Declaración da Asociación "Fuco Buxán" tras a condena ao xuíz Garzón por prevaricación polo Tribunal Supremo.
Mentres que os ollos e oídos do mundo enteiro asómbranse e se escandalizan cunha sentenza - ditada, case en paralelo, con aquela que absolve ao cidadán Camps por delitos relacionados tamén coa Gürtell, condenando ao xuíz Garzón polo "delito" de buscar o triunfo da xustiza, dende a Asociación Fuco Buxán, desexamos falar alto e claro sobre o que parécenos unha "caza do home", no contexto dunhas inadmisibles premisas nun Estado de Dereito.
Son tres as frontes abertas, orquestradas desde foros recoñecibles da dereita máis reaccionaria e ultramontana que busca silenciar unha voz cuxa pretensión non é outra que curar as feridas causadas polos crimes do réxime franquista e acabar cunha corrupción mafiosa instalada no sistema.
Todos os demócratas sentímonos hoxe condenados neste xuízo polo Tribunal Supremo. O xuíz Garzón non está so: o noso respecto e admiración por el e coa súa traxectoria.
Supoñemos que non será desacato preguntarnos neste momento lamentable e grotesco que distorsiona a realidade e mergulla a lei, quen podería garantir a supervivencia do Estado de Dereito neste "mundo do revés", onde castígase aos inocentes e os culpábeis son recompensados?
Pechando o círculo infernal desta condena, uns versos de Brecht ("Loa á dialéctica") que advirten: "Cun paso firme camiña a inxustiza hoxe. Os opresores disponse a dominar dez mil anos máis”, para rematar cunha mensaxe de esperanza: de nós depende que o xamais convértase en hoxe mesmo.
España, aos ollos do mundo faise, unha vez máis e para mal, "diferente". O Ministro de Xustiza ten que poñerse ao fronte do problema e resolvelo.
Mentres tanto, Baltasar Garzón sabe que estamos con el e para el, esixindo xustiza para todos.
fuco buxán, a.c.
Aptdo Correos 240 C.P. 15400 Ferrol
Telef. 981325492
www.fucobuxan.com
fucobuxan@yahoo.es
Enviado por:
Fuco Buxán Asoc. Cultural - Ferrol
-fucobuxan@gmail.com-
10 de fevereiro de 2012 12:36
____________________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon