Confirmada a privatización dos servizos non sanitarios do novo hospital de Vigo

No Consello da Xunta do 21 de xaneiro a Xunta de Galicia dá un paso máis na PRIVATIZACIÓN DA SANIDADE PÚBLICA, aprobou o novo modelo de financiación que vai empregar para construir o novo hospital de Vigo que vai supor a privatización dos seguintes servizos non sanitarios para o novo hospital.

PRIVATIZARASE:

• Lavandería
• Lencería
• Cociña
• Subministración e xestión enerxética
• Xardinería
• Mantemento
• Limpeza
• Seguridade e vixilancia
• Centraliña
• Transporte interno e externo
• Central abastecemento e tratamento de auga
• Reprografía e imprenta

Ao privatizarse estes servizos tamén se suprime a xestión administrativa dos servizos mencionados, suprimindo prazas de contratación e OPE de xestión administrativa. Iso quere dicir o persoal administrativo tamen verá reducidas as súas prazas.

Todo o persoal de plantilla fixo será reclasificado e colocado en novos servizos.

Como consecuencia de todo isto suprimiranse as listaxes de contratación e OPE referentes a esas categorías.

Tamén se vai privatizar a gardería infantil e o aparcamento. Tampouco se descarta a privatización doutros servizos non sanitarios.

A concesión a empresas privadas será entre 20 e 30 anos.
Todo o suliñado supón unha agresión sen precedentes en Galicia e dende CIG-Saúde manifestamos o máis rotundo DESACORDO co modelo empregado para o financiamento da construción de hospitais, que condicionará a xestión dos mesmos, poñendo nas mans dos intereses privados a xestión dos servizos non sanitarios.

LIGAZÓN: Nota de Prensa do Partido Privatizador: Consello da xunta. pax. 24 ao 26

--
CIG-Saúde Ferrol
981334566
www.cigsaudeferrol.blogspot.com

Enviado por:

Cig Saúde Ferrol

-cigsaudeferrol@gmail.com-

23 de janeiro de 2010 12:23

_____________________