Coincidindo coa Feira Mensal de Ferrol do Terceiro Domingo de Mes, celebra-se nos meses pares o Mercadiño de Troco: Este Domingo 18 de Decembro, na Praza Vella

 FEIRA DE TROCO

Coincidindo coa Feira Mensal de Ferrol do Terceiro Domingo de Mes, celebra-se nos meses pares o Mercadiño do Troco de Ferrol.
Domingo, 18 de Decembro desde 11:00 horas.
Na Praza Vella de Ferrol.

Contra o consumismo, troca e reutiliza!!!

O Mercadiño de Troco pretende ser unha alternativa ao consumismo actual e sobre todo nestas datas de consumismo desbocado convidan a todas as persoas que desexen trocar algo a que acudan á Praza Vella.

O valor das cousas é o que interesa, non o seu prezo. Algún obxecto que xa non necesitamos pode que alguén si o preci-se. Trocar significa menos residuos, menos contaminación, menos capitalismo.

Trocar debería ser unha práctica habitual de tod@s nós, máis nunha sociedade onde o consumismo é un valor espallado amplamente, incrustado na mente das persoas, pola intensa publicidade e incitación a devorar, non a consumir.

A nova relixión é o Consumo e os templos modernos son os Centros Comerciais, cheos de produtos que na súa maioría non tardaran en formar parte do combustíbel que utiliza Sogama no seu proceso de incineración. Consumir responsabelmente é unha boa práctica social, promover o consumo responsábel é necesario.

Pensa no que precisas e que podes ofrecer a cambio
cólleo
tráeno
trócao

O valor real de calquera cousa é somentes o da súa utilidade:

algo moi custoso que non se usa, non vale nada
algo recuperado ou un préstamo temporal poden valer moitísimo

Web do Mercadiño de Troco Permanente de Ferrol Terra:
http://www.trocaferrol.org/

No facebook:
http://www.facebook.com/profile.php?id=100000679656839
____________________