[Foto: Manifestación Contra os desafiuzamentos, por unha vivenda para tod@s 25.09.2011]
Un novo desafiuzamento, que xa está en marcha, en Tui -Baixo Miño, este Venres 4 de Novembro de 2011, necesita unha Acción.
_____________
Nota aclaratoria: Por falta de coordinación, puxemos, nun principio, que Erdune Cajal era d'A Coruña, e resulta que vive en Tui, na comarca do baixo Miño. Ela enviou a mensaxe a "SOSDesafiuzamentos d'A Coruña" por iso o da confusión. Hoxe mesmo quedaron de ir até o Banco e logo aos servizos sociais. O desafiuzamento está previsto para o venres 4 de Novembro, a hipoteca é co Banco Popular.
_____________
Unha tudense desempregada enviaba un SOS desesperado, trátase de Edurne Cajal. Os colectivos solidarios e de acción, solicitaban axuda para localizar a Edurne.
Onte, 30 de Outubro de 2011, chegaban correos, e postába-se nas redes sociais, ... unha mensaxe urxente, con orixe en Chamamento URXENTE recibido dende "Stopdesafiuzamento d'A Coruña". A Ártabra 21, chegaba desde as Mesas de Converxencia e Acción - Rede de Converxencia Social "Praza Pública" de Ferrol:
Correo recibido dende "Stopdesafiuzamento d'A Coruña"
¡¡¡¡ URXENTE DIFUNDE !!!!, NECESITAMOS LOCALIZAR A ESTA MULLER. DÉMOSLLE UN TELEFONO DE CONTACTO PERO NON COMUNICOU CONNOSCO. SE ALGUÉN A COÑECE QUE SE POÑA EN CONTACTO CONNOSCO. ¡¡¡¡DIFUNDE¡¡¡¡¡ Este é a súa mensaxe de desesperación:
"Edurne Cajal:
O día 4 de Novembro virán cambiar a fechadura da miña casa. O banco adxudicouna. Logo de 14 anos na mesma empresa quedeime no paro, roguei ao banco para que me dese un "respiro" de dous anos sen pagar recibos e denegáronmo. Durante este tempo, ano e medio porque unha avogada de oficio tratou de mediar, non VIVÍN e tamén durante este período faleceu o meu único fillo. Totalmente bloqueada só se me ocorre "desaparecer" o día anterior e que cando cheguen a cambiar a fechadura teñan que chamar ao xuíz para o levantamento do meu cadáver. É TERRIBLE!"
Desde as Mesas De Converxencia ..., enviaron a seguinte mensaxe:
Mandamos esta mensaxe:
"Ola, és ti a autora deste texto?. Se é así contacta con nós, saúde!"
ao que nós respondeu:
"Ola: si son eu. Sinto vergoña pero cando che sentes cunha soidade absoluta é bastante máis sinxelo dicir o que che está pasando a unha "rede". Mañá irei ao banco para "suplicarlles" que me concedan unha semana máis, aínda que supoño que será inútil posto que o xulgado xa ten a "orde" de cambiar as fechaduras o venres día 4. Este último mes falei co procurador que leva o tema para que mediase pero me contestou que o secretario do xulgado só actúa os venres e que a data é inamovible.
Moitísimas grazas por estar aí. Un abrazo. Edurne Cajal".
Facilitámoslle uns números de teléfono para que se poña en contacto con nós, e poder axudala e asesorala con tódolos medios ao noso alcance. Agardamos resposta dela. Como se pode apreciar nas súas verbas, a vergoña que debían ter OS BANCOS e Entidades Financeiras tena ela.
Un saúdo a tod@s, e grazas pola difusión.
-----
Enlaces de interese d'A Coruña:
- https://n-1.cc/pg/groups/372403/desahucios-corua/
- http://www.stopdesahuciosacoruna.tk/
- http://www.acampadacoruna.com/
-----
Consellos prácticos para persoas e familias con problemas
- Cales son os obxectivos da PAH? Frear os desafiuzamentos que xa están en marcha e que se aprobe a dación en pago (que a entrega da vivenda liquide a débeda pendente) para os debedor de boa fe a piques de perder a súa vivenda habitual.
- Xa non podo facer fronte á miña hipoteca, que fago? Ás persoas que xa teñen o problema encima, desde a PAH dánlles esta serie de consellos prácticos:
1. Verifíque se o pago da hipoteca está garantido mediante unha póliza de seguro para desempregados.- Canto diñeiro me poden embargar do soldo? Esta é unha das principais dúbidas dos afectados. A cantidade inembargable a todo o mundo é 696,93 euros (o salario mínimo interprofesional máis o 10%). Ademais, por cada membro da familia sen ingresos propios, a cantidade increméntase noutros 126,6 euros. É dicir, no caso dunha familia formada por unha nai con dous nenos, a cantidade inembargable é de 950 euros. Da parte do salario que supere os 696 euros pódese embargar unha porcentaxe que varía en función do soldo e outros factores. Varios exemplos: A unha persoa sen fillos que gañe 850 euros ao mes, pódenlle embargar 65 euros. Se gaña 1.400 euros, 162 euros. E se gaña 2.000, 363 euros.
