Este mesmo Mércores 15 de Decembro, hai unha Xornada de Loita na Europa, para denunciar as políticas neoliberais dos gobernos da Unión Europea. "As protestas e mobilizacións están coordinadas pola Confederación Europa de Sindicatos (CES) que rexeita absolutamente os plans de saída impostos pola Unión Europea e presionan para evitar a deriva neoliberal tomada polas institucións europeas, e que pon en risco o propio modelo social europeo. A CES tamén rexeita a directrices emanadas do ECOFIN, que se arroga competencias en materias salariais, laborais e sociais que non ten, pero que presionan de xeito decisivo aos gobernos para que apliquen reformas, como no caso da reforma laboral imposta no estado Español".
A central sindical chama a participar nesta acción de protesta contra as medidas antiobreiras do Goberno Español que hoxe, o Pleno do Congreso dos Deputados, convalidou por maioría, dando-lle o visto bon ao Real Decreto-Lei 13/2010, de 3 de Decembro de 2010, que eufemísticamente se lle chama "de actuacións no ámbito fiscal, laboral e liberalizadoras para fomentar o investimento e a creación de emprego" [Entenda-se privatizar empresas públicas rendíbeis, baixar os impostos ao Capital e empobrecer ainda máis ao que é máis pobre, para contentar aos "mercados", ao FMI, BCE, BM, Comisión Europea, ...]. Medidas anunciadas por Zapatero na pasada comisión de control ao Goberno no Parlamento Español do día 1 de Decembro.
Información baseada na enviada por:
Confederación Intersindical Galega
-cig-informa@galizacig.com-
14 de dezembro de 2010 19:26
_______________________Enlace relacionado:
Ártabra 21: 15D, Xornada de Loita en Europa
_____________________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon