Ferrol, como no resto das cidades da Galiza, mobilizou-se en defensa dos Servizos Públicos e contra os recortes dos dereitos d@s empregad@s públic@s

Ás 7 da tarde deste Xoves 23 de febreiro de 2012, a Praza Amada Garcia de Ferrol, diante do Edificio Administrativo da Xunta de Galicia, enchía-se de bandeiras multicolores dos sindicatos da administración pública que de xeito unitario estanse mobilizando contra as Medidas de (contra)reforma no emprego público galego, aprobadas polo goberno dereitista de Alberto Nuñez Feijóo. Medidas de (Contra)reforma chea de recortes en dereitos, en calidade de vida, ... que recortan postos de traballo, que empeoran as condicións laborais e en consecuencia recortan as prestacións de servizos á cidadanía,  dependencia, sanidade e ensino...

Pouco despois das 7 da tarde partía a multitudinaria manifestación cuxa composición maioritaria era de empregad@s public@s, de todos os sectores, ensino, sanidade, servizos sociais, dependencia, administración, ... Foi unha manifestación longa por todo o casco histórico da cidade, para rematar no mesmo lugar desde onde partiu. Unha vez concentrad@s pasou-se á lectura dun comunicado unitario, precedido dunhas palabras de solidariedade co movimento estudantil de Valencia que estes días foi vítima dunha brutal e desproporcionada represión policial.

Manifestación na Defensa dos Servizos Públicos, "Non aos recortes dos nosos dereitos" - Mobilizacións en Ferrol - 23 de Febreiro 2012.


Concentración na Praza Amada Garcia

http://youtu.be/jysPFOW1Z8E

Manifetación pola rúas do casco vello de Ferrol

http://youtu.be/N7x02BYmfBc

Comunicado Final na Praza Amada Garcia

http://youtu.be/oGf3LUw7JkQ

Galería Fotográfica da Mobilización de Ferrol

Fonte das fotos Susete'70
________________