2. Se renegocia a débeda co banco estude atentamente as novas condicións. Desde a PAH non aconsellan optar polo mero adiamento da débeda se isto repercute nun maior interese máis tarde, pois supón postergar e aumentar o problema.
3. Se a vivenda está suxeita a unha actividade profesional ou empresarial e o afectado declárase en concurso non se pode iniciar a execución.
4. Unha vez poxada a vivenda pódese solicitar unha prórroga do prazo de desaloxo por circunstancias persoais, e para iso hai que acudir aos servizos sociais.
5. Pida unha cita cos servizos sociais e solicite por escrito unha vivenda alternativa ante a posibilidade de quedar na rúa.
6. Solicite aos servizos sociais un informe da situación da familia. Con este informe pódese acudir ao Instituto Galego da Vivenda e Solo, ou ao propio Concello, e solicitar unha alternativa habitacional. Aínda que a resposta deste organismo sexa negativa, dispor dunha copia desta petición facilita a obtención do adiamento do prazo de desaloxo.
- Como contactar?
En Ferrol:
mesasdeconverxenciaferrolterra@gmail.com-----
acampadaferrol@gmail.com
Manifesto da Plataforma de Afectados pola Hipoteca (PAH)
CONTRA A FRAUDE HIPOTECARIA, POLO DEREITO Á VIVENDA
MANIFESTO
A Plataforma denuncia que:
1. Hai miles de familias en situacións dramáticas, sen poder pagar a hipoteca ou a piques de deixar de pagala. Moitas están xa en fase de execución hipotecaria, polo que temen ser desafiuzadas nos próximos meses. A mala regulación do sistema bancario español fai que non só corran o risco de perder as súas casas e quedar na rúa, senón tamén de manter parte da débeda, xa que agora os bancos están taxando as mesmas vivendas a prezos inferiores .
2. A administración non está propondo ningunha solución. A "moratoria ICO", anunciada polo goberno, non só non resolve o problema senón que o apraza e complícao ao aumentar os intereses. Ademais, os criterios de aplicación deixan fóra ás familias en situación de maior vulnerabilidade e en moitos casos os bancos néganse a aplicala, xa que non están obrigados.
3. As persoas hipotecadas denunciamos que somos vítimas dunha fraude hipotecaria xeneralizada e dunhas cláusulas contractuais abusivas. Foron os bancos os que facilitaron e outorgaron hipotecas a pesar de que moit@s de nós non eramos suxeitos de crédito e tiñamos uns ingresos baixos. Sobrevaloraron a tasación da vivenda , inflando o prezo, e aumentando así a débeda contraída. Pero a lista de irregularidades non acaba aquí: comisións abusivas; contratación obrigada de seguros caros e inútiles; intereses variables referenciados ao euribor máis uns diferenciais desorbitados; información sesgada, cando non enganosa, sobre posibles aumentos da hipoteca, etc. Todo iso cunha finalidade inequívoca: optimizar beneficios e sortear os controis de risco que todo sistema crediticio razoable debería ter.
Non negamos a nosa parte de responsabilidade ao asinar un contrato que a día de hoxe non podemos manter, a pesar das condicións fraudulentas en que se pactaron moitas destas hipotecas. Con todo, ata agora o índice de morosidade das familias permaneceu incriblemente baixo. A diferenza dos bancos, que ante o estalido da crise non dubidaron en esixir diñeiro público, as familias endebedadas cumpriron os compromisos adquiridos mentres dispuxeron dun emprego e os intereses permitíronllo. Agora que xa non poden facelo, a resposta das entidades crediticias foi intentar renegociar a favor da entidade ou o recurso fulminante á execución hipotecaria. Cun agravante: dada a "desvalorización" sufrida polos pisos, é posible que quen os perda siga debendo diñeiro á entidade que astutamente endebedouno.
