Desconvocada a Concentración do Comité Cidadán, deste Sábado 27 de Febreiro

Segundo informa o Comité Cidadán de Emerxencia, este Sábado 27 de Febreiro de 2010, estaba prevista a entrada do gaseiro nº 61, cargado con GNL-LNG para suministrar á Planta de Reganosa. Agardaba-se ao xa coñecido "Hispania Spìrit", un buque metanero de grande porte, 279 metros de eslora e 43,4 de manga, con un calado de 12,12 metros e 26,02 de puntal, a capacidade deste buque -140.000m³- está no límite da permitida polas normas da Capitanía Marítima de Ferrol para poder entrar na Ría.

[O "Hispania Spirit" atracado en Reganosa, en Xuño deste 2009
Clicar acima da foto para ampliar]

Diante deste anuncio de entrada do citado buque, o  Comité Cidadán de Emerxencia convocou a correspondente acción de protesta e denuncia, para o mesmo día, diante do Edifício Administrativo da Xunta, na Praza Amada García de Ferrol, mais como a Administración declarou, por mor das condicións atmosféricas, un estado metereolóxico adverso con nivel de "Alerta Vermella", para toda Galiza, o Comité Cidadán, decidiu desconvocar a concentración anunciada.

Supoñemos que o buque non entrará na Ría, dado que o anuncio de comezo do temporal está para o mediodía, e segundo as normas da Capitanía Marítima, o buque ten que entrar de día, en pleamar e con marea morta, e a Pleamar Diurna, segundo os datos das mareas da Autoridade Portuaria, é ás 15:29 horas cunha altura de 3.95 metros.

• POLA DEFENSA DA VIDA, A NOSA SEGURIDADE E A RÍA !!
• CESE DA ACTIVIDADE E DESMANTELAMENTO DE REGANOSA !!
• PLANTA DE GAS FORA DA RÍA !!

Para apoiar e colaborar co Comité Cidadán:


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org

Información baseada na enviada polo:

Comité Cidadán de Emerxencia

-comitecidadan@gmail.com-

26 de fevereiro de 2010 20:28

_____________________

Nivel vermello: O risco meteorolóxico é extremo (fenómenos meteorolóxicos non habituais de intensidade excepciona). Intervalo horario: Desde as 12h. do día 27/02/2010 até as 00h. do día 28/02/2010. Comentarios: Vento de compoñente sur rolando a noroeste, forza 10. Refachos que puntualmente superaran os 140 km/h.

Documentos:

• Boletín de tempo meteorolóxico adverso para o 27 - febreiro - 2010, en formato -pdf-
  
  
• Consellos fronte adversos meteorolóxicos, en formato -pdf-
  
  
• Secretaría Xeral de Transportes - Dirección Xeral de Mariña Mercante - Capitanía Marítima de Ferrol: Normas de Seguridade para a entrada, atraque, desatraque e saída de grandes buques gaseiros na Ría de Ferrol - 27.04.2007 - Documento en -pdf- 5 páxinas

_______________________