Concentración en Ferrol Terra no "Día Internacional das Mulleres" convocada pola Rede Internacional "Marcha Mundial das Mulleres"

MARCHA MUNDIAL DAS MULLERES

CELEBRACIÓN DO DÍA INTERNACIONAL DAS MULLERES

"EN LOITA POLOS NOSOS DEREITOS!"

CONCENTRACIÓN EN FERROL TERRA

XOVES 8 DE MARZO ÁS 8 DA TARDE

CANTÓN DE FERROL

A Coordinadora Comarcal de Ferrolterra da Marcha Mundial das Mulleres convídate a sumáreste á Concentración que terá lugar o xoves 8 de Marzo ás 20.00 horas no Cantón de Molíns de Ferrol, co gallo da celebración do Día Internacional das Mulleres.

Nesta ocasión, como resposta ao recrudecemento do machismo nas institucións e á ausencia de políticas de igualdade reais, a Marcha Mundial das Mulleres, xunto a outros colectivos da Galiza, lanza unha campaña nacional conxunta para o 8 de Marzo baixo o lema MULLERES GALEGAS, EN LOITA POLOS NOSOS DEREITOS!.

Nesta campaña realizaranse numerosas actividades nas diversas localidades e comarcas galegas, e rematará nunha gran Manifestación Nacional contra os efectos do capital nas nosas vidas, en defensa dos nosos dereitos políticos, sociais e reprodutivos, para construirmos un mundo máis xusto dende o feminismo e o anticapitalismo.

MANIFESTACIÓN NACIONAL

DOMINGO 11 DE MARZO ÁS 12 DO MEDIODÍA

SAÍDA DA ESTACIÓN DE TRENS DE SANTIAGO DE COMPOSTELA

PARTICIPA!

De haber suficiente xente interesada en acudir a esta Manifestación desde a comarca, a MARCHA MUNDIAL DAS MULLERES e a CONFEDERACIÓN INTERSINDICAL GALEGA fletarán un autobús gratuíto para desprazármonos a Compostela, con saída do edificio de Correos de Ferrol ás 10:30 horas e volta ao remate da Manifestación.

Para apuntarte, chama ao teléfono 667 685 430 antes do 8 de Marzo

TEXTO DO COMUNICADO DA MARCHA:

A estafa que chaman crise económica, xunto a gobernos que lexislan contra os dereitos acadados polas mulleres afianzan o #machismo e a #desigualdade.

Os recortes sociais, as reformas laborais e das pensións, a privatización dos servizos públicos afondan na situación de desigualdade que ocupan as mulleres no mundo laboral e na sociedade en xeral.#menossalario #pensionsreducidas.

Converter outra vez o #aborto nun delito, restrinxir o aceso a #anticonceptivos como a “píldora do día despois”, eliminar os tímidos avances en #educación como foi a implantación da asignatura “Educación para a Cidadanía” son as lindes que os gobernos do #PPatriarcal queren poñer á nosa liberdade e aos nosos dereitos.

Os avanzos en #politicasdeigualdade dos últimos anos están sendo demolidos.

Desaparecen o Servizo Galego de Igualdade, os Centros de Información á Muller...

Aínda que a #violenciamachista segue matando, redúcense os orzamentos e servizos de atención ás vitimas.

A privatización, eliminación e encarecemento de servizos públicos como escolas infantis, comedores escolares... imposibilitan a #conciliacion da vida laboral e familiar.

Xornadas laborais prolongadas; longas e infructuosas búsquedas de emprego, recorte asistencial a #dependencias... están recluindo forzosamente ás mulleres no espazo doméstico con perda de independencia económica e dereito a prestacións.

Empodérase á Ierarquia Católica e organizacións #integristas como ProVida ou Red Madre, promulgando a lei malchamada de Apoio á Familia é á Convivencia, e trátasenos ás mulleres como cidadáns sen #plenosdereitos.

Acentúanse os movementos migratorios entre as mulleres. As que veñen atopanse con #dereitosrecortados, e as que están, sobre todo #mulleresmozas, vense #obrigadasaemigrar para conseguilos noutros países.

Hai avances que non se consolidan, como o das labregas ao aceso á #cotitularidade das explotacións, e outros que se aplican sen ter en conta as #singularidades das mulleres afectadas como é o caso da nova regulación do servizo doméstico.

Os novos lexisladores temen tanto a presenza das mulleres que o único organismo onde queren manter a composición #paritaria de mulleres e homes, semella cómico,é no futuro #ConselloGalegodaMuller.

@feministasgalegas Queremos respecto polos nosos dereitos sexuais e reproductivos. O dereito ao control dos nosos corpos, garantindo o #dereitoaoaborto, gratuíto na sanidade pública.

@feministasgalegas Queremos o dereito a unha atención especializada á saude das
mulleres na sanidade pública, que sexa gratuita e de
carácter universal. #dereitoasaude

@feministasgalegas Queremos servizos públicos e medidas que permitan compatibilizar a vida persoal, familiar e laboral, tanto aos homes coma as mulleres.
#corresponsabilidade Equiparar en dereitos ás mulleres emigrantes.

@feministasgalegas Queremos accións dirixidas a eliminar as desigualdades salariais a temporalidade, a precariedade dos traballos feminizados e a sobreexplotación das mulleres. Creación de emprego público #dereitoslaborais

@feministasgalegas Queremos manter, mellorar e ampliar os servizos públicos que dean cobertura ás necesidades de coidado de familiares e persoas a cargo. #dereitoaocoidado Dereitos reais para as empregadas domésticas.

@feministasgalegas Queremos políticas integrais para a eliminación da violencia
machista,con recursos públicos suficientes. #dereitoaliberdade #dereitoaseguridade
Acabar co tráfico de persoas.

@feministasgalegas Queremos ensino público, gratuíto, non sexista, igualitario e de calidade, que garanta unha educación nos valores da igualdade, da paz, a xustiza e a solidariedade. #dereitoacoeducacion

@feministasgalegas Queremos prestacións sociais e pensións dignas para todas. Acción positiva para evitar as desigualdades na cuantía derivadas de situacións de discriminación no momento da cotización. #dereitoaunhavidadigna

@feministasgalegas Queremos políticas laborais, agrarias, alimentarias, fiscais e sociais en función das necesidades da cidadanía, que freen a emigración da mocidade con accións positivas que poñan fin á discriminación das mulleres.

Frenemos o avance do #machismo e a #desigualdade coa unidade, a loita e a solidariedade #FEMINISMOMAISQUENUNCA

Manifestación DOMINGO 11 de marzo ás 12hs na Alamenda de Compostela 8 de MARZO DÍA INTERNACIONAL DAS MULLERES

...

Folla Informativa da marcha Mundial das Mulleres para este 8 de Marzo de 2012, no Día Internacional das Mulleres, en formato -pdf:

Que está pasando?
@feministasgalegas A estafa que chaman crise económica, xunto a gobernos que lexislan contra os dereitos acadados polas mulleres afianzan o machismo e a #desigualdade

Enviado por:

Lupe Ces

-lupeces@gmail.com-

27 de fevereiro de 2012 21:48

http://lupeces.blogspot.com/
____________