobo boliviano", afirmou.

Congratulouse porque, "con máis do 63% (dos votos), case 64%, impuxéronse estas transformacións no económico, no estrutural e económico".

Reducida a dous dos nove departamentos bolivianos, dous menos que no pasado recente, a oposición fixo, con todo, pouco menos que unha declaración de guerra á convocatoria de Morales.

O seu principal contendor electoral, o ex militar Manfred Reyes Vila, que logrou adherir o 28% dos votos, dixo que o triunfo de Morales non representa senón a ratificación de que o país está aínda dividido entre dous modelos e visións de Estado e formas de vida: a occidental versus a indíxena orixinaria.

"No país subsiste a división" dixo á luz dos resultados electorais, mentres que outro dos seus adversarios electorais derrotados, o adiñeirado empresario Samuel Doria Medina, anunciou oposición a Morales en base do magro 6% que obtivo nas urnas.

"É importante sinalar que os problemas que mencionaramos como a pobreza, a falta de traballo, os abusos de parte do partido gobernante, o incremento desmedido na promoción da coca e os seus derivados, póidase agravar co resultado das eleccións e iso preocúpanos", cuestionou.

Por Coco Cuba

Fonte: ABI
_______________________________