Ademais deste cúmulo de irregularidades e despropósitos, non debemos esquecer a responsabilidade das distintas administracións públicas que desenvolveron unha lexislación que só promoveu o acceso a unha vivenda en réxime de propiedade como única forma de acceso a unha vivenda estable e segura e que na práctica significou o sobreendeudamento das familias, marxinando outras formas de acceso á vivenda como o aluguer. A desgravación fiscal da compra, a inestabilidade e inseguridade dos inquilinos ante unha lei de arrendamentos urbanos que defende os intereses do propietario, a desregulamentación do mercado hipotecario que permite hipotecas a 50 anos, a inexistencia dun parque público de aluguer e a falta de control e restrición sobre o crédito, empuxaron a milleiros de familias a endebedarse por encima das súas posibilidades para acceder a unha vivenda.
Ademais os bancos, xunto a inmobiliarias, administracións e medios de comunicación, durante moitos anos repetiron que alugar era tirar o diñeiro, que era moito mellor comprar e que os prezos dos pisos nunca baixarían. Baixo estas condicións, inmobiliarias, bancos e caixas aproveitaron ese contexto obxectivo e dedicaron todo o seu aparello propagandístico a incentivar a compra e o sobreendeudamento.
Por todo iso a asemblea de afectados pola hipoteca esixe solucións. Solucións que son xustas, posibles e que xa que se están aplicando noutros lugares:
a) Parar os desafiuzamentos, tanto das familias hipotecadas como dos avalistas, ata que se atope unha solución á súa situación. Garantir aos afectados o acceso á xustiza gratuíta para poder defenderse nos procesos de execución. En calquera caso garantir que ningunha persoa quede en situación de desamparo habitacional: un Estado democrático respectuoso dos Dereitos Humanos non pode permitir que miles de familias queden na rúa á vez que millóns de pisos permanecen baleiros á espera de ser un negocio rendible.Invitamos ás persoas afectadas a sumarse a esta Plataforma: a unión é o mellor xeito que temos agora para vencer o medo, as ameazas e os abusos dos bancos.
b) Regular a dación en pago, de maneira que se o banco executa a hipoteca e se queda a vivenda, a débeda queda liquidada, como sucede noutros países da UE ou en EEUU. É un abuso bancario que estean expulsando á xente das súas casas e encima esíxanlles o pago de 20, 50 ou ata 100 mil euros.
c) Conversión do parque de vivendas hipotecadas de primeira residencia en parque público de aluguer social. Que a administración force ás entidades financeiras a asumir os prezos reais das vivendas facendo que os bancos renuncien a unha porcentaxe significativa da débeda hipotecaria para que, a continuación, a administración compre a vivenda a prezo de vivenda protexida de réxime xeral e o antigo propietario poida permanecer nela como inquilino de vivenda protexida, a condición de que cumpra os requisitos establecidos para ser beneficiario da mesma. Así, non só se axudaría ás familias hipotecadas, senón que gañaría toda a sociedade ao aumentar o parque de vivenda pública en aluguer. Unha versión desta medida estase aplicando xa no País Vasco, polo que se trataría de estendelo ao resto de comunidades autónomas.
d) Realización dunha Auditoría social sobre o funcionamento do mercado hipotecario. Existen indicios fundados que nos indican que a cidadanía foi obxecto dunha gran fraude que debe ser investigado para poder establecer as responsabilidades de entidades empresariais, bancarias, así como das institucións públicas. A mesma auditoría debería aclarar onde foron a parar os beneficios millonarios que se xeraron durante o boom inmobiliario.
e) Establecer os mecanismos, as reformas e as políticas necesarias para que o acceso a unha vivenda adecuada non volva ser xamais un negocio para uns poucos e unha escravitude para as familias traballadoras. No caso do mercado hipotecario, establecer por lei que o pago da cota mensual hipotecaria en ningún caso sexa superior ao 30% dos ingresos da persoa ou unidade familiar, a un prazo máximo de 20 anos.
Tamén invitamos a entidades e colectivos sociais a apoiar este manifesto, porque é unha tarefa de toda a sociedade o forzar un cambio de modelo: da burbulla inmobiliaria ao dereito á vivenda.
Asímismo, invitamos ás administracións a establecer un diálogo para avanzar na aplicación destas medidas. Mentres estas non se apliquen, anunciamos que iniciaremos mobilizacións e as accións necesarias para facer respectar os nosos dereitos.
Manifesto Afectad@s pola Hipoteca
afectadosporlahipoteca@gmail.com
O 22 de febreiro de 2011 constituíase en Barcelona a Plataforma de Afectad@s pola Hipoteca.
Fonte: Desafiuzamento Coruña - Grupo creado para evitar desafiuzamentos na Coruña e arredores.
De interese no facebook:
En Ferrol:
Blogue:
http://rededeconverxenciasocial.blogspot.com/
Correo de Contacto:
mesasdeconverxenciaferrolterra@gmail.com
________________
Outros elaces de interese:
http://afectadosporlahipoteca.wordpress.com/
http://www.afectadosporlahipotecamadrid.net
______________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon